| e-texts navigator |
| Wylie |
71b1 མ་བྱས་ཀྱི་རྗེས་སུ་སོང་བ། ཟག་པ་དང་བཅས་པའི་རྗེས་སུ་སོང་བ། ཟག་པ་མེད་པའི་རྗེས་སུ་སོང་བ། ཁ་ན་མ་ཐོ་བ་དང་བཅས་པའི་རྗེས་སུ་སོང་བ། ཁ་ན་མ་ཐོ་བ་མེད་པའི་རྗེས་སུ་སོང་བ། དགེ་བའི་རྗེས་སུ་སོང་བ། མི་དགེ་བའི་རྗེས
71b2 སུ་སོང་བ། འཇིག་རྟེན་གྱི་ཆོས་ཀྱི་རྗེས་སུ་སོང་བ། འཇིག་རྟེན་ལས་འདས་པའི་ཆོས་ཀྱི་རྗེས་སུ་སོང་བ། འཁོར་བའི་རྗེས་སུ་སོང་བ། མྱ་ངན་ལས་འདས་པའི་རྗེས་སུ་སོང་བ། ཆད་པ་དང་རྟག་པའི་རྗེས་སུ་སོང་བ། ཕུང་པོ
71b3 དང་ཁམས་དང་། སྐྱེ་མཆེད་ཀྱི་རྗེསུ་སོ་བ་སྟེ། སྐྱེས་བུ་དམ་པ་དག་བྱང་ཆུབ་ནི་ས་དང་། ཆུ་དང་མེ་དང་རླུང་དང་། ནམ་མཁའི་རྗེསུ་སོང་བའོ།། དེ་ཅིའི་ཕྱིར་ཞེ་ན། ཆོས་ཐམས་ཅད་ནི་འདི་ལྟ་བུའི་རང་བཞིན་ཏེ། དེ་དག་ནི་བརྗོད
71b4 བ་གང་དང་གང་གིས་བརྗོད་པ་དེ་ཐམས་ཅད་སྟོང་པ་ཉིད་སྤྲོས་པར་བྱེད་པའོ།། འདི་ལྟ་སྟེ་དཔེར་ན། ནམ་མཁའི་དབྱིངས་ནི་ཐམས་ཅད་ཀྱི་རྗེསུ་སོང་ངོ་།། དེ་བཞིན་དུ་བྱང་ཆུབ་ཀྱང་ཐམས་ཅད་ཀྱི་རྗེས་སུ་སོང་སྟེ།
71b5 སྐྱེས་བུ་དམ་པ་དག་བྱང་ཆུབ་སེམས་དཔའ་དེ་འདྲ་བའི་ཡེ་ཤེས་ལ་མོས་པ་ནི། དམིགས་པ་ཐམས་ཅད་ལ་སྤོབས་པ་འབྱུང་ཞིང་དེ་ནི་ཚིག་གི་རབ་ཏུ་ཐ་དང་པོ་ཤེས་པ་ཐམས་ཅད་ཀྱང་ཐོབ་པར་འགྱུར་ཏེ། ཚུལ་གཅིག་ལ་འཇུག་པ
71b6 དེས་ཐམས་ཅད་མཁྱེན་པ་རྟོགས་སོ།། བྱང་ཆུབ་སེམས་དཔའ་སྤོབས་པའི་ཕུང་པོས་སྨྲས་པ། ཀྱེ་གྲོགས་པོ་དག་བརྗོད་པ་ཐམས་ཅད་བརྗོད་དུ་མེད་པ་སྟེ། སྒྲ་ཐམས་ཅད་སྐད་དུ་མེད་པའོ།། བྱང་ཆུབ་སེམས་དཔའ་ཡེ་ཤེས་དེ
71b7 ལ་མོས་པ་ནི་སེམས་མི་གཡོ་བར་འདུག་པ་སྟེ། སྙན་པར་སྨྲས་པ་དང་། མི་སྙན་པར་སྨྲས་པ་ལ་དགའ་བ་དང་ཞུམ་པ་མེད་དོ།། འདི་ལྟ་སྟེ་དཔེར་ན། ལྷུན་པོའི་ཕུང་པའི་ལ་རླུང་བབ་པས་སླར་ལོག་ན། རི་ལྷུན་པོ་ནི་གཡོ་བ་ཡ་མེད
iiif viewer powered by OpenSeadragon
