| e-texts navigator |
| Wylie |
4b1 རི་ཤུ་དྷི་ཤྱ་བ་བྷ་བ་ཏུ་མེ་ས་དཱ། སརྦ་ག་ག་པ་རི་ཤུད་དྷེ། སརྦ་ཏ་ཐཱ་ག་ཏ་ས་མ་ཤྭ་ས། ཨ་ཧི་ཤྩི་ཏེ། སརྦ་ཏ་ཐཱ་ག་ཏ་ཤྩ་མམ། ས་མ་ཤཱ་ས་ཡནྟུ། བུད་དྷྱ་བུད་དྷྱ། བོ་དྷ་ཡ
4b2 བོ་དྷ་ཡ། བི་བོ་དྷ་ཡ་བི་བོ་དྷ་ཡ། ས་མནྟ་པ་རི་ཤུད་དྷེ། སརྦ་ཏ་ཐཱ་ག་ཏ་ཧྲི་ད་ཡ། ཨ་དྷིཥྛཱ་ན་ཨ་དྷིཥྛི་ཏེ། མ་ཧཱ་མུ་དྲེ་སཱཧཱ། ལྷའི་དབང་པོ་གཙུག་ཏོར་རྣམ་པར་རྒྱལ་མ
4b3 ཞེས་བྱ་བའི་གཟུངས། ངན་འགྲོ་ཐམས་ཅད་ཡོངས་སུ་སྦྱོང་བ། སྡིག་པ་དང་ལས་དང་། སྒྲིབ་པ་ཐམས་ཅད་རྣམ་པར་སྦྱོང་བ། བདེ་འགྲོའི་ལམ་ཐམས་ཅད་དུ་འགྲོ་བ།
4b4 ངན་འགྲོ་ཐམས་ཅད་རྣམ་པར་འཇིག་པར་བྱེད་པ། སངས་རྒྱས་བཅོམ་ལྡན་འདས་གངྒཱའི་ཀླུང་གི་བྱེ་བ་ཕྲག་བརྒྱད་ཅུ་རྩ་བརྒྱད་ཀྱི་བྱེ་མ་སྙེད་དག་གིས་གསུངས་པ། བྱིན
4b5 གྱིས་བརླབས་པ། རྗེས་སུ་ཡི་རང་བར་མཛད་པ། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱས་བཏབ་པ་སྟེ། སེམས་ཅན་ཐམས་ཅད་བདེ་འགྲོར་འགྲོ་བར་བྱ་བ་དང་། ངན
4b6 འགྲོར་ལྟུང་བ་རྣམས་བཟློག་པ་དང་། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་ལ་སོགས་པའི་སྡུག་བསྔལ་གྱི་གནས་ཐམས་ཅད་དུ་སྡུག
4b7 བསྔལ་ཞིང་ཉམ་ཟག་པར་གྱུར་པ་དང་། སྡུག་བསྔལ་གྱི་རྒྱ་མཚོར་ལྟུང་བའི་སེམས་ཅན་རྣམས་སྒྲོལ་བའི་ཕྱིར་གསུངས་པའོ།། དེ་བཞིན་དུ་སེམས་ཅན་ཆེ་ཐུང་ཞིང་ནད་མང་ལ
4b8 སྐལ་བ་ཆུང་ལ་དམན་པ་དང་། བསམ་པ་ཉམས་པ་དང་། ལམ་ལས་ཉམས་པ་རྣམས་ཀྱི་དོན་དུ་གཟུངས་འདི་འཛམ་བུའི་གླིང་དུ་བཞག་གོ། ལྷའི་དབང་པོ་ཁྱོད་ཀྱིས
iiif viewer powered by OpenSeadragon
