| e-texts navigator |
| Wylie |
44a1 འཁྲུལ། ། ཀུན་རྫོབ་ཤུ་བཀྲ་རྒྱུར་འདོད་པ།། རྒྱུ་དང་འབྲས་བུ་འཁྲུལ་བའོ།། རྐྱེན་མེད་རྒྱུ་ཡིས་འབྲས་མི་འབྱིན།། དེ་ཕྱིར་རྐྱེན་ནི་སྤང་མི་བྱ།། ཡེ་ཤེས་རླུང་དང་ཡེ་ཤེས་མ།། ལྷན་སྐྱེས་གཉིས་མེད་རྐྱེན་ཡིན་ཏེ།། དེ
44a2 ཉིད་སྤང་བར་མི་བྱ་ཞིང་། ། ལས་ཀྱི་རླུང་དང་མེ་ཉིད་དང་།། གཞན་དུའང་དེ་ཉིད་སྦྱར་བར་བྱ།། སྲིད་པ་ལེན་དང་བདེ་བ་ལེན།། ལས་མི་སྤང་ཞིང་བདེ་བ་ཡང་།། མི་སྤང་བ་ནི་བཞི་པའོ།། ལུས་དང་ལུས་ཀྱི་སྙིང་པོ་རྩ།། གནས་དང་གནས
44a3 ཚན་མི་སྤང་བ། ། ལྔ་པ་དྲུག་པ་ཡིན་པར་འདོད།། དེ་ཉིད་ཕྱི་དང་ནང་དུ་ཤེས།། ཕྱི་ནི་དབྱེ་བ་མ་སྤངས་པའོ།། སྣང་བ་དང་ནི་མུན་པའི་ཆ།། གང་བ་དང་ནི་སྟོང་པའི་ཆ།། འཕོ་བ་མ་སྤངས་བརྒྱད་པའོ།། རྒྱུ་ཡི་གནས་དང་འབྲས་བུའི
44a4 གནས། ། དེ་ཉིད་མི་སྤང་ཤེས་པར་བྱ།། རིན་པོ་ཆེ་ཡི་ཕོ་བྲང་དུ།། རྟེན་ནི་མི་སྤང་ཤུ་ཀྲ་བཟུང་།། གལ་ཏེ་ཤུ་རུ་མི་ཟིན་ན།། ཤོར་བ་མི་སྤང་རོ་མར་བསྟིམ།། གཉེན་པོ་མི་སྤང་གཟུགས་སྐུ་གཉིས།། མ་སྤངས་པ་ནི་བཅུ་གཉིས་པའོ།། ནོར
44a5 བུའི་རྟེན་ལས་སྐྱེས་པ་ཡི། ། བདེ་བ་ལ་རྟེན་དབང་པོ་ཡི།། སྒོ་བསྡུ་ངོ་བོ་མ་སྤངས་པའོ།། གོང་འོག་ཁྱད་པར་ཤེས་བྱས་ནས་སྒྱུམས་གཉེན་པོ་མ་སྤངས་པའོ།། དགའ་བ་མཆོག་དགའ་ཤེས་བྱས་ཏེ།། སྔོན་དུ་འགྲོ་བ་མ་སྤངས་པའོ།།
44a6 འཁོར་བ་ལུགས་ལས་བཟློག་བྱ་སྟེ།། གནས་ནས་གནས་སུ་བཟློག་བྱེད་པ།། གནས་ཀྱི་ཁྱད་པར་མ་སྤངས་པའོ།། དེ་ཉིད་རིམ་པར་འཕོ་བྱེད་པ།། བླ་མའི་བླ་མ་ལས་བརྒྱུད་ཤེས།། འཁོར་བ་འཇུག་ལྡོག་བྱེ་བྲག་ནི།། འཕོབ་མ་སྤངས
44a7 རྣམ་པ་གཉིས། ། ཡེ་ཤེས་མེ་ནི་ཆེར་འབར་བས།། ཕུང་པོ་འབྱུང་བ་དབང་པོ་སོགས།། ཐམས་ཅད་བདུད་རྩིར་གྱུར་པ་ནི།། རྐྱེན་གྱི་ཁྱད་པར་མ་སྤངས་པའོ།། ལུས་ཀྱི་བ་སྤུའི་བུ་ག་དང་།། བརྟན་དང་གཡོ་བའི་དངོས་པོ་ཀུན།། བདེ་བའི་ངོ་བོར།
44a8 གང་སྣང་བ།། ངོ་བོའི་ཁྱད་པར་མ་སྤངས་པའོ།། དེ་ཉིད་སྒྱུ་མའི་རང་བཞིན་མེད།། གཉེན་པོའི་ཁྱད་པར་མ་སྤངས་པའོ།། བཞིན་མཛེས་མིག་ཡངས་ཕྱག་རྒྱ་ནི།། ལྡན་པ་ཕྱག་རྒྱམ་སྤངས་པའོ།། དམ་ཚིག་ཆོས་ཀྱི་ཕྱག་རྒྱ་དང་།། དེ་ནས
iiif viewer powered by OpenSeadragon
