| e-texts navigator |
| Wylie |
217a1 ཡོན་ཏན་དང་ལྡན་པར་བགྱི་བ་དང་། སྟོབས་དང་ལྡན་པར་བགྱི་བ་དང་། མདོག་དང་ལྡན་པར་བགྱི་བ་དང་། བསྲུང་བ་དང་སྦ་བ་དང་། བསྐྱབ་པའི་སླད་དུ་གཟུངས་ཀྱི་གསང་སྔགས་ཀྱི་གཞི་འདི་རྣམས་བརྗོ
217a2 པར་བགྱིའོ། ། དེ་འདི་ལྟ་སྟེ། ཨག་ཁེ། བག་ཁེ། ན་ཛ་ཏེ། ནཱ་གཱ་ས་རེ། ན་ཧི་ལེ། ཛ་ཧི་ལེ། ཛ་ཧ་ལི་བ་ཏེ། ཙཎ་ཌཱི་ལ་བ་ཏེ་སྭཱ་ཧཱ།། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ
217a3 ཁྱོད་གཟུངས་ཀྱི་གསང་སྔགས་གཞི་འདི་དགཟུང་ཤིག། ལོང་ཤིག་ཚངས་ཤིག། ལྕོགས་ཤིག། ཀུན་ཆུབ་པར་གྱིས་ཤིག། གཞན་དག་ལ་ཡང་རྒྱ་ཆེར་རབ་ཏུ་སྟོན་ཅིག། ཀུན་དགའ་བོ་སངས་རྒྱས་འབྱུང་བ་རྙེད་པར་དཀའོ།།
217a4 གཟུངས་ཀྱི་གསང་སྔགས་གཞི་འདི་དག་རྙེད་པར་དཀའོ།། ཀུན་དགའ་བོ་གཟུངས་ཀྱི་གསང་སྔགས་གཞི་འདི་དག་འཛིན་པ་ཡང་ཤིན་ཏུ་རྙེད་པར་དཀའོ།། ཀུན་དགའ་བོ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལས་གཟུངས་ཀྱི།
217a5 གསང་སྔགས་གཞི་འདི་དག་འཛིན་པ་དང་། ལེན་པ་དང་། འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། གཞན་དག་ལ་ཡང་རྒྱ་ཆེར་རབ་ཏུ་སྟོན་པ་དེ་ནི་ཚེ་རབས་བཅུ་གསུམ་དུ་ཚེ་རབས་དྲན་པར་འགྱུར་རོ།། ཚེ་འདི་ཉིད་ལ
217a6 ཡང་སྔོན་གྱི་ལས་མ་གཏོགས་པ་གཞན་གྱི་གནོད་པ་ཐམས་ཅད་ལས་ཡང་དག་པར་འདའ་བ་དང་། འགྲོ་བ་ཐམས་ཅད་དང་རྗེས་སུ་མཐུན་པར་འགྱུར་རོ།། ཀུན་དགའ་བོ་གཟུངས་ཀྱི་གསང་སྔགས་ཀྱི་གཞི་འདི་དག་ནི་སངས་རྒྱས་བྱེ
217a7 བ་ཕྲག་བརྒྱད་བཅུ་རྩ་གཉིས་ཀྱིས་གསུངས་ཏེ། གང་གཟུངས་ཀྱི་གསང་སྔགས་གཞི་འདི་དག་ལས་འདའ་བར་བྱེད་པ་དེ་ནི་དེ་དག་ཐམས་ཅད་ལ་འཁུས་པ་ཡིན་ནོ།། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ།
217a8 དགེ་སློང་དག་ངས་ཀྱང་སེམས་ཅན་རྣམས་ཀྱི་དོན་དང་། ཕན་པ་དང་བདེ་བ་དང་། མདངས་དང་ལྡན་པར་བྱ་བ་དང་། གཟི་བརྗིད་དང་ལྡན་པར་བྱ་བ་དང་། གྲགས་པ་དང་ལྡན་པར་བྱ་བ་དང་།། ཡོན་ཏན་དང་ལྡན་པར་བྱ་བ་དང་སྟོབས་དང
iiif viewer powered by OpenSeadragon
