| e-texts navigator |
| Wylie |
133a1 བ་ཡིན། ། གཡོན་གྱི་རྩ་དེར་དགང་གཟར་ལ།། གཡས་པ་བླུགས་པའི་གཟར་བུ་ཡིན།། ཁ་ནི་པད་མའི་མདབ་མ་ཡིན།། སོར་མོ་གཉིས་པར་བདེ་རྒྱས་སོ།། རྡོ་རྗེ་བར་གྱི་ཐོད་པ་དག། བསྲེག་རྫས་ཀྱི་ནི་སྡོད
133a2 ཡིན་ལ། ། རྫས་རྣམས་རྡོ་རྗེ་རིན་ཆེན་དཔའ།། ཧཱུཾ་ཕཊ་ཀྱི་ནི་མཐའ་ཅན་གྱིས།། བསྲེག་བྱས་ཆུ་མེ་དང་རླུང་།། ནམ་མཁའ་ལྟ་བུའི་དབུས་སུ་གནས།། ཁ་བྱེ་གནས་པ་རྟག་དུའོ།། ཀུན་དུའང་ཁ་ཕྱེ་བསྐོར་བར་བྱ།། གཞི་གཎྜཱི
133a3 མདབ་མའི་སྟེང་དུ་སྟེ། ། ལྟེ་བ་དང་ནི་ཡང་དག་ལྡན།། ལྷན་ཅིག་རྣམ་པར་ཤེས་པའི་ལྷ།། ནམ་མཁའ་ཉིད་དུ་ངེས་པར་འབར།། དེ་ཡི་མཚན་མར་ཤེས་བྱ་བ།། རྡུལ་གྱི་རྣམ་པར་དེ་ཉིད་དོ།། ཐིག་ལེ་ཡི་གེ་མེད་པ་སྟེ།།
133a4 རྐུན་མི་འཆད་པར་འོད་ཀྱིས་གནས།། བརྒྱར་བཤགས་སྒྲ་ཡི་ཚད་ཀྱིས་སོ།། ཨརྒྷས་རབ་ཏུ་སྦར་བར་བྱ།། སྔར་གསུངས་འབྱུང་བ་རྣམ་བཞི་དང་།། ནམ་མཁར་ཡང་དག་ལྡན་པ་ཡི།། སོར་མོ་ལྔ་དང་ངེས་ལྡན་པས།།
133a5 གང་གི་སྦྱིན་བསྲེག་དེས་བྱའོ།། གཞན་དག་སོར་མོ་གསུམ་གྱིས་བསྲེག། དམིགས་པ་ཐམས་ཅད་འགགས་པར་འགྱུར།། རྟེན་མེད་སྟོང་པ་ནམ་མཁའ་འདྲ།། ཤེས་རབ་ཕ་རོལ་ཕྱིན་པ་ཡི།། ཕྱག་རྒྱ་ཆེན་པོ
133a6 དབང་དུ་འགྱུར། ། བདེ་གཤེགས་ཀུན་དང་མཉམ་འགྱུར་བ།། ཤེས་རབ་དང་ནི་སྙིང་རྗེ་ཆེས།། འགག་པ་མེད་པའི་ཆོས་འགྱུར་རོ།། བདེ་ཆེན་ནམ་མཁའ་ལྟ་བུ་སྟེ།། རྣལ་འབྱོར་པ་ཡི་དམིགས་པ་ཡིན།། མདོག་ནག།
133a7 མདབ་བརྒྱད་ལྟ་བུ་ལ།། རྒྱ་དང་ཟབས་སུ་སོར་མོ་ནི།། ཉི་ཤུ་དེ་བཞིན་བཅུ་པའི་ཐབ།། བྱང་དུ་རྩེ་མོ་བསྟན་པ་ལ།། རྡོ་རྗེ་ཐོ་བའི་མཚན་མ་དེ།། སོར་ནི་བཞི་པར་བྲི་བར་བྱ།། དེ་སྟེང་སོར་མོ་གསུམ་བོར་བར།། ཁ་ཁྱེར
133a8 ཀྱང་ནི་དེ་ཡི་ཚད། ། ས་ནག་བོང་བུ་རྔ་མོའི་སྤངས།། མི་རུས་འབྲས་ཀྱི་ཕུབ་མ་དང་།། སོལ་བའི་ཕྱེ་མས་རྣམ་ཐུགས་ལ།། མི་ཞིམ་དྲི་དང་བདུག་པས་མཆོད།། དུར་ཁྲོད་ཤིང་ངམ་བོང་བུ་དང་།། རྔ་མོའི་སྤངས་སྐམ་བུང་ཤིག།།
iiif viewer powered by OpenSeadragon
