| e-texts navigator |
| Wylie |
174b1 པ་ཨའི་ཉོན་མོངས་པ་དང་སྡུག་བསྔལ་བ་ལ་སོགས་པ་རབ་ཏུ་སྤང་བ་དང་བྱང་ཆུབ་སེམས་དཔའི་ཚོགས་ཡོངས་སུ་རྫོགས་པར་གྱུར་ཅིག་ཅེས་སྔགས་བཟླམ་པ་བྱ་བ་དེ་བཞིན་དུ་བཟླས་པས་ཀྱང་དེ་བཞིན་གཤེགས་པའི་བྱིན་གྱིས་བརླབས་དང་སྔོན
174b2 ལམ་གྱི་སྟོབས་དང་བསོད་ནམས་དང་ཡེ་ཤེས་ཀྱི་སྟོབས་ཀྱིས་གོར་རིམི་ཇི་ལྟ་བ་བཞིན་དུ་སེམས་ཅན་གྱི་ཁམས་སུ་སེམས་ཅན་གྱི་དོན་གྱི་ཁྱད་པར་ཆུང་ངུ་དང་འབྲིང་དང་ཆེན་པོ་རྣམས་འབྲང་བར་འགྱུར་རོ། ། དེ་དག་ཀྱང་དེ་བཞིན་གཤེགས་པས་མཁྱེན
174b3 པར་འགྱུར་ཏེ་མོས་པ་རྒྱ་ཆེ་བ་དང་དད་པས་བྱང་ཆུབ་མངོན་པར་འདོད་པའི་རིགས་ཀྱི་བུ་དེ་ལ་ཡང་དད་པར་བྱའོ། ། དེ་ལ་འདིའི་དེ་པེ་བསྟན་པ་ནི་འདི་ལྟ་སྟེ། ཡང་འདོད་པའི་ཁམས་ཀྱི་དབང་ཕྱུག་ཅེས་བྱ་བ་ཡོད་དེ་འདོད་པ་སྐྱེད་པར་བྱེད་པ་ཞེས་བྱ།
174b4 པའི་རིག་པས་འདོད་པ་ན་སྤྱོད་པའི་ལྷའི་བུ་འདོད་པས་རྒྱལ་བར་བྱེད་ཅིང་འདོད་པའི་ལོངས་སྤྱོད་ཡོངས་སུ་ལོངས་སྤྱོད་པ་ཡང་། ཡང་དག་པར་སྟོན་པར་བྱེད་དོ།། མེ་ཏོག་རྣམ་པ་སྣ་ཚོགས་པ་མང་པོ་དང་རིན་པོ་ཆེ་དང་ནོར་བུ་ཡོད་པའི་ས་ཕྱོགས
174b5 དང་ཡོ་བྱད་དང་ལོངས་སྤྱོད་ཉེ་བར་སྟོབས་པར་བྱེད་དོ། ། འདི་ལྟ་སྟེ་ཡང་ལྷའི་བུ་དབང་ཕྱུག་ཅེས་བྱ་བ་ཡོད་དེ་དེས་ཡིད་ལྟར་མགྱོགས་པ་ཞེས་བྱ་བའི་རིག་པས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་ལསུ་བྱ་བ་བྱེད་ཅིང་ཡོ་བྱད
174b6 དང་ལོངས་སྤྱོད་མངོན་པར་སྤྲུལ་ནས་གནས་གཙང་མའི་རིགས་ཀྱི་ལྷའི་བུ་རྣམས་ལ་ཡང་ཉེ་བར་སྟོན་པར་བྱེད་དོ། ། འདི་ལྟ་སྟེ་ཡང་རིག་པ་འཛིན་པ་ཞེས་བྱ་བའི་སྔགས་ཀྱིས་གོས་དང་བཟའ་བ་དང་བཏུང་བ་དང་གཞལ་ཡས་འ་དང་བསྐྱེད་མོས་ཚལ
174b7 དང་དྲི་དང་མེ་ཏོག་དང་ཕྱེ་མ་དང་ཕྲེང་བ་ལ་སོགས་པ་མངོན་པར་སྤྲུལ་ནས་ཡོངས་སུ་ལོངས་སྤྱོད་པར་བྱེད་ཅིང་གཞན་དག་ལ་སྟེར་བར་བྱེད་དོ། ། འདི་ལྟ་སྟེ་ཡང་མིག་འཕྲུལ་རྣམ་པ་སྣ་ཚོགས་པའི་མིག་འཕྲུལ་མཁན་ཞེས་བྱ་བས་རྣམ་པ་སྣ་ཚོགས
174b8 པའི་མིག་འཕྲུལ་སྟོན་པར་བྱེད་དོ། ། འདི་ལྟ་སྟེ་ཡང་ལྷ་མ་ཡིན་རྣམས་སྔགས་ཀྱི་སྒྱུ་མ་བྱེད་པར་འགྱུར་རོ།། འདི་ལྟ་སྟེ་ཡང་སྨན་པས་སྔགས་ཀྱིས་སེམས་ཅན་མང་པོ་རྣམས་ཀྱི་རིམས་སེལ་བར་བྱེད་ཅིང་། ཡི་དགས་དང་དུག་དང་ནད་རྣམས་སེལ།
iiif viewer powered by OpenSeadragon
