| e-texts navigator |
| Wylie |
235a1 པར་མཛེས།། མཁས་པ་གང་ཞིག་རྒྱལ་བའི་མཚན་ཐོས་ནས།། སོམ་ཉི་ཟ་ཞིང་མི་དགའ་སུ་ཞིག་ཡོད།། བྱང་ཆུབ་སྤྱོད་མཆོག་དམ་པ་སྤྱོད་པ་ན།། ཆོས་འདི་དག་གིས་དེ་ལ་ཕན་འདོགས་འགྱུར།། ཐུབ་པ་ཆེན
235a2 བོ་འཇིག་རྟེན་མཆོད་སྤྱོད་པས།། མཁས་པ་དེས་ནི་ཕོངས་པ་མྱོང་མི་འགྱུར།། གཞོནུ་འོག་གི་ཕྱོགས་ན་གཞོན་ནུ་དཔེ་སྔ་མ་ལྟ་བུའི་རྣམ་པ་དེ་བཞིན་དུ།། དགུ་བཅུ་བརྩ་དགུར་བསྒྱུར་བར་འདས་ནས། འཇིག་རྟེན་གྱི་ཁོས
235a3 རྒྱལ་མཚན་མཆོག་གི་བདག་པོ་ཞེས་བྱ་བ་ཡོད་དེ། དེ་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རབ་ཏུ་ཞི་བ་མཁས་པ་གཟི་བརྗིད་དབྱངས་ཀྱི་དབང་ཕྱུག་གི་རྒྱལ་པོ
235a4 ཞེས་བྱ་བ་བཞུགས་ཏེ། འཚོ་ཞིང་བཞེས་ལ་ཆོས་ཀྱང་སྟོན་ཏོ།། གཞོན་ནུ་ཐེག་པ་ཆེན་པོ་ལ་ཡང་དག་པར་གནས་པའི་རིགས་ཀྱི་བུ་འམ་རིགས་ཀྱི་བུ་མོ་གང་ལ་ལ་ཞིག། དེ་བཞིན་གཤེགས་པ་རབ
235a5 ཏུ་ཞི་བ་མཁས་པའི་གཟི་བརྗིད་དབྱངས་ཀྱི་དབང་ཕྱུག་གི་རྒྱལ་པོ་དེའི་མཚན་ཐོས་ནས། སོམ་ཉི་མི་ཟ་ལ། ངས་མཐོང་བ་ལ་ཡང་ཡིད་ཆེས་ན། དེ་ཚེ་འདས་པའི་འོག་ཏུ་ཀུན་ནས་འོད་ཟེར་ཅེས་བྱ་བའི་ཏིང་ངེ་འཛིན་འཐོ།
235a6 པར་འགྱུར།། འཆི་བའི་དུས་ཀྱི་ཚེ་ཡང་སངས་རྒྱས་བྱེ་བ་ཁྲག་ཁྲིག་ཕྲག་འབུམ་དུ་ཚང་བ་དག་མཐོང་བར་འགྱུར།། ཤར་ཕྱོགས་སུ་ཇི་ལྟ་བ་བཞིན་དུ། ཕྱོགས་ཐམས་ཅད་དུ་ཡང་དེ་བཞིན་དུ་སངས་རྒྱས་བྱེ་བ
235a7 ཁྲག་ཁྲིག་ཕྲག་འབུམ་དུ་ཚང་བ་དག་མཐོང་བར་འགྱུར།། སངས་རྒྱས་བཅོམ་ལྡན་འདས་དེ་དག་གིས་ཆོས་གང་བསྟན་པ་དེ་དག་ཐམས་ཅད་ཀུན་ཏུ་འཛིན་པར་འགྱུར།། བྱང་ཆུབ་ལ་ཐུག་གི་བར་དུ་སངས་རྒྱས
iiif viewer powered by OpenSeadragon
