| e-texts navigator |
| Wylie |
10a1 ཏེ་འཚོ་ཞིང་བཞེས་པ་ལ་རིགས་ཀྱི་བུ་འམ་རིགས་ཀྱི་བུ་མོ་གང་ཞིག་གིས་ཇི་སྲིད་འཚོའི་བར་དུ་ཆོས་གོས་དང་། བསོད་སྙོམས་དང་།
10a2 གནས་མལ་དང་། སྙུན་གྱི་རྐྱེན་དང་། སྨན་གྱི་ཡོ་བྱད་རྣམས་ཀྱིས་བསྙེན་བཀུར་བྱེད་ན། ཀུན་དགའ་བོ་དེ་ཙམ་གྱིས་ནི་དེ་བཞིན་གཤེགས་པ་ལ་བཀུར་སྟི་བྱས
10a3 པར་མི་འགྱུར། བླ་མར་བྱས་པར་མི་འགྱུར། རི་མོར་བྱས་པར་མི་འགྱུར། མཆོད་པར་བྱས་པར་མི་འགྱུར། གྱི། བྱང་ཆུབ་སེམས་དཔའི་ཐེག་པ་ལ་ཡང་དག
10a4 པར་ཞུགས་པའི་རིགས་ཀྱི་བུ་འམ་རིགས་ཀྱི་བུ་མོ་གང་ཞིག་ཆོས་ཀྱི་རྣམ་གྲངས་འདི་ཐོས་ནས་འཛིན་པར་བྱེད་དམ། འཆང་བར་བྱེད་དམ། ཀློག་པར་བྱེད་དམ།
10a5 ཀུན་ཆུབ་པར་བྱེད་དམ། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་ཏམ། ཐ་ན་གླེགས་བམ་ལ་བྲིས་ཏེ་འཆང་ན། ཀུན་དགའ་བོ་དེ་ཙམ་གྱིས་ནི་དེ
10a6 བཞིན་གཤེགས་པ་ལ་བཀུར་སྟི་དམ་པ་དང་། བླ་མར་བྱ་བ་དམ་པ་དང་། རི་མོ་དམ་པ་དང་། མཆོད་པ་དམ་པས་བཀུར་སྟི་བྱས་པ་ཡིན། བླ་མར་བྱས་པ
10a7 ཡིན། རི་མོར་བྱས་པ་ཡིན། མཆོད་པ་བྱས་པ་ཡིན་ནོ།། དེ་ནས་ཚེ་དང་ལྡན་པ་ཀུན་དགའ་བོ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས
10a8 པུས་མོ་གཡས་པའི་ལྷ་ངས་ལ་བཙུགས་ཏེ། བཅོམ་ལྡན་འདས་ག་ལ་བདེ་ལོགས་སུ་ཐལ་མོ་སྦྱར་བ་བཏུད་ནས། བཅོམ་ལྡན་འདས་ལ་འདི་སྐད་ཅེས
iiif viewer powered by OpenSeadragon
