| e-texts navigator |
| Wylie |
7b1 མ་ན་ད་ར་བ་དང་། ཀུ་མུ་ད་དང་། ཀུ་མུ་ད་ཆེན་པོ་དང་། ས་མ་གན་དྷེ་དང་། ཨུཏྤ་ལ་དང་། ཙམྦ་ཀའི་མེ་ཏོག་དང་། གཞན་ཡང་ཆུ་ལས་སྐྱེས་པ་དང་། ཐང་ལས
7b2 སྐྱེས་པ་ལ་སོགས་པ་བསམ་གྱིས་མི་ཁྱབ་པ་མང་པོ་བཅོམ་ལྡན་འདས་ལ་མངོན་པར་གཏོར་རོ།། རབ་ཏུ་གཏོ་རོ།། གཏོར་མ་ཐག་ཏུ་བཅོམ་ལྡན་འདས་ཀྱི་ཐུགས
7b3 ཀ་ནས་འོད་ཟེར་འདི་ལྟ་སྟེ། མཐིང་ག་དང་། དཀར་པོ་དང་། དམར་པོ་དང་། ལྗང་ཁུ་དང་། བཙོད་ཁ་དང་། སེར་པོ་དང་། བཻ་རུརྱའི་ཁ་དོག་དེ་ལྟ་བུ་དཔག་ཏུ་མེད
7b4 པ་འཕྲོས་ནས། ཤར་ཕྱོགས་ཀྱི་སྟག་མོའི་ཁྲོད་དུ་སོང་ངོ་།། སོང་མ་ཟག་ཏུ་སྟག་དང་། སེང་གེ་དང་། དོམ་དང་། དྲེང་དང་། སྤྱང་ཀི་དང་། བྱ་དང་། རི་དགྲ
7b5 དང་། དེ་ལ་སོགས་པའི་སེམས་ཅན་ཐམས་ཅད་བྱང་ཆུབ་ཏུ་སེམས་བསྐྱེད་མ་ཐག་ཏུ་དུད་འགྲོ་དམན་པའི་ལུས་བོར་ཏེ། སྐད་ཅིག་དེ་ཉིད་ལ་མངོན་པར་རྫོགས་པར
7b6 སངས་རྒྱས་སོ།། སྟག་མོ་དེ་ཡང་མི་སྣང་བར་གྱུར་ཏོ།། དེ་ནས་བཅོམ་ལྡན་འདས་ཀྱིས་ཚེ་དང་ལྔ་པ་ཀུན་དགའ་བོ་དང་། དགེ་སློང་རྣམས་ལ་བཀའ་སྩལ་པ། དགེ་སློང
7b7 དག་ཤར་བྱེས་སྟག་ཚེར་མ་ཅན་གྱི་ནགས་ཚལ་དུ་རྒྱུག་ནགས་ཚལ་ལ་གནས་པའི་སེམས་ཅན་ས་དགུ་རྩེ་གཅིག་ཀྱང་མ་མཆིས་པར་སྣང་ངོ་།། དེ་ནས་ཆེ་དང
7b8 ལྡན་པ་ཀུན་དགའ་བོ་ནགས་ཁྲོད་དེ་ནས་སླར་ལོག་སྟེ། བཅོམ་ལྡན་འདས་ལ་ཕྱག་འཚལ་བ་དང་བསྐོར་བ་བྱས་ནས། བཅོམ་ལྡན་འདས་ཀྱི་སྤྱན་སྔར་འདུག
iiif viewer powered by OpenSeadragon
