| e-texts navigator |
| Wylie |
220a1 ཏམ་ཡང་ན་ཀློག་བྱེད་པ། ། ཚེ་རབས་ཉི་ཤུ་རྩ་གཅིག་ཏུ།། དེ་ནི་ཚེ་རབས་དྲན་པར་འགྱུར།། གཟུངས་སྔགས་འདི་བདོད་བྱེད་དེ་ལ།། མི་མིན་གང་ཡང་རུང་བ་དང་།། གནོད་སྦྱིན་གྲུལ་བུམ་སྲིན་པོ་དག། ནམས་ཀྱང་བར
220a2 ཚད་མི་བྱེད་དོ། ། གཟུངས་སྔགས་འདི་བརྗོད་བྱེད་དེ་ལ།། འདོད་ཁམས་དབང་ཕྱུག་གང་ཡིན་པ།། སྡིག་ཅན་བདུད་དེ་ནམ་དུ་ཡང་།། བར་ཆད་བྱེད་པར་མི་འགྱུར་རོ།། གཟུངས་སྔགས་འདི་འཛིན་བྱེད་དེ་ཡི།། ཕ་མ་དང་ནི་ཕུ་ནུ་དང་།
220a3 སྲིང་མོ་མཛའ་ཤེས་གཉེན་དག་ཀྱང་།། ལོག་པར་ལྡང་བར་མི་འགྱུར་རོ།། དེ་ཕྱིར་གཟུངས་སྔགས་མདོ་སྡེ་འདི།། འཇིགས་མེད་གང་གིས་ཐོས་གྱུར་ནས།། གཟུངས་སྔགས་འདི་རྗོད་བྱེད་པ་དེས།། ནམས་ཀྱང་འཇིགས་པར་མི་བྱའོ།།
220a4 གཟུངས་སྔགས་འདི་འཛིན་བྱེད་དེ་ཡི།། བསྐལ་པ་བྱེ་བ་སྟོང་རྣམས་སུ།། སྒྲིབ་པའི་ལས་ནི་གང་བྱས་པ།། ཞག་བདུན་གྱིས་ནི་བྱང་བར་འགྱུར།། བྱང་ཆུབ་སེམས་དཔའི་བསོད་ནམས་གང་།། བསྐལ་པ་བྱེ་བར་བསྒྲུབས་པ་ཀུན།།
220a5 གཟུངས་སྔགས་འདི་འཛིན་བྱེད་པ་དེས།། ཞག་བདུན་གྱིས་ནི་ཟིལ་གྱིས་ནོན།། ཕྱོགས་བཞིའི་འཇིག་རྟེན་སྐྱོང་བ་པོ།། རྒྱལ་པོ་ཆེན་པོ་བཞི་པོ་དག། ལུས་ངན་དང་ནི་ཡུལ་འཁོར་སྲུང་།། མིག་མི་བཟད་དང་འཕགས་སྐྱེས
220a6 པོ། ཁ་དོག་ལྡན་ཞིང་གྲགས་དང་ལྡན།། འཁོར་བཅས་བློན་བཅས་དེ་དག་ཀྱང་།། གཟུངས་སྔགས་འདི་ནི་རྗོད་བྱེད་པ།། དེ་ལ་རྟག་ཏུ་སྲུང་བར་བྱེད།། དེ་ནས་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས།། ཚེ་དང་ལྡན་།
220a7 བ་ཀུན་དགའ་བོ་དང་། ཉན་ཐོས་ཆེན་པོ་དེ་དག་དང་། འཕགས་པ་བྱམས་པ་དང་། འཇམ་དཔལ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་དང་། རྒྱལ་པོ་ཆེན་པོ་བཞི་དང་། ལྷ་དང་མི་དང་ལྷ་མ་ཡིན།
220a8 དང་དྲི་ཟར་བཅས་པའི་འཇིག་རྟེན་ཡིད་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། འཕགས་མ་རིགས་སྔགས་ཀྱི་རྒྱལ་པོ་སྒྲོག་མ་མཆོག་གི་གཟུངས་རྫོགས་སྷོ།། །
iiif viewer powered by OpenSeadragon
