| e-texts navigator |
| Wylie |
3a1 ཏུ་མེད་པ་དེ་བཤད་དོ།། དེ་ནས་བཅོམ་ལྡན་འདས་ཀྱི་ཞབས་ཀྱི་མཐིལ་འཁོར་ལོ་རྩིབས་སྟོང་གི་རི་མོ་ཅན། མེ་ཏོག་ཀ་མ་ལ་གསར་དུ་ཁ་བྱེ་བ་ལྟ་བུ་འཇམ་པའི་ཕྱོགས
3a2 ལ་བསྣུན་པ་དང་། ས་འདི་རྣམ་པ་དྲུག་ཏུ་གཡོས་སོ།། ཀུན་ཏུ་གཡོས་སོ།། རབ་ཏུ་གཡོས་སོ།། འབྲུག་དང་གློག་རབ་དུ་འཁྲུག། ཆར་རབ་ཏུ་འབབས། དེ་སྔར
3a3 འོད་ཀྱང་རབ་ཏུ་འགྲོ་བ་དང་། ནོར་བུ་དང་གསེར་གཡུ་དང་། མུ་ཏིག་གི་དྲ་བས་རབ་ཏུ་ཁེབས་པའི་ནང་ན་གསེར་གྱི་ཟ་མ་ཏོག་ཅིག་འདུག་གོ།། དེའི་སྒོ་དྲུང་ན་སྟག་མ
3a4 དར་ལ་བབས་པ་སྨིན་མ་དང་། སྨར་དང་ཟེ་བ་རིང་བ། སོ་དང་སེན་མོ་དཀར་ལ་རིང་བ། ལྕེ་དང་སོ་སྙིང་དཀར་བ། ཁ་གདངས་ཤིང་མཆེད་གཙིགས་པ། འཇའ་དང
3a5 འོད་དུ་འཕྲོ་བ། སྨར་འཁྱུག་པ། རི་མོ་ཐིག་ལེ་ལེགས་པ། མཇུག་མ་སྒྲིལ་བ་ལྷག་པར་སླེབ་པ། གཞོགས་གཡས་ལ་བཞག་ཅིང་འགྲེ། འཛུམ་སྨྲལ་བྱེད་ཅིང
3a6 བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བཅོམ་ལྡན་འདས་ཟ་མ་ཏོག་འདི་ཇི་ལྟ་བུ་ཞིག་མཆིས། ཅི་ཞིག་ཡིན་དེ་སྐད་ཅེས་གསོལ་པ་དང་། བཅོམ་ལྡན་འདས
3a7 ཀྱིས་སྟག་མོ་དེ་ལ་འདི་སྐད་ཅེས་བཀའ་སྩལ་ཏོ།། སྟག་མོ་ཟ་མ་ཏོག་འདི་ནི་དེ་བཞིན་གཤེགས་པའི་སྐུ་སྟེ། དེ་ལྟར་མི་མངོན་པར་རིག་པར་བྱའོ།། མཆོག་ཏུ་རིག་པར
3a8 བྱའོ།། དོན་དུ་རིགས་པར་བྱའོ།། ཡང་དག་པར་རིགས་པར་བྱའོ།། མ་ནོར་བར་རིག་པར་བྱའོ།། གྱ་ནོམ་པར་རིག་པར་བྱའོ།། བླ་ན་མེད་པར་རིག་པར་བྱའོ།། ལྷག་མ
iiif viewer powered by OpenSeadragon
