| e-texts navigator |
| Wylie |
272a1 རྒྱ་གར་གྱི་མཁན་པོ་དེ་པང་ཀ་ར་ཤྲི་ཛྙཱ་ན་དང་། ལོ་ཙཱ་བ་དགེ་སློང་དགེ་བའི་བློ་གྲོས་ཀྱིས་བསྟན།། །། འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ཀྱི་གྲོང་ཁྱེར
272a2 ཆེན་པོ་པད་མ་རྒྱས་པའི་གཙུག་ལག་ཁང་ན་བཞུགས་ཏེ། དེ་ནས་དགེ་སློང་གི་དགེ་འདུན་འཁོར་སྟོང་ཕྲག་ཕྱེད་དང་བཅུ་གསུམ་དང་ཐབས་གཅིག་གོ།། དེ་ནས་དེའི་ཚེ་བཅོམ་ལྡན་འདས་ཀྱིས་འཁོར་འདུས་པ་དེའི
272a3 ནང་ནས་འཕགས་པ་ཉེ་བར་འཁོར་ཞེས་བྱ་བ་དབང་པོ་དུལ་བ་འོས་པ་དང་ཤེས་རབ་ཐོབ་པ། བཅོམ་ལྡན་འདས་ཀྱིས་ལེགས་པར་གསུངས་པའི་ཆོས་འདུལ་བ་ལ་ལྷག་པར་མོས་ཤིང་། མཆོག་ཏུ་འཛིན་པ་རང་གི
272a4 སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ཏེ། པུས་མོ་གཡས་པའི་ལྷ་ང་ས་ལ་བཙུགས་ནས། ལག་པ་གཉིས་ཀྱི་ཐལ་མོ་སྙིང་ཁར་སྦྱར་བ་བྱས་ཏེ། འཛུམ་པའི་གཞིན་གྱིས
272a5 བཅོམ་ལྡན་འདས་ལ་འདི་སྐད་ཅེས་གསོལ་ཏོ།། འཁོར་བའི་འདམ་ལས་པད་མ་ལྟ་བུར་བྱུང་བ་ཡི།། སྐྱོབ་མཛད་རི་བོ་ལྟ་བུ་མི་བསྐྱོད་ཐུབ་པའི་སྐུ།། དཔེ་བྱད་རྒྱན་གྱིས་བརྒྱན་ཅིང་མཚན་དང
272a6 མེ་ཏོག་མཛེས།། བལྟ་བས་མི་ངོམས་རབ་མཆོག་ཁྱོད་ལ་ཕྱག་འཚལ་ལོ།། ཁྱོད་ཀྱིས་བདག་ཅག་འདིར་འདུས་འདི་དག་ལ། དགེ་སློང་འབའ་ཞིག་གནས་པ་དགེ་སློང་གི།། ངོ་བོ་དབྱེ་དང་སྒྲ་འཇུག་ཆེད
272a7 བྱ་བ་བཞི་པོ་འདི་དག་ཐུབ་པས་བསྟན་དུ་གསོལ།། དེ་ནས་བཅོམ་ལྡན་བདེ་གཤེགས་རབ་དགེས་ནས།། ཉེ་བར་འཁོར་ལ་སྤྱན་གཟིགས་འདི་གསུངས།། ལེགས་པར་ཉོན་ཅིག་པུ་ཁྱོད་ཉེ་བར་འཁོར།།
iiif viewer powered by OpenSeadragon
