| e-texts navigator |
| Wylie |
189a1 བ་ལས་རྒྱལ་བར་བྱ་བ་ལ་ནི་རྡོ་རྗེ་ཧཱུཾ་མཛད་ཀྱི་ཕྱག་རྒྱས་སོ།། སེམས་ཅན་གྱི་ཁམས་ཐམས་ཅད་འདུལ་བ་ལ་ནི་རྡོ་རྗེ་ཁྲོ་བོའི་གསང་བས་སོ།། འཇིག་རྟེན་གསུམ་པ་ལས་རྣམ་པར་རྒྱལ་བ་ལ་ནི་འཇིག་རྟེན
189a2 གསུམ་ལས་རྣམ་པར་རྒྱལ་བའི་ཕྱག་རྒྱས་སོ།། ཐམས་ཅད་དགུག་པ་དང་གཞུག་པ་དང་དབབ་པ་དང་བཅིང་བ་དང་དབང་དུ་བྱ་བ་དང་གཞིག་པ་དང་རེངས་པ་དང་གཉིད་ལོག་པར་བྱ་བ་དང་རྒྱས་གདབ་པ་དང་།
189a3 སྐྱེལ་བ་དང་གསད་པར་བྱ་བ་ལ་ནི་བདེ་བ་ཆེན་པོ་རྡོ་རྗེ་ཁྲོ་བོས་སོ།། ཐམས་ཅད་ལྟུང་བར་བྱ་བ་ལ་ནི་རྡོ་རྗེ་ཕྲ་མོའི་ཁྲོ་བོས་སོ།། ཐམས་ཅད་དབབ་པ་ལ་ནི་རྡོ་རྗེ་འབེབས་པའི་ཁྲུ
189a4 བོས་སོ།། ཐམས་ཅད་ངེས་པར་གནོན་པ་ལ་ནི་རྡོ་རྗེ་གང་རྒྱངས་ཀྱིས་སོ།། ལས་ཐམས་ཅད་ལ་ཉེ་བར་དགོས་པ་ལ་ནི་བདེ་བ་ཆེན་པོ་རྡོ་རྗེ་དམ་ཚིག་གི་ཁྲོ་བོས་སོ།། བདེ་བ་ཆེན་པོ་རྡོ་རྗེའི་གསང་བ་ལས་རབ་ཏུ
189a5 དགའ་བ་ལས་བྱུང་བ་རྡོ་རྗེ་གསང་བ་རྣམ་པར་རྒྱལ་བའི་དམ་ཚིག་གི་ཆོ་ག་རྒྱས་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དོན་ཡོད་ཅིང་ཐོགས་པ་མེད་པ་ཐམས་ཅད་དག་པའི
189a6 ཆོས་སྒྲིབ་པ་མེད་པ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་ཡེ་ཤེས་ཀྱི་ཕྱག་རྒྱ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་རང་གི་རྡོ་རྗེ་སེམས་དཔའ་ལ་གསོལ་བ་བཏབ་པོ།། བདེ་བ་ཆེན་པོར་བཀྲུབ
189a7 དང་།། འདོད་ཆགས་ཆེན་པོ་རྣམ་དག་ཕྱིར། པད་མའི་ཚིགས་ཆེན་དག་པ་ནི།། མཆོག་ཆེན་ཁྱོད་ཀྱིས་བསྐྱེད་པར་མཛད།། དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས་ཆོས་ཐམས་ཅད་ལ་གཟིགས་པ་རྡོ་རྗེ
189a8 བྱ་བའི་རྣམ་པར་གནོན་པར་མཛད་ནས་བདེ་བ་ཆེན་པོ་རྡོ་རྗེ་གསང་བའི་པ་ད་མ་ཞེས་བྱ་བའི་སྔགས་འདི་གསུངས་སོ།། ཨོཾ་ཧྲཱི་བཾ་ཧོ། འདི་གསུངས་པ་ཙམ་གྱིས་བཅོམ་ལྡན་འདས་ཀྱི་ཞལ་ནས་པད་མའི་མདོག
iiif viewer powered by OpenSeadragon
