| e-texts navigator |
| Wylie |
236a1 གོམས་བྱེད་དེ་ནི་རྗེས་མཐུན་བཟོད་པ་འཐོབ།། ལྷའི་མིག་ཐོབ་ཇི་ལྟར་ང་ཡིས་ནི།། སངས་རྒྱས་མར་མེ་མཛད་མཐོང་མེ་ཏོག་གིས།། གཏོར་བ་བྱས་ནས་བཟོད་པ་ཐོབ་གྱུར་པས།། དེ་འདྲའི་བཟོད་པ་དག་ནི་འཐོབ་པར
236a2 འགྱུར། འཇིག་རྟེན་འགོན་པོ་འོད་མཛད་ཐུབ་པ་ཡིན།། མཚན་འདི་ཐོས་ནས་སུ་ཞིག་ལུང་མི་ནོད།། གཞན་དུ་གང་ཞིག་མུ་སྟེགས་ཅན་གྱུར་པ་འམ།། ཕྲ་དོག་དག་གིས་ཉམས་པའི་མི་མ་གཏོགས།། འདྲེན་པ་སངས་རྒྱས་ཀྱི་ནི
236a3 མངོན་སུམ་དུ།། འདི་འདྲའི་མདོ་སྡེ་བཤད་པ་སུས་ཐོས་པ།། དེ་ནི་ཕྱི་དུས་དག་ཏུ་འདི་འཛིན་ཅིང་།། གཞན་དག་ལ་ཡང་རབ་ཏུ་སྟོན་པར་བྱེད།། གཞོན་ནུ་སྟེང་གི་ཕྱོགས་ན།། སངས་རྒྱས་ཀྱི་ཞིང་འདི་ནས་གཞོན་ནུ་དཔེ་སྔ
236a4 མ་ལྟ་བུ།། དེ་ལས་གང་གའི་ཀླུང་གི་བྱེ་མ་སྙེད་འདས་ནས། འཇིག་རྟེན་གྱི། ཁམས་ཤིན་ཏུ་རྣམ་པར་ཕྱེ་བ་ཞེས་བྱ་བ་ཞིག་ཡོད་དེ།། དེ་ན་དེ་བཞིན།། གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས
236a5 རྒྱས་བརྩོན་འགྲུས་གྲངས་མེད་པས་ཡང་དག་པར་རབ་ཏུ་གནས་པ་ཞེས་བྱ་བ་ཞིག་བཞུགས་ཏེ། འཚོ་ཞིང་གཞེས་ལ་ཆོས་ཀྱང་སྟོན་ཏོ།། གཞོན་ནུ་ཐེག་པ་ཆེན་པོ་ལ་ཡང་དག་པར་གནས་པའི་རིགས་ཀྱི་བུ་འམ་རིགས་ཀྱི་བུ་མོ་གང
236a6 ལ་ལ་ཞིག་དེ་བཞིན་གཤེགས་པ་བརྩོན་འགྲུས་གྲངས་མེད་པས་ཡང་དག་པར་རབ་ཏུ་གནས་པ་ཞེས་བྱ་བ་དེའི་མཚན་ཐོས་ནས། སོམ་ཉི་མ་ཟ་ལ། ངས་མཐོང་བ་ལ་ཡང་ཡིད་ཆེས་ན། དེ་ཚེ་འདས་པའི་འོག་ཏུ་ནས
236a7 ཀྱང་བརྩོན་འགྲུས་དམན་པར་མི་འགྱུར། ནམས་ཀྱང་འདོད་པ་ལ་སྟེན་པར་མི་འགྱུར། ནམས་ཀྱང་མའི་སྡུག་བསྔལ་གྱིས་གོས་པར་མི་འགྱུར་རོ།། ཕའི་སྡུག་བསྔལ་དང་། གཉེན་གྱི་སྡུག་བསྔལ་དང་། སྤུན་གྱི་སྡིག
iiif viewer powered by OpenSeadragon
