| e-texts navigator |
| Wylie |
69b1 དབུས་སུ་འདབ་མ་ལྔ་ཡིན་ཏེ།། ལྟེ་བར་ཡང་ནི་ནག་པོ་བསམ།། འདབམ་ལྔ་ལ་དྷ་ལྔ་དགོད།། བ་དན་ལྔ་ཡིས་མཚན་པའོ།། རླུང་གི་དམ་ཚིག་མེ་སྦར་བས།། དམ་ཚིག་མེ་ཡིས་གཏུམ་མོ་བསྐུལ།། འཁོར་ལོ་གསུམ་བསྲེག
69b2 རྙིང་པ་ཙམ། ། ཡི་གེ་ཧ་ནི་བསྲོས་པ་ཡིས།། ཧཾ་བའུ་བདུད་རྩིའི་ཆར་ཡང་བབ།། ལྟེ་བའི་གནས་སུ་ཐིག་ལེར་གྱུར།། རྒྱུན་ཏུ་འབར་བར་གྱུར་པ་ཡིས།། རིན་ཆེན་དབྱིབས་འདྲའི་ནང་སླེབས་ནས།། རང་བཞིན་དགའ
69b3 བཉབས་པྱོད་པས། ། རང་གི་སེམས་ཀྱི་སྙིང་པོའི་རོ།། བཞི་པའི་དཔལ་ལྡན་ཧེ་རུཀ། དེ་ཉིད་རྟོགས་པར་གྱུར་པ་ཡིས།། ཆོས་སུ་རྡོ་རྗེ་འཆང་ཆེན་པོའི།། ས་ནི་ངེས་པར་ཐོབ་པའོ།། དཔལ་རྡོ་རྗེ་གྲུབ་པདྲ་བའི
69b4 སྡོམ་པའི་རྒྱུད་ལས་འཁོར་ལོ་བཞི་བསྟན་པའི་ལེའུ་སྟེ་གསུམ་པའོ། ། །། དེ་ནས་གཞན་ཡང་བཤད་བྱ་བ།། ཡིད་བཞིན་ནོར་བུ་དང་མཚུངས་པའི།། ངེས་དོན་དུ་ནི་ང་ཡིས་གསུངས།། དེ་ཡི་དོན་ལ་ཁྱེད
69b5 རྣམས་ཀྱིས། ། རྩེ་གཅིག་སེམས་ཀྱིས་ཡིད་ལ་ཟུང་།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། བྱམས་པ་དང་། དགའ་བའི་འོད་དང་། དྲི་མ་མེད་པའི་འོད་ལ་སོགས་པ་དཔའ་བོ་དང་། རྣལ་འབྱོར
69b6 མའི་འཁོར་དཔག་ཏུ་མེད་པ་ཐམས་ཅད་དགའ་ཞིང་མགུནས་རྗེས་སུ་ཡིད་རང་ནས། ལྷའི་མཆོད་པ་རྣམ་པ་དུ་མས་མཆོད་པ་ནི་ནམ་མ་ཁཱ་ལ་རིན་པོ་ཆེའི་ཆར་དང་། སྒེག་པ་དང་། རྒོད་པ་དང་། དགའ་བའི་མཆོད
69b7 པའི་རྣམ་པ་དང་། པ་ཏ་ཊ་ལ་སོགས་པའི་མཆོད་པ་དང་། གཞན་ཡང་ལྷའི་མེ་ཏོག་དང་། སྤོས་དང་། མང་མེ་དང་། ཞལ་ཟས་ཀྱི་མཆོད་པ་རོ་བརྒྱ་པ་དང་། བཏུང་བའི་མཆོད་པས་མཆོད་དེ།། གཞན་ཡང་ནང་དང་།
69b8 གསང་བ་དང་། གསང་བའི་གསང་བ་བླ་ན་མེད་པའི་མཆོད་པ་ཆེན་པོ་རྨད་དུ་བྱུང་བས་མཆོད་ནས་ལན་གསུམ་བསྐོར་བ་བྱས་ཏེ། སོ་སོའི་རྫུ་འཕྲུལ་གྱིས་མི་སྣང་བར་གྱུར་ཏེ།། དཔལ་རྡོ་རྗེ་གྲུབ་པ་དྲ་བ
iiif viewer powered by OpenSeadragon
