| e-texts navigator |
| Wylie |
67a1 པོ་ཆེན་པོ་བཞི་དང་། ལྷ་རྣམས་ཀྱི་དབང་པོ་བརྒྱ་བྱིན་དང་། ཚངས་པ་མི་མཇེད་ཀྱི་བདག་པོ་དང་། དེ་མ་ཡིན་པ་གཞན་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི
67a2 འམ་ཅི་དང་། ལྟོ་ཕྱེ་ཆེན་པོ་བརྒྱ་སྟོང་མང་པོ་དང་ཐབས་གཅིག་ཏུ་བཞུགས་སོ།། ཡང་དེའི་ཚེ་དེའི་དུས་ན་འཇམ་དཔལ་གཞོན་ནུར་གྱུར་པ་རི་ཞིག་གི་བང་རིམ་གི་ངོས་ལ། སྐྱེས་བུ་དམ་པ་ཉི་ཤུ་རྩ་ལྔ་དང་། ལྷན་ཅིག་ཏུ་གནས་པ་འདི
67a3 ལྟ་སྟེ། བྱང་ཆུབ་སེམས་དཔའ་ཀླུ་དཔལ་དང་། ཀླུས་བྱིན་དང་། དཔལ་འབྱུང་དང་། དཔལ་གྱི་སྙིང་པོ་དང་། པད་མ་བླའི་དཔལ་དང་། པད་མ་དཔལ་འབྱུང་དང་། སྐྱེ་བོ་འཛིན་པ་དང་། ས་འཛིན་པ་དང་། ལག་ན་རིན་ཆེན་དང་།
67a4 ལག་ན་རིན་ཆེན་ཕྱག་རྒྱ་དང་། སེང་གེ་བློ་གྲོས་དང་། སེང་གེའི་འགྲོས་བསྒྲགས་དབྱངས་དང་། ནམ་མཁའ་མཛོད་དང་། སེམས་སྐྱེད་མ་ཐག་ཏུ་ཆོས་ཀྱི་འཁོར་ལོ་སྐོར་བ་དང་། ཚིག་གི་རབ་ཏུ་ཐར་པ་ཐམས་ཅད་ལ
67a5 སྤོབས་པ་དང་། སྤོབས་པའི་ཕུང་པོ་དང་། བློ་གྲོས་རྒྱ་མཚོ་དང་། ལྷུན་པོ་ཆེན་པོ་དང་། མཐོང་ན་དགའ་བ་དང་། རབ་ཏུ་དགའ་བའི་རྒྱལ་པོ་དང་། མཐའ་ཡས་མཐོང་བ་དང་། མཐའ་ཡས་དམིགས་པར་གནས་པ་དང་། བདུད་ཀྱི་ལྟ་བ་ཡང
67a6 དག་པར་འཇོམ་པ་དང་། མྱ་ངན་མེད་སྦྱིན་དང་། དོན་ཐམས་ཅད་གྲུབ་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དང་སྐྱེས་བུ་དམ་པ་ཉི་ཤུ་རྩ་ལྔ་པོ་དེ་དག་དང་ལྷན་ཅིག་ཏུ་གནས་སོ།། དགའ་ལྡན་རིས་ཀྱི་ལྷའི་བུ་གཞི་ཡང་ཆོས
67a7 ཉན་པའི་ཕྱིར། འཇམ་དཔལ་གཞོན་ནུར་གྱུར་པའི་ཕྱི་བཞིན་འགྲང་བར་གྱུར་ཏེ། ལྷའི་བུ་ཀུན་ནས་མེ་ཏོག་ཅེས་བྱ་བ་དང་། ལྷའི་བུ་མེ་ཏོག་འོད་ཟེར་ཅན་ཞེས་བྱ་བ་དང་། ལྷའི་བུ་མེ་ཏོག་མན་ད་ར་བའི་དྲི་ཞེས་བྱ་བ་དང་།
iiif viewer powered by OpenSeadragon
