| e-texts navigator |
| Wylie |
174a1 དབེན་པའི་ས་ཕྱོགས་སུ་འཕགས་པ་སྡོང་པོ་བཀོད་པ་ལ་སོགས་པ་ཤིན་ཏུཏུ་ཆེན་པོའི་མདོདང་བྱང་ཆུབ་སེམས་དཔའི་སྤྱོད་པའི་རྡུལ་རབ་ཏུ་འཇུག་པ་ཀློག་པ་ཉིད་དང་སེམས་པ་ཉིད་དང་མཆོད་པ་ཉིད་ཆོས་གཅིག་ནས་བརྩམས་སྟེཟླ
174a2 པ་གཅིག་གི་བར་བྱ་བྱའོ། ། དེ་ནས་ཉལ་མཆོད་པ་བྱས་ཏེ་མཚན་ཐོག་ཐག་ཏུ་བཟླས་པ་བྱས་ན་དེ་བཞིན་གཤེགས་པ་བྱོན་ཞིང་མགོ་བོ་ལ་ཕྱག་གིས་བྱུགས་ཏེ་འདི་སྐད་དུ་སྐྱེས་བུ་དམ་པ་ལེགས་སོ་ལགས་སོ་ཞེས་གསུང་བར་འགྱུར་ཏེ། དེ་ལ་སོགས་པ་མི
174a3 བརྗོད་པའི་གཟུངས་རྙེད་པར་འགྱུར་ཞིང་བྱང་ཆུབ་སེམས་དཔའི་སྤྱོད་པ་ལ་རྗེས་སུ་ཞུགས་ནས་མངོན་པར་ཤེས་པ་ལྔ་ཐོབ་པར་འགྱུར་རོ། ། ཇི་ལྟར་སེམས་ཅན་རྣམསསངས་རྒྱས་པའི་རྒྱུར་གྱུར་ཅིག་ཅེས་རྣམ་པར་བསམས་ལ་བཟླས་པར་བྱའོ།། དེ་བཞིན་དུ་སེམས
174a4 ཅན་ཐམས་ཅད་ཀྱི་ནད་རྣམས་རབ་ཏུ་ཞི་བར་བྱ་བ་དང་སྡུག་བསྔལ་གྱིས་ཉོན་མོངས་པ་ཐམས་ཅད་རབ་ཏུ་ཞི་བར་གྱུར་ཅིག་ཅེས་དེ་ལྟར་བཟླས་པར་བྱའོ། ། གྲང་བའི་དམྱལ་བ་རྣམས་ལ་དྲོ་བ་འབྱུང་བར་འགྱུར་བ་དང་། ཚ་བའི་དམྱལ་བ་རྣམས་ལ་གྲང་བ་ཉིད་འབྱུང
174a5 བར་གྱུར་ཅིག་ཅེས་བཟླས་པར་བྱའོ། ། དུད་འགྲོ་རྣམས་གཅིག་ལ་གཅིག་ཟ་བ་རྣམས་མེད་པར་གྱུར་ཅིག་ཅེས་བཟླས་པར་བྱའོ།། སེམས་ཅན་གྱི་ཁམས་ཐམས་ཅད་དུ་སྡུག་བསྔལ་བ་དང་ཡིད་མི་བད་བ་ཐམས་ཅད་མེད་པར་གྱུར་ཅིག། བདེ་བ་དང་ཡིད་བདེ
174a6 བ་ཐམས་ཅད་འབྱུང་བར་གྱུར་ཅིག་ཡི་དགས་རྣམས་ལ་བཟའ་བ་དང་བཏུང་བ་འབྱུང་བར་གྱུར་ཅིག་ཅེས་དེ་ལྟར་ཟང་ཟིང་མེད་པའི་སེམས་ཅན་ཐམས་ཅད་ལ་ལོངས་སྤྱོད་འབྱུང་བར་གྱུར་ཅིག། སེམས་ཅན་ཐམས་ཅད་ཀྱི་དགེ་བ་རབ་ཏུ་འཕེལ་བའི་ཤུགས།
174a7 འབྱུང་བར་གྱུར་ཅིག། བདེ་བ་དང་ཡིད་བདེ་བ་དེ་དག་རྣམས་ལ་འབྱུང་བར་གྱུར་ཅིག། དད་པ་དང་དགའ་བ་དང་རབ་ཏུ་དགའ་བ་ལ་སོགས་པ་དང་རྗེས་སུ་ཡི་རང་བ་ལ་སོགས་པའི་དགེ་བའི་ཤུགས་འབྱུང་བར་གྱུར་ཅིག། བསོད་ནམས་དང་ཡེ་ཤེས་ཀྱི་ཚོགས
174a8 ཐམས་ཅད་ཡོངས་སུ་རྫོགས་པར་གྱུར་ཅིག། སྟོབས་བཅུ་མཁྱེན་པའི་ས་ལ་སེམས་ཅན་སོ་སོར་གནས་པར་གྱུར་ཅིག་ཅེས་བྱ་བ་ལ་སོགས་པ་དང་གཞན་ཡང་སེམས་ཅན་ལ་ཕན་པའི་རྒྱུར་དམིགས་ཏེ་སྔགས་བཟླ་བར་བྱའོ།། མདོར་ན་འཁོར་བར་གྱུར
iiif viewer powered by OpenSeadragon
