| e-texts navigator |
| Wylie |
3a1 ལ་ཞིབ་ཏུ་གསོལ་ཏོ།། ལྷའི་དབང་པོ་བརྒྱ་བྱིན་གྱིས་འགྲོ་བ་བདུན་པོ་དག་གསོལ་མ་ཐག་ཏུ། དེ་ནས་བཅོམ་ལྡན་འདས་ཀྱི
3a2 དབུའི་གཙུག་ཏོར་ནས་འོད་ཟེར་སྣ་ཚོགས་སུ་བྱུང་སྟེ། དེས་ཕྱོགས་བཅུའི་འཇིག་རྟེན་གྱི་ཁམས་ཀྱི་གནས་ཐམས་ཅད་ཀུན་ནས་གང་བར་བྱས་ཏེ། སླར་ལོག་སྟེ
3a3 བཅོམ་ལྡན་འདས་ཀྱི་ཞལ་གྱི་སྒོར་ཞུགས་སོ།། དེ་ནས་བཅོམ་ལྡན་འདས་ཀྱིས་འཛུམ་པ་མཛད་ནས། ལྷའི་དབང་པོ་བརྒྱ་བྱིན་ལ་འདི་སྐད་ཅེས་བཀའ་སྩལ་ཏོ།།
3a4 ལྷའི་དབང་པོ་གཙུག་ཏོར་རྣམ་པར་རྒྱལ་མ་ཞེས་བྱ་བའི་གཟུངས། དེ་བཞིན་གཤེགས་པས་སྤྱི་བོ་ནས་དབང་བསྐུར་བ། ངན་འགྲོ་ཐམས་ཅད་ཡོངས་སུ་སྦྱོང་བ
3a5 སྒྲིབ་པ་དང་སྡུག་བསྔལ་བར་སྐྱེ་བ་ཐམས་ཅད་འཇིག་པར་བྱེད་པ།། སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་ཐམས་ཅད
3a6 ཡོངས་སུ་སྦྱོང་བ། བདེ་འགྲོའི་ལམ་དུ་འཇོག་པ་ཡོད་དོ།། ལྷའི་དབང་པོ་དེ་བས་ན་གཙུག་ཏོར་རྣམ་པར་རྒྱལ་མའི་གཟུངས། ངན་འགྲོ་ཐམས་ཅད་ཡོངས་སུ་སྦྱོང
3a7 བ། ཐོས་མ་ཐག་ཏུ་སྒྲིབ་པ་འབྱང་བར་འགྱུར་བ། སྡུག་བསྔལ་གྱི་རང་བཞིན་སྣ་ཚོགས་ཇེ་ཆེ་བ་ཤིན་ཏུ་མང་པོ་དག་འཇིག་པར་བྱེད་དེ། སྐྱེ་བ་ཡོངས་སུ་དག་པའི
3a8 རྒྱུད་ཐོབ་པར་འགྱུར་རོ།། ཚེ་རབས་ཐམས་ཅད་དུ་ཚེ་རབས་དྲན་པར་འགྱུར་རོ།། སངས་རྒྱས་ཀྱི་ཞིང་ནས་སངས་རྒྱས་ཀྱི་ཞིང་དུ་འགྲོ་བར་འགྱུར་རོ།། ལྷའི་འཇིག་རྟེན།
iiif viewer powered by OpenSeadragon
