| e-texts navigator |
| Wylie |
282b1 ཆོས་ཐམས་ཅད་མཐར་ཐུག་པ་མེད་པ་ཉིད་ཡིན་ནོ།། སུ་ལ་ལ་ཤེས་རབ་ཀྱི་ཕ་རོལ་ཏུ་ཕྱིན་པའི་ཚུལ་འདི་ཉན་པ་དང་། འཛོད་དང་འ་ཡག། ཀློག་པ་དང་། སྟོན་པ་དང་། བརྗོད་པ་དང་། སྒོམ་པ་དེ་སངས་རྒྱས་དང་། བྱང་ཆུབ་སེམས
282b2 དཔའི་སྤྱོད་པ་ཟུག་པ་མེད་པའི་མཐར་ཕྱིན་ཏེ། སྒྲིབ་པ་ཐམས་ཅད་ཟད་ནས་དེ་བཞིན་གཤེགས་པ་འམ། རྡོ་རྗེ་འཛིན་པར་མྱུར་དུ་འགྱུར་རོ།། དེ་ནས་དེ་བཞིན་གཤེགས་པ་ཐམས་ཅད་འདུས་ཏེ། ཆོས་ཀྱི་རྣམ་གྲངས་འདི་དོན
282b3 ཡོད་པ་དང་།། ཐོགས་པ་མེད་པར་མྱུར་དུ་འགྲུབ་པར་བྱ་བའི་ཕྱིར་ལག་ན་རྡོ་རྗེ་ལ་ལེགས་སོ་ཞེས་བྱ་བ་བྱིན་ནོ།། སེམས་ཅན་ཆེན་པོ་ལེགས་སོ་ལེགས།། བདེ་བ་ཆེན་པོ་ལེགས་སོ་ལེགས།། ཐེག་པ་ཆེན་པོ་ལེགས་སོ་ལེགས།།
282b4 བློ་གྲོས་ཆེན་པོ་ལེགས་སོ་ལེགས།། ཆོ་ག་འདི་ནི་ལེགས་པར་སྨྲས།། སངས་རྒྱས་རྡོ་རྗེ་འཛིན་ཀུན་གྱིས།། འབྲས་བུ་ཡོད་པ་འདུལ་བའི་མཆོག། རྡོ་རྗེ་མདོ་སྡེ་བྱིན་གྱིས་བརླབས།། ཆོ་གའི་རྒྱལ་པོ་བླ་ན་མེད།། གང་རྣམས་འདི་དག
282b5 འཛིན་པ་ནི།། བདུད་ལ་སོགས་པ་ཐམས་ཅད་ཀྱིས།། དེ་དག་མི་སོད་མི་ཚུགས་སོ།། སངས་རྒྱས་བྱང་ཆུབ་སེམས་དཔའ་དང་།། དངོས་གྲུབ་དམ་པ་ཐམས་ཅད་ཀྱང་།། སངས་རྒྱས་ཀུན་གྱིས་གསུངས་པ་བཞིན།། རིང་པོར་མི་ཐོགས
282b6 ཐོབ་པར་འགྱུར།། དེ་སྐད་གསུངས་ནས་གསང་གྲུབ་ཕྱིར།། རྡོ་རྗེ་ཅན་གྱིས་བཤད་པ་ལ།། ཀུན་མཆོག་སངས་རྒྱས་མཁས་བཅས་པ།། ཐམས་ཅད་ཀྱི་ནི་མངོན་པར་བསྟོད།། དེ་ནས་བཅོམ་ལྡན་འདས་དེ་བཞིན་གཤེགས་པ་རྣམ
282b7 པ་ཨར་སྣང་མཛད་དེ་བཞིན་གཤེགས་པ་ཐམས་ཅད་ཀྱི་གསང་བའི་ཆོས་ཉིད་བརྙེས་པ་ཆོས་ཐམས་ཅད་སྤྲོས་པ་མེད་པས་ཡང་བདེ་བ་ཆེན་པོ་རྡོ་རྗེའི་དོན་ཡོད་པའི་དམ་ཚིག་ཅེས་བྱ་བ་རྡོ་རྗེ་དོན་ཡོད་པའི་ཆོས་མཉམ་པ་ཉིད་ཤེས
282b8 རབ་ཀྱི་ཕ་རོལ་ཏུ་ཕྱིན་པའི་སྒོ་མཆོག་དང་པོ་ཐོག་མ་དང་། ཐ་མ་དང་། དབུས་མེད་པའི་དམ་པ་འདི་གསུངས་སོ།། བྱང་ཆུབ་སེམས་དཔའ་ཆེན་པོ་རྣམས་ཀྱི་འདོད་ཆགས་ཆེན་པོ་དངོས་གྲུབ་དམ་པ་ནི་དེ་བཞིན་གཤེགས་པ་ཐམས་ཅད་ཀྱི
iiif viewer powered by OpenSeadragon
