| e-texts navigator |
| Wylie |
23b1 གཉིས་གཙོ་བོར་བྱ། ། ཁ་རའི་ཆང་ང་མ་འོ་མའམ།། ཤ་དང་མཉམ་པོར་སྦྱིན་པར་བྱ།། འདི་ནི་ཡན་ལག་སྤོས་བཅས་སོ།། དེ་ནས་མཚམས་བཅད་བསྙེན་པ་དང་།། དམ་ཚིག་ས་ཚོགས་བྱ་བ་ཡང་།། སྤྲོས་པ་མེད་པའི་ཡན་ལག
23b2 ཡིན། ། དབང་བསྐུར་སྔོན་དུ་བསྒོམས་པའི་དོན།། དབང་ཐོབ་ཕྱིར་ནི་ང་ཡིས་གསུངས།། རིག་མ་གཏང་དང་མན་ངག་སྦྱིན།། བརྡ་རྣམས་བྱ་ཞིང་འདོད་པའི་རྟགས།། བརྟག་པ་ཤིན་དུ་སྤྲོས་པ་མེད།། ཕྱག་དང་ཞབས་ལ་སོགས་པས
23b3 འཁྱུད། ། དང་པོའི་སྦྱོར་ཐབས་ཞེས་གསུངས་སོ།། དབུ་རྒྱན་མགུལ་རྒྱན་ལ་སོགས་པ།། སྦྱོར་ཐབས་ཆེན་པོ་ཞེས་བྱ་སྟེ།། ལངས་པ་ཅོག་པུ་གན་རྒྱལ་དང་།། ཁ་སྦུབ་འཕྲེང་དང་ལྔ་ཡིན་ཏེ།། འདི་རྣམས་ཀུན་གྱི་དགོངས་པ་ཟབ།།
23b4 དགོངས་མེད་སྤྱོད་པ་སྤྱོད་བྱེད་པ།། འདི་ནི་མནར་མེད་སྐྱེ་བའི་རྒྱུ།། ཐ་མལ་པ་ལས་བརྒྱ་འགྱུར་གྱིས།། བུམ་པའི་དབང་དང་འབྲེལ་བའོ།། བུམ་པ་དང་ནི་གསང་བ་སྟེ།། གསང་བ་ལས་གཞན་གསུམ་པ་སྟེ།། དེ་ཡི་རྣམ་སྨིན་བརྗོད
23b5 མི་ལང་། ། དཀྱིལ་འཁོར་དུ་འཇུག་རིམ་པ་ནི།། བླ་མའི་ཞལ་ནས་ཤེས་པར་བྱ།། ཡན་ལག་བདུན་བསྒོམས་སྦྱོར་བ་དངོས།། ཁྱད་པར་རྣམ་པ་གསུམ་ལས་བྱུང་།། སྔགས་དང་སྨན་ནི་དང་པོ་སྟེ།། གཉིས་པ་སྦྱོར་ཐབས་ཡིན་པར་གསུངས།།
23b6 གསུམ་པ་ཏིང་ངེ་འཛིན་ཡིན་ཏེ།། སྔགས་དང་སྨན་གྱིས་ཀུན་ད་དྲང་།། རྐེད་བཅིང་ཚད་དང་གནས་པའི་ཚད།། གྲང་བའི་ཚད་རྣམས་ཤེས་པར་བྱ།། འབྱུང་བ་བཞི་དང་རིགས་འཐུན་པའི།། རྐེང་བཅིང་རྒོད་པའི་ཚད་དང་མཉམ།།
23b7 སོར་གསུམ་སོར་བཞི་དངར་མ་མེན།། གནས་པའི་ཚད་ནི་རྣམ་པ་དྲུག། རྣམ་ཐར་གསང་བའི་ཕོ་བྲང་གནས།། སྐྱེ་མཆེད་རིག་པར་གནས་པའོ།། སྟོང་པ་རྟ་མགྲིན་འཁོར་ལོར་གནས།། ཁམས་རྣམས་གསང་བ་བདེ་སྐྱོང་གནས།།
23b8 འདབ་ལ་སྤྲུལ་པའི་འཁོར་ལོ་གནས།། ཡང་དག་སྤོང་བ་སྙིང་ཁར་གནས།། ཧེ་རུ་ཀར་ནི་མ་གཤེགས་ཅིང་།། རྡོ་རྗེ་མདའ་ཡིས་མ་བརྒྱབ་པའོ།། དྲང་བའི་ཚད་ནི་སོར་བཞི་འབྱུང་།། དང་པོར་ཁྲུས་བྱས་གཉིས་པ་ལ།། སྨན་དང་སྣུམ
iiif viewer powered by OpenSeadragon
