| e-texts navigator |
| Wylie |
219a1 ཐམས་ཅད་ཀྱིས་མི་ཚུགས་སོ། ། ཡི་དགས་ཐམས་ཅད་དང་སྲུལ་པོ་ཐམས་ཅད་དང་། གཤེད་བྱེད་ཐམས་ཅད་དང་སྦྱར་བའི་ལས་ཐམས་ཅད་དང་། བྱད་ཐམས་ཅད་དང་མི་དང་མི་མ་ཡིན་པ་ཐམས་ཅད་ཀྱིས
219a2 མི་ཚུགས་ཏེ། ཀུན་དགའ་བོ་མདོར་ན་དེ་ལ་གཞན་གྱི་གནོད་པ་ཐམས་ཅད་ཀྱིས་མི་ཚུགས་སོ།། ཀུན་དགའ་བོ་གསང་བའི་རིགས་པ་ནི་ཆད་པས་བྲལ་བར་འགྱུར་རོ།། ཆད་པས་གཅད་པའི་རིགས་པ་ནི་བརྡེགས་ཕྲ
219a3 བརྡེགས་པའི་རིགས་པ་ནི་བརྒྱད་པས། བརྒྱད་པའི་རིགས་པ་ནི་བསྡིགས་པས། སྡིགས་པའི་རིགས་པ་ནི་མི་ཚུགས་སུ་ལྟས་པས་ཐར་བར་འགྱུར་རོ།། ཀུན་དགའ་བོ་གཟུངས་ཀྱི་གསང་སྔགས་གཞི་འདི་དག་གིས
219a4 གང་ལ་བསྲུང་བ་བྱས་པ་འམ། ཡོངས་སུ་བསྐྱབ་པ་འམ་ཡོངས་སུ་བཟུང་བས་བཅིངས་པ་འམ། ཞི་བ་དང་བདེ་ལེགས་སུ་འགྱུར་བ་བྱས་པ་གཞན་དུ་འགྱུར་བ་དེ་ནི་གནས་མེད་དེ། ལྷ་དང་བཅས་བདུད་དང་བཅས་ཚངས
219a5 པ་དང་བཅས་པའི་འཇིག་རྟེན་དང་། དགེ་སྦྱོང་དང་བྲམ་ཟེར་བཅས་པའི་སྐྱེ་དགུ་དང་། ལྷ་དང་མི་དང་ལྷ་མ་ཡིན་གྱི་ནང་ན་ཡང་ངས་མ་མཐོང་ངོ་།། དེ་ཅིའི་ཕྱིར་ཞེ་ན། གཟུངས་ཀྱི་གས་སྔགས་ཀྱི་གཞི་འདི་དག་ནི་གནོད་པ་དང་།།
219a6 ནད་འགོ་བ་དང་འཁྲུག་པ་ཐམས་ཅད་ལས་ངེས་པར་འབྱུང་བར་བྱིན་གྱིས་བརླབས་པའི་ཕྱིར་རོ།། དེ་ནས་ཆོས་ཀྱི་རྣམ་གྲངས་འདི་རྫོགས་པའི་རྗེས་ལ་རྒྱལ་པོ་ཆེན་པོ་བཞིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། །
219a7 བཅོམ་ལྡན་འདས་བདག་ཅག་གིས་ཀྱང་ཆོས་ཀྱི་རྣམ་གྲངས་འདི་རྒྱ་ཆེར་རྒྱས་པར་བགྱི་བ་དང་། ཆོས་སྨྲ་བ་དེ་དག་རྗེས་སུ་ཡོངས་སུ་གཟུང་བ་དང་། དམ་པའི་ཆོས་ཅི་ནས་ཀྱང་ཡུན་རིང་དུ་གནས་པ་དང་། བདུད་ཐམས་ཅད
219a8 ཚར་གཅད་པའི་སླད་དུ་གཟུངས་ཀྱི་གསང་སྔགས་གཞི་འདི་རྣམས་རྗེས་སུ་སྩལ་བར་འཚལ་ན། བཅོམ་ལྡན་འདས་ཀྱིས་དེ་ལ་ལེགས་སོ་ཞེས་བགྱི་བ་གནང་བང་མཛད་དུ་གསོལ།། དེ་ནས་བཅོམ་ལྡན་འདས་ཀྱིས
iiif viewer powered by OpenSeadragon
