| e-texts navigator |
| Wylie |
176b1 རྒྱས་བཅོམ་ལྡན་འདས་རྣམས་ཀྱིས་ཅི་ལྟར་མཁྱེན་པ་གང་ཡིན་པ་དེས་རྗེས་སུ་ཡི་རང་ངོ་ཞེས་བརྗོད་དེ། ། དེ་ནས་འཇིག་རྟེན་གྱི་ཁམས་ཐམས་ཅད་དུ་ཡང་དག་པར་བྱུང་བ། བདག་གི་མེད་པ་རྗེས་སུ་མ་བཟུང་བ། ཐང་ལས་སྐྱེས་པ་རིན་པོ་ཆེའི་རི་ལ་སོགས
176b2 པ་དང་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་མཆོད་པའི་དོན་དུ་བསྔོ་བར་བྱའོ། ། དེ་ནས་བདག་གི་བསོད་ནམས་ཀྱི་སྟོབས་ཀྱིས་དེ་བཞིན་གཤེགས་པ་ཐམས་ཅད་ཀྱི་འཁོར་གྱི་དཀྱིལ་འཁོར་དུ་ཆོས་ཀྱི་དབྱིངས་ལས་སྤྲོབ་པའི་དས་བརྒྱ་ན་པོའི་འོད
176b3 པའི་སྤྲིན་སྣ་ཚོགས་པ་དེ་བཞིན་གཤེགས་པ་རྣམས་ཀྱི་བྱིན་གྱི་བརླབས་དང་། བདག་གི་སྨོན་ལམ་གྱི་སྟོབས་ཀྱིས་འབྱུང་བར་གྱུར་ཅིག་ཅེས་ངེས་པར་བསམས་ལ། འདི་སྐད་ལན་བརྒྱད་ཀྱི་བར་དུ་བརྗོད་པར་བྱའོ།། ན་མཿསརྦ་བུད་དྷ་བོ་དྷི་སཏྭ་ནཱ~ཾ
176b4 སརྦ་ཐ་ཨུད་ག་ཏེ་སྥ་ར་ན་ཏཱི་མཱ་ག་ག་ན་ཀཾ་ས་པཱན་ཏཱ་ཏ་སྭཱ་ཧཱ། དེའི་རྗེས་ལ་གཞན་མ་ཡིན་པར་དེ་བཞིན་དུ་མཆོད་པ་རྣམས་དེ་བཞིན་གཤེགས་པས་ཇི་ལྟར་མཁྱེན་པ་བཞིན་དུ་འབྱུང་བར་འགྱུར་རོ།། དེ་ནས་དེ་བཞིན་གཤེགས་པ་ཐམས་ཅད་དང་བྱང
176b5 ཆུབ་སེམས་དཔའ་ཐམས་ཅད་ལ་ཡོན་ཏན་བསྔགས་པ་མཐའ་ཡས་པ་རབ་འབྱམ་རྒྱ་མཚོ་རྣམས་བདག་གི་སྨོན་ལམ་གྱི་སྟོབས་དང་། བསོད་ནམས་ཀྱི་སྟོབས་དང་དེ་བཞིན་གཤེགས་པ་རྣམས་ཀྱི་བྱིན་གྱི་བརླབས་ཀྱིས་འབྱུང་བར་གྱུར་ཅིག་ཅེས
176b6 བསམས་ལ་སྔགས་འདི་ལན་བརྒྱད་ཀྱི་བར་དུ་བརྗོད་པར་བྱའོ། ། ན་མཿསརྦ་བུད་དྷ་བོ་དྷི་སརྦ་ནཾ། སརྦ་ཏྲཱ~ཾ་ས~ཾ་ཀུ་སུ་མཱ་ཏྲ་ཨ་བྷི་ཛྙཱ་རཱ་ཤི་ནཱི་ནཱ་མོ་སྠཱ་སྟེ་སྭཱ་ཧཱ། དེ་ནས་བསྟོད་པ་ཡང་དག་པར་བརྗོད་པའི་རྒྱ་མཚོ་རྣམས་དེ་བཞིན་གཤེགས་པ་རྣམས་ཀྱིས
176b7 ཅི་ལྟར་མཁྱེན་པ་བཞིན་དུ་འབྱུང་བར་འགྱུར་རོ། ། དེ་ནས་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱིས་ཐམས་ཅད་དུ་སྡུག་བསྔལ་བར་གྱུར་པ་བདག་ལ་བྱིན་གྱིས་བརླབ་ཏུ་གསོལ།། བདག་ལ་དངོས་གྲུབ་དང་མཆོག་སྩལ་དུ་གསོལ་ཞེས
176b8 ཚིག་ཏུ་བརྗོད་པར་བྱའོ། ། དེ་ནས་སེམས་ཅན་ཐམས་ཅད་ཀྱིས་དགེ་བའི་རྩ་བའི་ཚོགས་ཟག་པ་མེད་པ་རྣལ་འབྱོར་ལས་ཡང་དག་པར་བྱུང་བ་རབ་ཏུ་ཐོབ་པར་གྱུར་ཅིག་ཅེས་ཀྱང་རྗོད་དོ།། དེ་བཞིན་དུ་མཐའ་དང་དབུས་མེད་པའི་སེམས་ཅན་ཐམས
iiif viewer powered by OpenSeadragon
