| e-texts navigator |
| Wylie |
45a1 དགའ་བ་བཅུ་དྲུག་རྟེན་དང་བཅས།། ཟབ་པའི་ར་ལོའི་ངོ་བོར་བརྟག། རང་རིག་སྟོང་པ་ཐབས་དང་བཅས།། མཐར་ཐུག་ར་ལིར་ཤེས་པར་བྱ།། ཨ་ནི་ཐོག་མར་མ་སྐྱེས་པ།། ལ་ནི་ནུབ་དང་སྐྱོང་བ་སྟེ།། ར་ནི་ཆགས
45a2 དང་རིན་པོ་ཆེ། ། ར་ལས་འདོད་ཆགས་ཁྲག་ཡིན་ཏེ།། ལ་ལས་ཞེ་སྡང་ཁུ་བའོ།། ཨ་ལས་གཏི་མུག་ཁུ་བ་སྟེ།། སེམས་ཅན་ར་ལིའི་རང་བཞིན་ཏེ།། ཡེ་ཤེས་ལྔ་དང་ས་བཅུ་སོགས།། ཀུན་ལ་ལྡན་པས་ཡི་གནས་སྐུ་ཡི་ར་ལི་སྤྱི་བ་ཡི།།
45a3 གཙུག་ཏོར་དག་ལས་བྱུང་བའོ།། གསུང་ནི་ལྗགས་ཀྱི་དབང་པོ་ལས།། ཐུགས་ཀྱི་ར་ལི་ཐུགས་ཁ་ནས།། བྱུང་བ་རྣམ་པར་ངེས་པའོ།། སྐུ་གསུང་ཐུགས་ཀྱི་རྡོ་རྗེ་ཡིས།། སྤྱན་རྣམས་ལ་ནི་རིམ་བཞིན་བྱུང་།། སྐུ་གསུང་ཐུགས་ཀྱི་གནྡ
45a4 ལ་སྟེ། ། སྤྱི་བོ་ལ་སོགས་དག་ལས་བྱུང་།། ཕྱག་གི་མཐིལ་ནས་རིམ་པས་བྱུང་།། བླ་མའི་ཞལ་ནས་སྣང་བར་བྱ།། བྱེ་བྲག་འབྱུང་བའི་སྒོ་ཡིན་ཏེ།། ཧེ་ཧེ་སེམས་ཅན་སངས་རྒྱས་ཀྱི།། རང་བཞིན་ས་དང་ལམ་ལྡན་ཏེ།། ཟླ་བ་བཅུ
45a5 སོགས་སོ་སོགས་ནི། ། བརྫུས་སྐྱེས་ལ་སོགས་ཇི་ལྟར་ལགས།། འོན་ཏེ་སངས་རྒྱས་མིན་ནམ་ཅི།། སེམས་ཅན་ཐམས་ཅད་བཟོད་མ་ནས།། སངས་རྒྱས་ཡིན་པར་གསུངས་པ་སྟེ།། བརྫུས་སྐྱེས་སྒོང་སྐྱེས་དྲོད་གཤེར་སོག།
45a6 སེམས་ཀྱི་གནས་བཅུ་ས་བཅུ་སྟེ།། རྣམ་ཤེས་བརྒྱད་ནི་བྱང་ཆུབ་ལྔ།། མཁན་པོ་སེམས་ཀྱི་རྒྱལ་པོ་སྟེ།། རང་བཞིན་དག་པ་ཆོས་གོས་ཡིན།། རང་བཞིན་གནས་པ་ཁ་སྤུ་བྲེགས།། ཨ་དང་ཧཾ་གཉིས་སྔགས་ཀྱི་དོན།། ཐམས་ཅད
45a7 སེམས་ལ་གནས་པ་སྟེ། ། སེམས་མེད་སངས་རྒྱས་མ་ཡིན་ཏེ།། ངམ་གྲོག་ལ་སོགས་བེམས་པ་ཡི།། སེམས་ཉིད་སངས་རྒྱས་ཡིན་པའི་ཕྱིར།། སེམས་ཅན་སངས་རྒྱས་རང་བཞིན་ནོ།། རྒྱུ་དང་འབྲས་བུའི་ཚུལ་དང་ཡང་།།
45a8 བག་ལ་ཉལ་དང་ཀུན་དུ་རྒྱུ།། ནུས་པའི་ཚུལ་དང་མངོན་སུམ་ཚུལ།། གཟུགས་ཅན་གཟུགས་མེད་མཁས་པས་བརྟག། སངས་རྒྱས་སེམས་ཅན་དེ་བཞིན་ནོ།། དེ་ལྟར་སེམས་ཅན་སངས་རྒྱས་པས།། ར་ལི་སེམས་ཅན་རང
iiif viewer powered by OpenSeadragon
