| e-texts navigator |
| Wylie |
70a1 སྡོམ་པའི་རྒྱུད་ཀྱི་རྒྱལ་པོ་རྫོག་སྷོ། ། རྒྱ་གར་གྱི་མཁན་པོ་གཱ་ཡ་དྷ་ར་དང་། ལོ་ཙཱ་བ་དགེ་སློང་ཤཱཀྱ་ཡེ་ཤེས་ཀྱིས་སྒྱུར་ཅིང་ཞུས་པའོ།། རྒྱ་གར་སྐད་དུ། ཤྲཱི་མ་ཧཱ་བ་ལ་ཛྙཱ་ན་རཱ་ཛ་ཏན་ཏྲ་རཱ་ཛཱ། བོད་སྐད
70a2 དཔལ་སྟོབས་ཆེན་ཡེ་ཤེས་རྒྱལ་པོའི་རྒྱུད་ཀྱི་རྒྱལ་པོ། ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དེ་ཁོ་ན་ཉིད་བཙུན་མོའི་བྷ་ག་ལ་འཁོར
70a3 དཔའ་བོ་རྡོ་རྗེ་ལ་སོགས་པ་མཁའ་འགྲོ་མ་དང་། མ་མོའི་ཚོགས་ཀྱིས་བསྐོར་ཏེ་བཞུགས་པའི་དུས་སུ། དཔའ་བོ་རྡོ་རྗེ་མཁའ་འགྲོ་ལ་སོགས་པས་གཡོན་ཕྱོགས་སུ་སྐོར་བ་ལན་གསུམ་བྱས་ནས་ཕྱོགས་གཅིག
70a4 ཏུ་འཁོད་དོ། ། དཔའ་བོ་རྡོ་རྗེས་བཅོམ་ལྡན་འདས་ལ་སྤྱི་བོས་གཏུགས་ཏེ། ཧ་ཧ་ཞེས་པ་གསུམ་བརྗོད་ནས་བཅོམ་ལྡན་འདས་ལ་གསོལ་པ། རྩ་ནི་གང་ལགས་རླུང་གང་ལགས།། ཐིག་ལེ་གང་ལགས་གྲངས་ནི་དུ།། དེ་ལ
70a5 སེམས་བཟུང་ཇི་ལྟར་ལགས། ། འཁོར་ལོ་ཇི་ལྟར་ལགས་པ་དང་།། དེ་ཡི་གྲངས་ནི་དུ་ཞིག་མཆིས།། རྩ་རྣམས་རང་བཞིན་ཇི་ལྟར་ལགས། ཡི་གེ་དགོད་ཐབས་ཇི་ལྟར་ལགས།། དེ་རྣམས་དབུས་ཀྱི་ལྟེ་བར་ནི།། ཡི་གེ
70a6 དགོད་པ་གང་དང་གང་། ། གཏུམ་པོ་སྦར་བ་ཇི་ལྟར་ལགས།། ཟླ་བ་ཉི་མ་ཇི་ལྟར་ལགས།། གནས་ནི་གང་དུ་གཟུང་བར་བགྱི།། རྐྱེན་གཉིས་འཁོར་ལོ་ཇི་ལྟར་ལགས།། གོ་བཟློག་ཚུལ་ནི་ཇི་ལྟར་ལགས།། གསང་པའི
70a7 འཁོར་ལོ་བཞི་གང་ལགས། ། དེ་རྣམས་ཀྱི་ནི་དགོངས་པ་དང་།། དེ་ལ་དགའ་སོགས་ཇི་ལྟར་འབྱུང་།། སྟོང་པ་བཅུ་དྲུག་ཇི་ལྟར་ལགས།། ས་ཡི་རིམ་པ་ཇི་ལྟར་ལགས།། དེ་རྣམས་ཀྱི་ནི་དགོངས་པ་དང་།། དགོས་པའི
70a8 དགོངས་པ་ཇི་ལྟར་ལགས། ། བཅོམ་ལྡན་འདས་ཀྱིས་བཀའ་སྩལ་པ།། ཉོན་ཅིག་དཔའ་བོ་རྡོ་རྗེ་ཁྱོད།། ཁྱོད་ལ་བཤད་ཀྱིས་ལེགས་པར་ཟུང་།། རྩ་རྣམས་ཀྱི་ནི་རང་བཞིན་ནི།། ནམ་མཁའ་གཉིས་མེད་ཐམས་ཅད་སྙེད།།
iiif viewer powered by OpenSeadragon
