| e-texts navigator |
| Wylie |
70a1 དག་པར་ཞུགས་པ་ཡིན་ནོ།། སྐྱེས་བུ་དམ་པ་དག་ནི་རྟག་པར་དྲན་པའི་རང་བཞིན་དང་ལྡན་པས། གཡོ་བ་མེད་པ་ཡིན་ནོ།། སྐྱེས་བུ་དམ་པ་དག་ནི་བླ་མ་ལ་རིམ་འགྲོ་སྐྱེས་པས་ང་བཅོམ་པ་ཡིན་ནོ།། སྐྱེས
70a2 བུ་དམ་པ་དག་ནི་བསྟན་པ་མཐུན་པར་ལེགས་པས་ཚིག་བཟང་བ་ཡིན་ནོ།། སྐྱེས་བུ་དམ་པ་དག་ནི་ཡང་དག་པའི་འཚོ་བ་ལ་གནས་པས་ལས་ཀྱི་མཐའ་གྲགས་པ་ཡིན་ནོ།། སྐྱེས་བུ་དམ་པ་དམ་པ་དག་ནི་སྐྱོ་བ་དང་བྲལ་བས
70a3 འདོད་ཆགས་དང་བྲལ་བ་ཡིན་ནོ།། སྐྱེས་བུ་དམ་པ་དག་ནི་ཁོང་ཁོ་ར་བ་དང་བྲལ་བས་ཞེ་སྡང་དང་བྲལ་བ་ཡིན་ནོ།། སྐྱེས་བུ་དམ་པ་དག་ནི། ཞི་བ་རབ་ཏུ་ཞི་བ་ཉེ་བར་ཞི་བས་མུན་པ་མུན་ནག་དང་བྲལ་བ་ཡིན་ནོ།།
70a4 སྐྱེས་བུ་དམ་པ་དག་ནི་སྡུག་བསྔལ་བ་དང་། དབུལ་པོ་ལ་སྙིང་རྗེ། བར་གྱུར་པས་འཇམ་པ་རྣམས་ཡིན་ནོ།། སྐྱེས་བུ་དམ་པ་དག་ནི། ལུས་དང་། ངག་དང་། ཡིད་ཀྱི་ལས་ཀྱི་མཐའ་ཡོངས་སུ་དག་པས།
70a5 འཛེམ་པ་དང་བཅས་པ་ཡིནོ།། སྐྱེས་བུ་དམ་པ་དག་ནི་དེ་དག་བྱ་བ་ལ་ཡང་དག་པར་ཞུགས་པས་ཇི་སྐད་སྨྲས་པ་བཞིན་དུ་བྱེད་པ་ཡིན་ནོ།། སྐྱེས་བུ་དམ་པ་དག་ནི་རྟག་ཏུ་བརྟུལ་བ་བརྟན་པས་ལྷག་པའི་བསམ་པ་དང་ལྡན
70a6 པ་ཡིན་ནོ།། སྐྱེས་བུ་དམ་པ་དག་ནི་ལོག་པའི་ཆོས་དང་བྲལ་བས་བདེན་པ་ལ་གནས་པ་ཡིན་ནོ།། སྐྱེས་བུ་དམ་པ་དག་ནི་ཆོས་ཀྱི་དགའ་བས་དགའ་ཞིང་། མགུ་བ་ཆོས་འདོད་པ་ཡིན་ནོ།། སྐྱེས་བུ་དམ་པ་དག་ནི་ལུས་དང་སྲོག་བཏོང
70a7 བས་དམ་པའི་ཆོས་ཡོངས་སུ་འཛིན་པ་ཡིན་ནོ།། སྐྱེས་བུ་དམ་དག་ནི་སེམས་ཅན་ཐམས་ཅད་དང་འབྲེལ་བས་མི་གཏོང་བ་ཡིན་ནོ།། སྐྱེས་བུ་དམ་པ་དག་ནི་དོན་དམ་པའི་རྗེས་སུ་འཇུག་པས་ཉེས་པ་མཐོང་བ་ཡིན་ནོ།། སྐྱེས་བུ་དམ
iiif viewer powered by OpenSeadragon
