| e-texts navigator |
| Wylie |
46a1 མ་སྤངས་པའོ། ། རྒྱུ་ཡི་གནས་ནི་སྙིང་ཀ་སྟེ།། འབྲས་བུའི་གནས་ནི་ཕུང་སོགས་ཏེ།། མ་སྤངས་པ་ནི་གཉིས་སུ་ཤེས།། ཕུང་སོགས་སྒྱུ་མར་འཛིན་བྱེད་པ།། འདི་ནི་རྟེན་པ་མ་སྤངས་པའོ།། གལ་ཏེ་ནང་དུ་མ་ཟིན་ན།།
46a2 ཕྱི་རུ་དེ་ཉིད་ངོ་བོར་བསྒོམ།། དེ་ཉིད་ཤོར་བ་མ་སྤངས་པའོ།། གཉེན་པོ་མ་སྤངས་སྒྱུ་མར་བསྒོམ།། ཕུང་སོགས་ལ་རྟེན་ལྷ་རྣམས་ལ།། སྒོ་གསུམ་ངོ་བོ་མ་སྤངས་པ།། ཐ་མལ་པ་དང་བསྐྱེད་རིམ་གཉིས།། གོང་འོག་ཁྱད་པར་ཤེས་བྱ་སྟེ།
46a3 སྒྱུ་མས་གཉེན་པོ་མ་སྤངས་པའོ།། བདུན་པོ་རྣམ་དག་ལ་སོགས་པ།། སྔོན་དུ་འགྲོ་བ་མ་སྤངས་པའོ།། ཕུང་སོགས་རྟོག་པ་ལས་ལོག་ནས།། ཕྲ་བའི་གནས་སུ་གནས་བྱེད་པ།། གནས་ཀྱི་ཁྱད་པར་མ་སྤངས་པའོ།། ལྷ་ཡི་རྣམ་པར་འཇུག
46a4 པ་དང་། ། གོང་དུ་སྒྱུ་མར་ཟློག་པ་གཉིས།། འཕོ་བའི་ཁྱད་པར་མ་སྤངས་ཉིད།། ཡེ་ཤེས་མེ་ནི་ཆེར་འབར་ཏེ།། ཕུང་སོགས་སྒྱུ་མར་གང་འཛིན་པ།། རྟེན་གྱི་ཁྱད་པར་མ་སྤངས་པའོ།། མཉམ་གཞག་རྗེས་ཐོབ་ཀུན་འགགས་ཏེ།། ཐམས་ཅད
46a5 རྟེན་དང་བརྟེན་པར་སྣང་། ། ངོ་བོའི་ཁྱད་པར་མ་སྤངས་པའོ།། དེ་ཉིད་སྒྱུ་མ་རང་བཞིན་མེད།། གཉེན་པོའི་ཁྱད་པར་མ་སྤངས་པའོ།། ཤེས་རབ་ཕག་མོ་མ་སྤངས་པ།། ཕྱག་རྒྱ་མ་སྤངས་པ་རུ་འདོད་།། མ་སྤངས་གཅིག་ནི་གཞན་དང་འདྲ།། གོང་འོག
46a6 ལས་ཀྱི་ཁྱད་པར་རོ། ། ཞེ་སྡང་ཐུགས་ལ་འདོད་ཆགས་གསུང་།། གཏི་མུག་སྐུ་ཡི་ཕྱག་རྒྱ་སྟེ།། ཕྱག་རྒྱའི་དབྱེ་བ་མ་སྤངས་པ།། སྐུ་དང་གསུང་དང་ཐུགས་འཁོར་ལོ།། བདེ་བ་ཆེན་པོའི་འཁོར་ལོ་དག། འཁོར་ལོའི་དབྱེ་བ་མ་སྤངས་པའོ།།
46a7 དང་པོ་སྒྱུ་མའི་ཡེ་ཤེས་མེ།། གཉིས་པ་སྒྱུ་མ་ལྟར་སྣང་མེ།། གཏུམ་མོའི་དབྱེ་བ་མ་སྤངས་པའོ།། ཕུང་སོགས་སྒྱུ་མ་ལས་གཡོ་ཞིང་།། ཕུང་སོགས་སྒྱུ་མས་ཡང་དག་བསྲེག། ཀུན་རྫོབ་རྟོགས་པའི་རྐྱེན་ཡིན་ཏེ།། སྒྱུ་མ་ལྟར་སྣང
46a8 ལས་གཡོ་ཞིང་། ། སྒྱུ་མ་དེ་ཉིད་ལྷར་བོ་སྲེགས་པ།། དོན་དམ་གཉིས་མེད་རྐྱེན་ཡིན་ཏེ།། རྐྱེན་གྱི་དབྱེ་བ་མ་སྤངས་པའོ།། འཁོར་བ་སྤོང་ཞིང་རྣམ་རྟོག་བསྐྱེད།། ཀུན་རྫོབ་བདེན་པ་སེམས་ཀྱི་ལས།། འཁོར་བར་མི་འཁོར་རང་རིག
iiif viewer powered by OpenSeadragon
