| e-texts navigator |
| Wylie |
216a1 ལོང་ཤིག་ཆོངས་ཤིག། ལྷོགས་ཤིག། ཀུན་ཆུབ་པར་གྱིས་ཤིག། གཞན་དག་ལ་ཡང་རྒྱ་ཆེར་རབ་ཏུ་སྟོན་ཅིག། ཀུན་དགའ་བོ་སངས་རྒྱས་འབྱུང་བ་རྙེད་པར་དཀའོ།། གཟུངས་ཀྱི་གསང་སྔགས་ཀྱི་གཞི་འདི་དག་ཅད
216a2 པར་དཀའོ། ། ཀུན་དགའ་བོ་གཟུངས་ཀྱི་གསང་སྔགས་གཞི་འདི་དག་འཛིན་པ་ཡང་ཤིན་ཏུ་རྙེད་པར་དཀའོ།། ཀུན་དགའ་བོ་རིགས་ཀྱི་བུ་འམ། རིགས་ཀྱི་བུ་མོ་གང་ལ་ལ་ནི་གཟུངས་ཀྱི་གསང་སྔགས་གཞི་འདི་དག་འཛིན་པ་དང་ལེན
216a3 པ་དང་འཆང་བ་དང་། ཀློག་པ་དང་། ཀུན་ཆུབ་པར་བྱེད་པ་དང་། གཞན་དག་ལ་ཡང་རྒྱ་ཆེར་རབ་ཏུ་སྟོན་པ་དེ་ནི་ཚེ་རབས་བདུན་དུ་ཚེ་རབས་དྲན་པར་འགྱུར་རོ།། ཚེ་འདི་ཉིད་ལ་ཡང་སྔོན་གྱི་ལས་མ་གཏོགས་པར་གཞན་གྱིས་གནོད
216a4 པ་ཐམས་ཅད་ལས་ཡང་དག་པར་འདའ་བ་དང་། འགྲོ་བ་ཐམས་ཅད་དང་རྗེས་སུ་མཐུན་པར་འགྱུར་རོ།། ཀུན་དགའ་བོ་གཟུངས་ཀྱི་གསང་སྔགས་གཞི་འདི་དག་ནི་སངས་རྒྱས་བྱེ་བ་ཕྲག་བདུན་བཅུ་རྩ་བདུན་གྱིས་གསུངས་ཏེ། གང
216a5 གཟུངས་ཀྱི་གསང་སྔགས་གཞི་འདི་དག་ལས་འདའ་བར་བྱེད་པ་དེ་ནི་དེ་དག་ཐམས་ཅད་ལ་འཁུས་པ་ཡིན་ནོ། ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་མ་ཕམ་པ་སྟན་ལས་ལངས་ཏེ། གོས་ཕྲག་པ་གཅིག་ཏུ་གཟར་ནས
216a6 པུས་མོ་གཡས་པའི་ལྷ་ང་ས་ལ་བཙུགས་ཏེ། བཅོམ་ལྡན་འདས་ག་ལ་བ་དེར་ལོགས་སུ་ཐལ་མོ་སྦྱར་བ་འཏུད་ནས།། བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་བདག་གིས་ཀྱང་སེམས་ཅན་རྣམས་ཀྱི་དོན
216a7 དང་། སྨན་པ་དང་བདེ་བ་དང་། མདངས་དང་ལྡན་པར་བགྱི་བ་དང་། གཟི་བརྗིད་དང་ལྡན་པར་བགྱི་བ་དང་། གྲགས་པ་དང་ལྡན་པར་བགྱི་བ་དང་ཡོན་ཏན་དང་ལྡན་པར་བགྱི་བ་དང་། སྟོབས་དང་ལྡན་པར་བགྱི་བ་དང་མདོག་དང
216a8 ལྡན་པར་བགྱི་བ་དང་བསྲུང་བ་དང་། སྦ་བ་དང་བསྐྱབ་པའི་སླད་དུ་གཟུངས་ཀྱི་གསང་སྔགས་གཞི་འདི་རྣམས་བརྗོད་པར་བགྱིའོ།། འདི་ལྟ་སྟེ། ཨད་ཏེ། བད་ཏེ། ནད་ཏེ། ཀུན་ཏེ། བུཀ་སེ། ཀུ་བུཀ་སེ། ཀ་སེ་ཨན་ཀ་སེ།
iiif viewer powered by OpenSeadragon
