| e-texts navigator |
| Wylie |
5b1 ཀྱིས་མི་ཚུགས། ལྷ་ཐམས་ཅད་དང་། གདོན་བགེགས་དང་། ལོག་འདྲེན་ཐམས་ཅད་ཀྱི་ཡིད་དུ་འོང་བ་དང་དགའ་བར་འགྱུརརོ།། རྡོ་རྗེའི་རིགས་འབུམ་ཕྲག་བརྒྱད
5b2 ཅུ་རྩ་བཞིས་ཀྱང་དེ་ལ་བསྲུང་བ་དང་། བསྐྱབ་པ་དང་། སྦེད་པར་འགྱུར་རོ།། དེ་ནས་ཀུན་དགའ་བོ་སྟན་ལས་ལངས་ཏེ། བཅོམ་ལྡན་འདས་ཀྱི་ཞབས་ལ་མགོ་བོས
5b3 ཕྱག་འཚལ་ཏེ། ཐལ་མོ་སྦྱར་ནས་ལོགས་ཤིག་ཏུ་འདུག་སྟེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། བཅོམ་ལྡན་འདས་དགེ་སློང་ངམ། དགེ་སློང་མ་འམ།
5b4 དགེ་བསྙེན་ནམ། དགེ་བསྙེན་མ་གང་ལ་བསྲུང་བ་དང་། བསྐྱབ་པ་དང་། སྦ་བའི་སླད་དུ་གཟུངས་ཆེན་མོ་འདི་གསུངས་པ་ལེགས་སོ་ལེགས་སོ།། རྗེས་སུ་ཡི་རང
5b5 ངོ་།། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ཀུན་དགའ་བོ་ལ་བཀའ་སྩལ་པ། རིགས་ཀྱི་བུ་དེ་དེ་བཞིན་ནོ།། དེ་དེ་བཞིན་ཏེ། བཅོམ་ལྡན་འདས
5b6 ཀྱིས་གཟུངས་ཆེན་པོ་འདི་བཀའ་སྩལ་པ་དང་། ལྷ་ཐམས་ཅད་དང་། དགེ་སློང་ཐམས་ཅད་དང་། ལྷ་དང་། ཀླུ་དང་ལྷ་མ་ཡིན་དང་། མི་དང་། གནོད་སྦྱིན་ཐམས་ཅད
5b7 དང་། ནམ་མཁའ་ལྡིང་དང་། དྲི་ཟར་བཅས་པའི་འཇིག་རྟེན་ཡི་རང་སྟེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། འཕགས་པ་དེ་བཞིན་གཤེགས་པའི
5b8 གཙུག་ཏོར་ནས་བྱུང་བའི་གདུགས་ནག་མོ་ཅན་ཞེས་བྱ་བའི་གཟུངས་རྫོགས་སོ།། ཞུས་དག།། ཤུ་བྷ་བསྱཱ་སརྦ་ཛག་ཏཾ།།
iiif viewer powered by OpenSeadragon
