| e-texts navigator |
| Wylie |
45b1 བཞིན་ཕྱིར། ། ལུས་ལ་སྐུ་ཡི་ཕྱག་རྒྱས་གང་བ།། ངག་ལ་གསུང་གི་ཕྱག་རྒྱས་གདབ།། སེམས་ལ་ཐུགས་ཀྱི་ཕྱག་རྒྱས་གདབ།། སྐུ་གསུང་ཐུགས་ཀྱི་རང་བཞིན་དུ།། དངོས་པོ་རོ་མཉམ་གྱུར་པ་ལས།། སངས་རྒྱས་སེམས
45b2 ཅན་གལ་ཡོད། ། དམན་དང་གྱ་དམ་ག་ལ་ཡོད།། ལཁ་རབ་ཡོངས་སུ་ཤེས་པ་ལ།། མྱ་ངན་འདས་ཞེས་དེ་ལ་བརྗོད།། ཐམས་ཅད་འཇིགས་དང་རྣམ་རྟག་སྤངས།། འདི་ལ་ཐམས་ཅད་ངོ་མཚར་གྱིས།། ལེགས་པར་གཏད་ཀྱིས།
45b3 དམ་དུ་སྨོས།། ང་ཚའཁོར་འདུས་པ་ཐམས་ཅད་ངོ་མཚར་དུ་གྱུར་ཏེ། མི་སྣང་བར་གྱུར་ཏོ།། དཔལ་རིན་ཆེན་འབར་བའི་རྒྱུད་ཀྱི་རྒྱལ་པོ་རྫོགས་སོ།། རྣལ་གྷོར་མ་ཟླ་བའི་ཕྲེང་བ་དང་།། ལེ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས
45b4 བསྐུར་ཅིང་ཞུས་ཏེ་གཏན་ལ་ཕབ་པའོ། ། @#།། རྒྱ་གར་སྐད་དུ། ཤྲཱི་སཱུརྱ་ཙ་ཀྲ་ཏན་ཏཱ་རཱ་ཛ་ནཱ་མ། བོད་སྐད་དུ། དཔལ་ཉི་མའི་འཁོར་ལོའི་རྒྱུད་ཀྱི་རྒྱལ་པོ་ཞེས་བྱ་བ།། དཔལ་བདེ་མཆོག་ལ་ཕྱག་འཚལོ།།
45b5 ཨ་ལ་ལ་ཧོ་དཔའ་བོ་ཀྱེ།། ངོ་མཚར་རྨད་དུ་བྱུང་བ་ཡི།། བསྐྱེད་དང་རྫོགས་པ་ཆེན་པོ་སྟེ།། མ་སྤངས་པ་དང་ངེས་པ་དག། མགོན་པོས་བདག་ལ་བཤད་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ།། དང་པོ་མ་སྤངས་བཤད
45b6 བྱ་སྟེ། ། ཕུང་པོ་ཁམས་དང་སྐྱེ་མཆེད་དག། བསྐྱེད་པའི་རིམ་པའི་རྒྱུ་མ་སྤངས།། ཕྱག་མཚན་ཉི་ཟླ་ཡིག་འབྲུ་དག། བླ་མའི་མན་ངག་རྐྱེན་མ་སྤངས།། ལུས་ངག་སྒོ་བསྡམས་དམ་ཚིག་ལས།། སྐུ་གཉིས་འབྱུང་བ་འབྲས
45b7 མ་སྤངས། ། ཞེ་སྡང་རུ་དྲར་སྐྱེ་བའི་ལས།། ཞེ་སྡང་རང་རིག་བསྐྱེད་པ་དང་།། ལུས་ཀྱི་དྲི་མ་འཁྲུད་པ་ལས།། ལས་ཀྱི་དབྱེ་བ་མ་སྤངས་པའོ།། པུ་ལི་ར་དང་ཛལ་ན་སོགས།། ནང་དུ་སྤྱི་བོ་སྤྱི་གཙུག་སོགས།། གནས་ཀྱི་དབྱེ་བ་མ་སྤངས་པའོ།
45b8 ཤར་སོགས་བདུད་ཀྱི་སྙིང་ཁ་རུ།། ཞབས་གནས་གནས་ཆེན་མ་སྤངས་པ།། གནས་དེ་ཕྱི་དང་ནང་དུ་ཤེས།། གནས་ཀྱི་དབྱེ་བ་མ་སྤངས་པའོ།། གསེར་འགྱུར་རྩི་ཡི་རྣམ་པ་བཞིན།། ཕུང་སོགས་ལྷ་རུ་འཕོ་བྱེད་པ།། འདི་ནི་འཕོ་བ
iiif viewer powered by OpenSeadragon
