| e-texts navigator |
| Wylie |
69b1 ལག་པ་སྦྱིན་པར་བྱ་སྟེ། སེམས་དཔའ་དེའི་དགེ་བའི་རྩ་བའི་ལག་པ་ཡང་རིན་པོ་ཆེའི་ཕྱག་རྒྱ་གསུམ་གྱིས་གདབ་པར་བྱའོ།། གསུམ་གང་དག་ཡིན་ཞེ་ན། འདི་ལྟ་སྟེ། སེམས་ཅན་ཐམས་ཅད་ནམ་མཁའ་རང་བཞིན
69b2 སངས་རྒྱས་ཀྱི་ཡེ་ཤེས་ཡོངས་སུ་རྫོགས་པར་བསྔོ་བ་རིན་པོ་ཆེའི་ཕྱག་རྒྱས་གདབ་པར་བྱ་བ་དང་། བདག་གི་དགེ་བའི་རྩ་བ་ཡོངས་སུ་གྲུབ་པ་རིན་པོ་ཆེའི། ཕྱག་རྒྱས་གདབ་པར་བྱ་བ་དང་། སེམས་ཅན་ཐམས་ཅད་ནམ་མཁའི
69b3 རང་བཞིན་གྱི་ཕྱག་རྒྱས་གདབ་པར་བྱ་བ་སྟེ། རིགས་ཀྱི་བུ་དེ་འདྲ་བའི་གནས་ལ་གནས་པས་ནི་ཐམས་ཅད་མཁྱེན་པའི་ཡེ་ཤེས་ཆེན་པོ་རྟོགས་པར་ནུས་སོ།། བྱང་ཆུབ་སེམས་དཔའ་སེང་གེའི་བློ་གྲོས་ཀྱིས་སྨྲས་པ།
69b4 ཀྱེ་མོ་གྲོགས་པོ་དག་འདི་མི་འཇིགས་པའི་གོ་ཆའོ།། འདི་ནི། མི་སྐྲག་པའི་གོ་ཆའོ།། འདི་ནི་མ་ཞུམ་པའི་གོ་ཆའོ།། འདི་ནི། ལེ་ལོ་མེད་པའི་གོ་ཆའོ།། ཀྱེ་གྲོགས་པོ་དག་དེ་བས་ན་མི་འཇིགས
69b5 པ་དང་། སེམས་མ་སྐྲག་པ་དང་། མ་ཞུམ་པ་དང་། ལེ་ལོ་མེད་པ་དང་། འཇིགས་ཤིང་སྐྱེ་བུང་ཞེས་བྱེད་པ་དང་། བྲལ་བ་དང་། འཁོར་བའི་ཉེས་པ་མི་སྐྱེད་པ་དང་། མྱ་ངན་ལས་འདས་པའི་ཡོན་ཏན་ཡང་དག
69b6 པར་མཐོང་བ་དང་། བདེ་བ་དང་སྡུག་བསྔལ་བའི་ཆོས་ལ་སྙོམས་པར་གནས་པ་དང་། མི་གཉིས་པ་ལ་གནས་པ་དང་ལྡན་པས། ཐམས་ཅད་མཁྱེན་པ་རྟོགས་པར་སླའོ།། བྱང་ཆུབ་སེམས་དཔའ་སེང་གེའི
69b7 འགྲོས་བསྒྲགས་དབྱངས་ཀྱིས་སྨྲས་པ། ཀྱེ་གྲོགས་པོ་དག་འགྲོས་དེ་ནི་སྐྱེས་བུ་ངན་པའི་མ་ཡིན་གྱི། སྐྱེས་བུ་བཟང་པོའི་འགྲོས་ཡིན་ནོ།། དེ་ཅིའི་ཕྱིར་ཞེ་ན། སྐྱེས་བུ་དམ་པ་དག་ནི་སྡིག་པའི་ལྟ་བ་དང་། བྲལ་བས་ཡང
iiif viewer powered by OpenSeadragon
