| e-texts navigator |
| Wylie |
64b1 ཀྱིས་རིམ་པའོ། ། མ་ནི་རྣམ་པ་གསུམ་ཡིན་ཏེ།། འདོད་ཆགས་ཆེན་པོས་བཅོམ་ལྡན་འདས།། ཞེ་སྡང་ཆེན་པོས་བཅོམ་ལྡན་འདས།། གཏི་མུག་ཆེན་པོས་བཅོམ་ལྡན་འདས།། ང་རྒྱལ་ལ་སོགས་དེ་དང་འདྲ།། ཐུན་མོང
64b2 མ་ཡིན་སྲས་འབྱུང་བས། ། མ་ཞེས་གསུངས་པ་ཡིན་པར་འདོད།། སྣོད་མིན་གསང་བ་སྒྲོགས་ཐོས་པ།། སྐྲག་པ་ཐུན་མོང་མ་ཡིན་བསྐྱེད།། བསྐྱེད་པའི་ཕྱིར་ནི་མ་ཞེས་བྱ།། སྐྱེ་བ་གཅིག་གིས་སངས་རྒྱས་པས། སྲས
64b3 རྣམས་ཐུན་མོང་མ་ཡིན་སྐྱེད། ། དེ་ཡི་ཕྱིར་ནི་མ་ཞེས་བྱ།། ཐུན་མོང་བླ་མའི་ཞལ་ནས་ཤེས།། དེ་ནས་གསང་བ་བཤད་བྱ་སྟེ།། བདུད་རྩི་དྲུག་དག་གསང་བ་སྟེ།། གཟུགས་དང་སྒྲ་དང་དྲི་དང་རོ།། རེག་བྱ་དེ་བཞིན་ཆོས
64b4 ཡིན་ཏེ། ། རྒྱུད་ནི་དབང་བཞི་ངོ་བོ་སྟེ།། བརྗོད་བྱ་རྗོད་བྱེད་བརྒྱད་དུ་བཤད།། གསང་བ་ལྔ་ནི་རྒྱལ་པོ་ལྔ།། ལྟ་བ་སྤྱོད་པ་ཟུང་འཇུག་ལམ།། རྒྱུ་དང་འབྲས་བུ་ས་ལ་སོགས།། བཅུ་དགུ་རྒྱལ་པོ་ཡིན་པར་གསུངས།།
64b5 ཀྱེ་བོ་དཔའ་བོ་འཇིགས་པ་ཆེ།། གནོད་སྦྱིན་གཟུགས་དང་སྲིན་པོ་གཟུགས།། གཞན་ཡང་བདུད་ལ་སོགས་པའི་གཟུགས།། སྣ་ཚོགས་སྟོན་ན་ཇི་ལྟར་བགྱི།། ལྷ་འམ་ཀླུ་ལ་སོགས་པའི་གཟུགས།། སྡུག་པ་སྟོན་ན
64b6 ཇི་ལྟར་བགྱི། ། གནོད་སྦྱིན་སྒྲ་དང་སྲིན་པོ་སྒྲ།། ཤིན་ཏུ་འཇིགས་པའི་སྒྲ་གྲག་ན།། དེ་ལ་བདག་གིས་ཇི་ལྟར་བགྱི།། ཚངས་པའི་སྒྲ་དང་ངང་བའི་སྒྲ།། སྒྲ་སྙན་བྱུང་ན་ཇི་ལྟར་བགྱི།། བྱ་རྒོད་དྲི་དང་བླ་རྩི་དྲི།། ངན་སྐྱུགས་ལསག
64b7 དྲི་བྱུང་ན། ། དེ་ལ་བདག་གིས་ཇི་ལྟར་བགྱི།། གུར་གུམ་ཙན་དན་ག་པུར་སོགས།། དྲི་ཞིམ་བྱུང་ན་ཇི་ལྟར་བགྱི།། བདུད་རྩི་ལ་སོགས་དྲུག་བཅུ་སོགས།། བཟང་པོ་སྟོན་ན་ཇི་ལྟར་བགྱི།། ངན་སྐྱུགས་ལ་སོགས་དམན་པའི
64b8 རོ། ། སྣ་ཚོགས་སྟོན་ན་ཇི་ལྟར་བགྱི།། རེག་བྱ་ལྕགས་ཀྱི་སྤུ་གྲི་སོགས།། རྩུབ་པ་བྱུང་ན་ཇི་ལྟར་བགྱི།། དར་མེན་ལ་སོགས་ལུས་ཀྱིས་རེག། འཇམ་པ་བྱུང་ན་ཇི་ལྟར་བགྱི།། འཇིག་རྟེན་ཆོས་རྣམས་སྣ་ཚོགས་དང་།།
iiif viewer powered by OpenSeadragon
