| e-texts navigator |
| Wylie |
5b1 ཆེན་པོ་ལྟ་བུ་འམ། རྒྱལ་རིགས་ཤིང་སཱ་ལ་ཆེན་པོ་ལྟ་བུ་འམ། ཁྱིམ་བདག་གི་རིགས་ཤིང་སཱ་ལ་ཆེན་པོ་ལྟ་བུ་འམ། ཚོང་དཔོན་གྱི་རིགས་ཤིང་སཱ་ལ་ཆེན་པོ་ལྟ་བུར
5b2 སྐྱེའོ་ཞེས་ང་སྨྲའོ།། ལྷའི་དབང་པོ་དེ་ལྟར་ན་གཟུངས་འདིའི་མཐུས་བྱང་ཆུབ་ཀྱི་སྙིང་པོའི་མཐར་ཐུག་གི་བར་དུ་སྐྱེ་བ་ཡོངས་སུ་དག་པ་ཐོབ་པར་འགྱུར་རོ།། ལྷའི་དབང་པོ
5b3 དེ་ལྟར་ན་གཟུངས་འདི་ནི་མཐུ་ཆེ་བ། ཕན་ཡོན་ཆེ་བ། མཐུ་སྟོབས་ཆེ་བ་དགའ་བ་ཤིས་པ་ཡིན་ཏེ། ལྷའི་དབང་པོ་སེམས་ཅན་རྣམས་ཀྱི་དོན་གྱི་ཕྱིར་གཙུག་ཏོར་རྣམ་པར
5b4 རྒྱལ་མ་ཞེས་བྱ་བའི་གཟུངས་འདི་བཞག་གོ།། འདི་ལྟ་སྟེ། ནོར་བུ་རིན་པོ་ཆེ་ཉི་མའི་སྙིང་པོ་ནི་ཤིན་ཏུ་དྲི་མེད་པར་ནམ་མཁའ་ལྟར་ཡོངས་སུ་དག་པ་འོད་གསལ་བ་ནི་འོད་ཟེར
5b5 གྱི་སྣང་བས་འབར་ཞིང་འདུག་གོ།། ལྷའི་དབང་པོ་དེ་བཞིན་དུ་སེམས་ཅན་དེའང་གོས་པ་མེད་པར་རིག་པར་བྱའོ།། འདི་ལྟ་སྟེ། དཔེར་ན། འཛམ་བུའི་ཆུ་བོའི་གསེར་ཡོངས
5b6 སུ་དག་པ་ནི་ཤིན་ཏུ་མཉེན་ཅིང་སྡུག་པའོ།། ལྷའི་དབང་པོ་དེ་བཞིན་དུ་སེམས་ཅན་དེ་ཡང་ཡོངས་སུ་དག་པར་རིག་པར་བྱ་སྟེ། ཚེ་རབས་གཞན་དུ་ཡང་དེ་བཞིན་དུ་སྐྱེ་བར
5b7 འགྱུར་རོ།། ལྷའི་དབང་པོ་གང་ན་གཟུངས་འདི་དག་རབ་ཏུ་སྟོན་པ་དང་། གླེགས་བམ་དུ་ཡི་གེར་འདྲིར་འཇུག་པ་དང་། འཛིན་པ་དང་། ཀློག་པ་དང་། འདོན་པ་དང་།
5b8 ཏོན་བྱེད་པ་དང་། མཆོད་པ་དང་། ཀུན་ཆུབ་པར་བྱེད་པ་དང་། ཉན་པ་དང་། འཛིན་པ་དང་། འཆང་བར་འགྱུར་བ་དེ་སེམས་ཅན་ཐམས་ཅད་ཡོངས་སུ་དག་པར་འགྱུར།
iiif viewer powered by OpenSeadragon
