| e-texts navigator |
| Wylie |
176a1 དང་། གཞན་དག་ཀྱང་སེམས་ཅན་གྱི་ཁམས་རྣམས་ལས་འབྱུང་བར་གྱུར་ཅིག་ཅེས་སེམས་ཅན་ཐམས་ཅད་བསྐྱབ་པར་དམིགས་ནས་སྔགས་བཟླས་ནས་དེ་བཞིན་གཤེགས་པ་རྣམས་ཀྱི་བྱིན་གྱིས་བརླབས་ཀྱི་སྟོབས་ཀྱི
176a2 ཤུགས་ལ་དད་པར་བྱའོ། ། དེ་ལྟར་བས་ན་བྱང་ཆུབ་སེམས་དཔའི་ཐེག་པ་པས་ཐ་ན་གཟུང་བ་ཙམ་ལ་ཡང་སྦྱར་བར་བྱའོ།། རྟོག་པ་འདིར་སངས་རྒྱས་བཅོམ་ལྡན་འདས་ཀྱི་དོན་ཡོད་པ་ཐོགས་པ་མེད་པ་སྨོན་ལམ་གྱི་སྟོབས་དང་། བྱིན་གྱིས
176a3 བརླབས་ཀྱི་སྟོབས་ཀྱིས་དངོས་གྲུབ་བྱིན་གྱིས་བརླབས་པ་ཡིན་ནོ། ། དེ་ལས་འདིར་རིག་པ་འཛིན་པ་འཐོབ་པའི་ཐབས་ཕྱོགས་ཙམ་བརྗོད་པར་བྱའོ།། འདིར་དད་པ་དང་ལྡན་པའི་བྱང་ཆུབ་སེམས་དཔའི་ཐེག་པ་པས་རེ་ཤིག་སངས་རྒྱས
176a4 དང་བྱང་ཆུབ་སེམས་དཔའ་ཐམས་ཅད་ལ་སྔ་མ་བཞིན་དུ་བདག་གི་ལུས་དབུལ་བར་བྱའོ། ། དེ་ནས་དུས་ཐམས་ཅད་པའི་སྡིག་པ་བཤགས་ཏེ། ལུས་དང་ངག་དང་ཡིད་ཀྱིས་ཀུན་ནས་ཉོན་མོངས་པ་དང་། ཉེ་བའི་ཉོན་མོངས་པ་ལས་བྱུང་བ་རྣམ
176a5 ནུས་པ་ཇི་ལྟ་བ་བཞིན་དུ་བཤགས་པར་བྱའོ། ། དེ་ནས་འདས་པ་དང་མ་བྱོན་པ་དང་ད་ལྟར་བྱུང་བའི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ཀྱི་བསོད་ནམས་དང་ཡེ་ཤེས་ཀྱི་ཚོགས་ཐམས་ཅད་ལ་རྗེས་སུ་ཡི་རང་བར་བྱ་སྟེ། སེམས
176a6 ཅན་ཐམས་ཅད་སྐྱོབ་ཅིང་ཕན་པར་མཛད་པ་ལ་རྗེས་སུ་ཡི་རང་ངོ་། ། དཔག་ཏུ་མེད་པའི་དེ་བཞིན་གཤེགས་པ་སེམས་ཅན་གྱི་དོན་མཛད་པ་དང་། བྱང་ཆུབ་སེམས་དཔའ་རྣམས་སེམས་ཅན་རྣམས་ཀྱི་དོན་མཛད་པ་ཉིད་ལ་ཡང་རྗེས་སུ་ཡི
176a7 རངངོ་། ། དེ་ནས་འདི་ལྟར་ཡང་བསམ་པར་བྱའོ།། དེ་བཞིན་གཤེགས་པ་གཅིག་གཅིག་གི་བསོད་ནམས་དང་ཡེ་ཤེས་ཀྱི་ཚོགས་ཀྱང་ཚད་མེད་དོ་ཞེས་རྗེས་སུ་ཡི་རང་ནས་སེམས་ཅན་ཐམས་ཅད་ཀྱི་ཕྱིར་ཡོངས་སུ་བསྔོན་མཐ་དང་དབུས
176a8 མེད་པའི་འབྲས་བུ་རྣམ་པར་སྨིན་པ་རྒྱ་ཆེན་པོ་འབྱུང་བར་འགྱུར་ན་གང་ཡང་སངས་རྒྱས་དང་བྱང་ཆུབ་སེམས་དཔའ་མཐའ་ཡས་པ་མཐའ་མི་མཐོང་བ་ཚད་མེད་པ་ཁོང་དུ་ཆུད་པར་བྱས་ནས་རྗེས་སུ་ཡི་རང་བལྟ་ཅི་སྨོས། ། ཡང་ན་སངས
iiif viewer powered by OpenSeadragon
