| e-texts navigator |
| Wylie |
279b1 ཁམས་སྣ་ཚོགས་ཀྱིས་འདུལ་བའི་སེམས་ཅན་རྣམས་ཀྱི་སྤྱོད་པ་མཁྱེན་ནས། ཡོངས་སུ་མྱ་ངན་ལས་འདའ་བ་ཡང་སྟོན། སྐྱེ་བ་ཡང་སྟོན། འཁོར་ལོས་བསྒྱུར་བའི་རྒྱལ་པོ་ཡང་སྟོན། བརྩེ་བ་དང་། དགའ་བ
279b2 དང་། བུད་མེད་ཀྱི་གཞང་དགང་དང་། ཀུ་རེ་དང་། དྲི་དང་། ཕྲེང་བ་ལ་དགའ་ཞིང་རྩེ་བ་ཡང་སྟོན། ཁྱིམ་ནས་བྱུང་བ་དང་། རབ་ཏུ་འབྱུང་བ་དང་། དཀའ་བ་སྤྱོད་པ་རྣམས་ཀྱང་སྟོན། བདུད་བཏུལ་བ་དང་། ཆོས་ཀྱི
279b3 འཁོར་ལོ་བསྐོར་བ་ནས། ཆོས་ཀྱི་སྤྲིན་ཆེན་པོའི་ཆར་ཕབཔྲས། སེམས་ཅན་རྣམས་ཚིམ་པར་བྱས་པའི་བར་ཏུ་ཡང་སྟོན་ཏེ། དེ་བཞིན་གཤེགས་པ་རྣམས་ཡོངས་སུ་མྱ་ངན་ལས་འདས་ཀྱང
279b4 སྦྱོར་བ་སྣ་ཚོགས་ཀྱིས་རིང་བསྲེལ་མཆོད་པ་དང་། མཆོད་རྟེན་དང་། གཙུག་ལག་ཁང་དང་། སྐུ་གཟུགས་བྱེད་དུ་གཞུག་པ་དང་། རབ་ཏུ་འབྱུང་བའི་ཕྱིར། ཁྱིམ་ནས་འབྱུང་བ་དང་།
279b5 དགེ་སློང་གི་དགེ་འདུན་ལ་མཆོད་པ་དང་། དམ་པའི་ཆོས་བྲི་བ་དང་ཀླག་པ་དང་། ཁ་ཏོན་དུ་བྱ་བ་ལ་སྤྲོ་བ་བསྐྱེད་པ་དག་གིས་ཀྱང་། སེཾས་ཅན་ཐམས་ཅད་ཐར་པ་མཛད། བསླབ་པ་འཛིན་པ་དང་། བརྟུལ
279b6 ཞུགས་དང་། སྡོམ་པ་དང་། ཉེ་བར་གནས་པ་དང་། དགེ་བསྙེན་གྱི་སྡོམ་པ་རྣམས་འཛིན་དུ་བཞུགས་པའི་ཐབས་མཁས་པས་ཀྱང་། སེམས་ཅན་རྣམས་ཐར་པར་མཛད་དེ། སེམས་ཅན་དམྱལ་བ་དང་། དུད
279b7 འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དང་། མི་ཁོམ་པ་དང་། ངན་སོང་དང་། ངན་འགྲོ་ཐམས་ཅད་ལས་ཡོངས་སུ་ཐར་པར་མཛད་ནས། ཆོས་ཉན་པས་ཚིམ་པར་མཛད་དེ། བླ་ན་མེད་པ་ཡང
iiif viewer powered by OpenSeadragon
