| e-texts navigator |
| Wylie |
236b1 བསྔལ་གྱིས་གོས་པར་མི་འགྱུར། སྲིང་མོའི་སྡུག་བསྔལ་གྱིས་གོམས་པར་མི་འགྱུར། ནམས་ཀྱང་མཛའ་བ་དང་། གཤེས་གཉེན་དང་། བློན་པོ་དང་། སྟག་གི་གཉེན་མཚམས་ཀྱི་སྡུག་བསྔལ་གྱིས་གོས་པར་མི་འགྱུར། རྣམས
236b2 ཀྱང་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་ཀྱིས་ལུས་མ་བརྒྱན་པར་མི་འགྱུར། ནམས་ཀྱང་འདོད་ཆགས་ཞེ་སྡང་གཏི་མུག་མང་བར་མི་འགྱུར། ནམས་ཀྱང་ནད་མང་བར་མི་འགྱུར། ནམས་ཀྱང་མྱ་ངན་མང་བར་མི་འགྱུར།
236b3 བདེ་བ་མཐའ་ཡས་པས་ཡོངས་སུ་བཟུང་བར་འགྱུར། བྱང་ཆུབ་ལ་ཐུག་གི་བར་དུ་ཡོན་ཏན་མཐའ་ཡས་པ་བྱེ་བ་ཁྲག་ཁྲིག་འབུམ་ཕྲག་གྲངས་མེད་པས་ཡོངསུ་བཟུང་བར་འགྱུར་རོ།། དེ་ནས་བཅོམ་ལྡན་འདས་ཀྱིས་དོན་འདི་ཉིད
236b4 ཚིགས་སུ་གཅད་པས་བཀའ་བསྩལ་པ། གང་ཞིག་འཇིག་རྟེན་མགོན་པོའི་མཚན།། ཐོས་ནས་སོམ་ཉི་མི་ཟ་བ།། ནམས་ཀྱང་ཕ་མ་གཉེན་འདུན་གྱི། ཚོགས་ཀྱི་སྡུག་བསྔལ་མི་མཐོང་ངོ་།། སྟེང་གི་ཕྱོགས་ན
236b5 རྐང་གཉིས་མཆོག། འཇིག་རྟེན་སྟོན་པར་མཛད་པ་བཞུགས།། སྲིད་གསུམ་གསལ་བར་མཛད་ནས་སུ།། སྲོག་ཆགས་རྣམས་ལ་ཆོས་སྟོན་ཏེ། རྫོགས་སངས་རྒྱས་པའི་མཚན་ཐོས་ནས།། དེ་ནི་གཞན་རྣམས
236b6 རབ་བསྟན་ན།། རྟག་ཏུ་སུམ་བཅུ་རྩ་གཉིས་ཀྱི།། མཚན་དག་གིས་ནི་བརྒྱན་པར་འགྱུར།། གང་ཞིག་ཐུབ་པའི་མཚན་འཛིན་ན།། དེ་ནི་ཤེས་རབ་མི་ཉམས་ཤིང་།། བྱང་ཆུབ་སྤྱད་པ་སྤྱོད་པའི་ཚེ།། བྱང་ཆུབ་སེམས་པཱ་ལ་ཡང་མཆོད
236b7 སངས་རྒྱས་ཀྱི་ནི་མཚན་བསྟན་པས།། ཕྱིས་ནི་བྱང་ཆུབ་སྤྱོད་པ་ན།། སངས་རྒྱས་བྱེ་བ་བསམ་མི་ཁྱབ།། ཤེས་རབ་ཅན་གྱིས་རྟག་མཆོད་འགྱུར།། སངས་རྒྱས་མཚན་འདི་གང་ཐོས་ནས།། གཞན་རྣམས་ལ་ཡང་རབ་སྟོན་ན།།
iiif viewer powered by OpenSeadragon
