| e-texts navigator |
| Wylie |
8a1 སྟེ། པུས་མོའི་ལྷངས་ལ་བཙུགས་ཏེ། བླ་གོས་ཕྲག་པ་ལ་གཟར་། ཐལ་མོ་སྦྱར་ནས། བཅོམ་ལྡན་འདས་ལ་གསོལ་པ། སྟག
8a2 ར་མ་ཅན་གྱི་ནགས་ཁྲིད་ན་གནས་པའི་སེམས་ཅན་མ་ལུས་སྒྲ་རྩ་ཅིག་ཀྱང་མི་སྣང་བ་ཅིའི་རྐྱེན་ཅེས་གསོལ་པ་དང་། བཅོམ་ལྡན་འདས་ཀྱིས་ཚེ་དང་ལྡན་པ
8a3 ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སྟག་ཚེར་མ་ཅན་གྱི་སེམས་ཅན་དེ་རྣམས་ནི་བྱང་ཆུབ་མཆོག་ཏུ་སེམས་བསྐྱེད་པས་སྐད་ཅིག་དེ་ཉིད་ལ་མངོན་པར
8a4 རྫོགས་པར་སངས་རྒྱས་སོ།། སེམས་ཅན་དེ་རྣམས་ནི་གནས་ངན་པའི་ལུས་བོར་ནས། འབྲས་བུ་བྱང་ཆུབ་ཐོབ་པ་ནི་མདོ་སྡེ་འདིའི་བྱིན་རླབས་ཏེ། དེའི་མཐུ
8a5 དེ་འདྲའོ།། གཞན་ཡང་སེམས་ཅན་སུ་གང་མདོ་འདི་འཆང་བ་དང་། ཀློག་པ་དང་། འབྲི་བ་དང་། ཉན་པ་དང་། སྟོན་པ་དང་། ལུང་འབོགས་པ་དང་། ཁ
8a6 བཏོན་བྱེད་པ་དེ་ནི་ལམ་མོ།། མཆོག་གོ། སྒྲོན་མེའོ།། སྟོན་པ་སངས་རྒྱས་སོ།། ཆོས་སོ།། དགེ་འདུན་ནོ།། བླ་མའོ།། དོན་དམ་པའོ།། མ་ནོར་བའོ།། འདྲེ
8a7 ནི་ཡང་དག་པའི་མཐའ་འོ།། ཡང་དག་པའི་ལྟ་བ་ནི་དབུ་མའོ།། དབུ་མའི་ལམ་ནི་སྨྲ་བསམ་བརྗོད་པ་དང་བྲལ་བའོ།། དེ་ནི་སྐྱེ་བ་མེད་པའོ།། སུ་མདོ་སྡེ་འདི་ལ་གུས
8a8 པར་བྱས་ཏེ་མཆོད་པར་བྱེད་པ་དེ་ལ་ནི། རྒྱལ་པོའི་འཇིགས་པ་མི་འབྱུང་ངོ་།། ཆོམ་རྐུན་ཀྱི་འཇིགས་པ་མི་འབྱུང་ངོ་།། དགྲ་བོའི་དབང་དུ་མི་འགྲོའོ།། ཕ
iiif viewer powered by OpenSeadragon
