| e-texts navigator |
| Wylie |
4b1 གཅོད་པའི་རྒྱུད་ཀྱི་རྒྱལ་པོ། ། དཔལ་རྡོ་རྗེ་སེམས་དཔའ་ལ་ཕྱག་འཚལ་ལོ།། འདི་སྐད་བདག་གིས་ཐོས་པ་དུས་ཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་།
4b2 ཐུགས་རྡོ་རྗེ་བཙུན་མོའི་བྷ་ག་ལ་སྙོམས་པར་ཞུགས་སོ།། དེ་ནས་བྱང་ཆུབ་སེམས་དཔའ་རྡོ་རྗེ་སྙིང་པོ་ལ་སོགས་པའི་འཁོར་རྣམས་ཀྱིས་གཡོན་གྱི་ཕྱོགས་ནས་བསྐོར་བ་ལན་གསུམ་བྱས་ནས་ཕྱི་ནང་།
4b3 གསང་བའི་མཆོད་པས་མཆོད་ནས་འདི་སྐད་ཅེས་གསོལ་ཏོ།། ཀྱེ་ཧོ་བཅོམ་ལྡན་རྡོ་རྗེ་འཛིན།། གསང་བ་ཞེས་པ་ཇི་ལྟར་ལགས།། དེ་ཡི་གཅོད་པ་ཇི་ལྟར་ལགས།། རྒྱུད་ཀྱི་དོན་ནི་ཇི་ལྟར་ལགས།། དེ་ཡི
4b4 རྒྱལ་པོའང་ཇི་ལྟར་ལགས། ། བཅོམ་ལྡན་འདས་ཀྱིས་བཀའ་སྩལ་པ།། གསང་བ་ཞེས་པ་རྣམ་པ་བཞི།། དང་པོ་བུམ་དབང་དང་འབྲེལ་པའི།། བསྐྱེད་པའི་རིམ་པའི་རྣལ་འབྱོར་ཏེ།། རྟེན་དང་རྟེན་པར་བསྒོམ་པ་ནི།། སྣོད
4b5 བཅུང་གཟུང་འཛིན་རྣམ་རྟོག་རྣམས། ། སྤང་ཕྱིར་ང་ཡིས་གསུངས་པ་ཡིན།། དེ་ཡི་ཁྱད་པར་དགོངས་པའི་དོན།། དང་པོ་སྟོང་ཉིད་ལ་སོགས་པ།། རྒྱུད་གཞན་དུ་ནི་ང་ཡིས་གསུངས།། རྟེན་དང་རྟེན་པའི་བྱེ་བྲག
4b6 ལ། ། དང་པོ་རྟེན་གྱི་དགོངས་པ་ཡང་།། ཐུགས་ཁའི་ཡི་གེ་ཧཱུཾ་ལས་ནི།། མར་མེ་ཅིག་ལས་གཉིས་ཀྱི་ཚུལ།། ཁ་དོག་ནག་པའི་ཨེ་འཕྲོས་པས།། གྲུ་གསུམ་རྒྱ་ཆེ་གཏིང་རིང་བསམ།། གྲུ་གསུམ་སྐུ་གསུང་ཐུགས་ཡིན།
4b7 ཏེ།། དུག་གསུམ་འཇོམས་པ་དགོངས་པའི་དོན།། ལོགས་ནི་རྣམ་ཐར་གསུམ་ཡིན་ཏེ།། ལུས་ངག་ཡིད་གསུམ་ལས་བྱུང་བའི།། མི་དགེ་བཅུ་འཇོམས་དགོངས་པའི་དོན།། ཆོས་ཀྱི་སྐུ་ནི་དྲི་མེད་ཀྱིས།། རང་བཞིན
4b8 གྱིས་ནི་ཀུན་ལ་ཁྱབ། ། དེ་ཕྱིར་རྒྱ་ཆེན་དགོངས་པའི་དོན།། འཕགས་པ་ཉན་ཐོས་རང་རྒྱལ་དང་།། བྱང་ཆུབ་སེམས་དཔའ་རྣམས་ཀྱིས་ཀྱང་།། ཆོས་སྐུ་རྟོགས་པ་མ་ཡིན་པས།། གཏིང་རིང་བ་རུ་དགོངས་པས
iiif viewer powered by OpenSeadragon
