| e-texts navigator |
| Wylie |
70b1 དེར་གནས་རླུང་གི་རང་བཞིན་ནི།། གཡོ་བ་རྣམ་ཤེས་གཡོ་བ་ཡིན།། ཐིག་ལེ་སྟོང་ཉིད་ངོ་བོ་སྟེ།། སྟོང་ཉིད་བསམ་དུ་མེད་པའོ།། ཐིག་ལེ་གྲངས་ནི་བཅུ་དྲུག་སྟེ།། རྩ་དང་རླུང་ཡང་དེ་བཞིན་ནོ།། དེ་ནས་སེམས་གཟུང་བསྟན
70b2 པ་ནི། ། རྩ་རླུང་དང་ནི་ཐིག་ལེ་ལ།། གཉིས་མེད་རྩེ་གཅིག་སེམས་དང་པོ།། འཁོར་ལོའི་གྲངས་ནི་བཞི་ཡིན་ཏེ།། བདེ་ཆེན་འཁོར་ལོ་ལོངས་སྤྱོད་ཚེས།། དེ་འོག་སྤྲུལ་པའི་འཁོར་ལོ་སྟེ།། དེ་རེ་ལ་ཡང་བཞི་བཞི་སྟེ།། བཅུ་དྲུག
70b3 གྲངས་སུ་ཤེས་པར་བྱ། ། མེ་རླུང་གཉིས་ནི་རྐྱེན་ཡིན་ཏེ།། རོ་མའི་འཁོར་ལོ་ཉིད་དང་ནི།། སྤྱི་གཙུག་འཁོར་ལོ་དབང་བསྐུར་གནས།། གསང་བའི་འཁོར་ལོ་བཞི་ཡིན་ཏེ།། བདེ་སྐྱོང་འཁོར་ལོ་དང་པོ་སྟེ།། རྟ་མགྲིན་ལོངས་སྤྱོད་འཁོད།
70b4 ལོ་ཡིན།། རིག་པའི་འཁོར་ལོ་གསུམ་པའོ།། གསང་བའི་འཁོར་ལོ་བཞི་ཡིན་ནོ།། ཉི་ཤུ་རྩ་བཞི་གྲངས་སུ་བསྟན།། རྩ་རྣམས་རང་བཞིན་ང་ཡིས་བཤད།། ། རྩ་ནི་ས་ཡི་རང་བཞིན་ཏེ།། རླུང
70b5 དང་ཐིག་ལེའི་རང་བཞིན་ནོ། ། དེ་ནས་ཡི་གེ་དགོད་པ་ནི།། བདེ་ཆེན་འཁོར་ལོ་སུམ་བཅུ་གཉིས།། གསལ་བྱེད་སུམ་བཅུ་རྩ་གཉིས་ནི།། གཡས་ནས་བསྐོར་ཏེ་དགོད་པར་བྱ།། ལོངས་སྤྱོད་འཁོར་ལོའི་རྩིབས་བཅུ་དྲུག། དབྱངས
70b6 ཡིག་བཅུ་དྲུག་གཡོན་ནས་དགོད། ། ཆོས་ཀྱི་འཁོར་ལོ་འདབ་མ་བརྒྱད།། ཡུམ་བཞིའི་ས་བོན་གཡོན་ནས་དགོད།། ཐབས་ནི་མཚམས་ཏེ་གཡས་ནས་བསྐོར།། སྤྲུལ་པའི་འཁོར་ལོའི་འདབ་མ་ནི།། བཅུ་དྲུག་རྩ་བཞི་གང
70b7 ཡིན་ལ། ། གསལ་བྱེད་གཡས་བསྐོར་དགོད་པར་བྱ།། དབྱངས་ཡིག་གཉིས་ལྡན་གཡོན་ནས་བསྐོར།། བདེ་ཆེན་འཁོར་ལོའི་ལྟེ་དབུས་སུ།། ཧཾ་ནི་དཀར་པོའི་ཐུར་བལྟས་བསམ།། ལོངས་སྤྱོད་འཁོར་ལོའི་ལྟེ་དབུས་སུ།།
70b8 ཨོཾ་ནི་དཀར་པོ་གྱེན་བལྟས་བསམ།། ཆོས་ཀྱི་འཁོར་ལོའི་ལྟེ་དབུས་སུ།། ཧཱུཾ་ནི་སྔོན་པོ་ཐུར་བལྟས་བསམ།། སྤྲུལ་པའི་འཁོར་ལོའི་ལྟེ་དབུས་སུ།། ཨ་ནི་དམར་པོ་གྱེན་བལྟས་བསམ།། རྐྱེན་གྱི་འཁོར་ལོ་གཉིས
iiif viewer powered by OpenSeadragon
