| e-texts navigator |
| Wylie |
68b1 དྲ་བའི་སྡོམ་པའི་རྒྱུད་ལས་མཚན་གྱི་སྡོམ་པའི་ལེའུ་སྟེ་དང་པོའོ། ། །། དེ་ནས་གཞན་ཡང་ང་ཡིས་བཤད།། ཡེ་ཤེས་སྐྱེ་བའི་རྒྱུ་དང་གནས།། རྐྱེན་དང་དེ་བཞིན་དམིགས་པའི་ཡུལ།། བྱེ་བྲག་མིང་གི
68b2 ནམ་གྲངས་དང་། ། དོན་གྱི་རྣམ་གྲངས་གང་ཡིན་དང་།། ཕན་ཡོན་དང་ནི་འབྲས་བུ་དང་།། དོན་དམ་དེ་ཉིད་ཆོས་ཀྱི་དབྱིངས།། དེ་ཉིད་འདིར་ནི་བཤད་པར་བྱ།། རྒྱུ་ནི་རང་རིག་ཡེ་ཤེས་ཏེ།། རྒྱུ་མེད་རྒྱུ་ཡི་རང་བཞིན་ཅན།།
68b3 རང་རིག་སྒྱུ་མར་བྱུང་བ་ནི།། བདེ་ཆེན་འཁོར་ལོ་ནས་བརྩམས་ཏེ།། འཁོར་ལོ་བཞི་འམ་བརྒྱད་གཉིས་བཤད།། དེ་བཞིན་ཉི་ཤུ་རྩ་བཞི་སྟེ།། ཡེ་ཤེས་སྐྱེ་བའི་རྟེན་ཡིན་ལ།། གནས་ནི་དེ་དང་མཉམ་པའི་རྩ།། གྲོགས
68b4 ནི་ཡེ་ཤེས་རླུང་ཡིན་ཏེ། ། ཡེ་ཤེས་རླུང་གི་བཞོན་པ་ལ།། ཞོན་ནས་དེ་ཉིད་འབྱུང་བ་ཡིན།། གྲངས་ནི་སྔ་མ་ལྟར་ཤེས་བྱ།། ངོ་བོ་ཐིག་ལེ་ཉིད་ཡིན་ཏེ།། ཐིག་ལེ་མདུད་པའི་གྲངས་སུ་ཤེས།། དེ་ཡི་ཕན་ཡོན་གང་ཡིན་པ།།
68b5 བཟུང་འཛིན་རྣམ་པར་རྟོག་པ་ཡིས།། ཕྱིན་ཅི་ལོག་ཏུ་བརྟགས་པ་ཡི།། རྣམ་པར་རྟོག་པ་སྤོང་བ་ཡིན།། འབྲས་བུ་རྡོ་རྗེ་འཆང་ཆེན་པོའི།། ས་ནི་ངེས་པར་ཐོབ་པའོ།། དཔལ་རྡོ་རྗེ་དྲ་བའི་སྡོམ་པའི་རྒྱུད་ལས་ཡེ་ཤེས་ཀྱི་རྒྱུ་དང
68b6 གནས་ལ་སོགས་པའི་ལེའུ་སྟེ། གཉིས་པའོ།། །། དེ་ནས་གཞན་ཡང་བཤད་བྱ་བ།། འཁོར་ལོ་རྣམས་ཀྱི་དབྱེ་བ་ནི།། བདེ་ཆེན་འཁོར་ལོའི་འདབ་མ་ནི།། སུམ་བཅུ་རྩ་གཉིས་གྲངས་ཡིན་ནོ།། དེ་ནས་ལོངས་སྤྱོད་འཁོད
68b7 ལོ་ནི། ། འདབ་མ་བཅུ་དྲུག་དག་ཏུ་བསྟན།། ཆོས་ཀྱི་འཁོར་ལོ་འདབ་མ་བརྒྱད།། སྤྲུལ་པའི་འཁོར་ལོ་འདབ་མ་ནི།། དྲུག་བཅུ་རྩ་བཞི་དག་ཡིན་ནོ།། བདེ་ཆེན་འཁོར་ལོ་སོར་བཞི་སྟེ།། ལོངས་སྤྱོད་འཁོར་ལོ་སོར་བཅུ་དྲུག།
68b8 ཆོས་ཀྱི་འཁོར་ལོ་སོར་བཅུ་གཉིས།། སྤྲུལ་པའི་འཁོར་ལོ་སོར་བཅུ་དྲུག། བདེ་ཆེན་འཁོར་ལོའི་ལྟེ་བ་རུ།། ཧཾ་ནི་དཀར་པོ་ཐུར་བལྟས་སམ།། ལོངས་སྤྱོད་འཁོར་ལོའི་ལྟེ་དབུས་སུ།། ཨོཾ་ནི་དམར་པོ་གྱེན་བལྟས
iiif viewer powered by OpenSeadragon
