| e-texts navigator |
| Wylie |
233b1 ཡུལ་གནས་ཤིང་། གང་དག་བློན་པོ་ཁྱིམ་བདག་གཙོ་བོ་ཀུན། རྒྱལ་པོ་དེ་མཐོང་ནམས་ཀྱང་སྐྱོ་མི་བྱེད།། དེ་བས་དེ་ནི་བསོད་ནམས་དམ་མཆོག་ལྡན།། མཁས་མཆོག་ལྷ་རྣམས་ཀྱིས་ཀྱང་ཐུབ་པར་དཀའ།། མི་ཡི་འཇིག
233b2 རྟེན་དག་ན་གནོད་སྦྱིན་ཀླུ།། དེ་ཡི་ཡུལ་ན་སེམས་ཅན་གང་གནས་པ།། དེ་ཡིས་ཐམས་ཅད་བྱང་ཆུབ་སྙིང་པོར་འཇོག། རྒྱལ་སྲིད་རྒྱས་ཤིང་ཤིན་ཏུ་ལོ་ལེགས་དང་།། དེའི་རྒྱལ་སྲིད་བདེ་ཞིང་སངས་རྒྱས་འབྱུང་།། དེ་དག་ལ་ནི
233b3 མཆོད་པ་དམ་པ་བྱེད།། རྒྱལ་པོ་བདག་ཡུལ་རྣམས་ཀྱང་སྡང་སེམས་མེད།། སངས་རྒྱས་མཚན་མཆོག་ཐོས་ནས་མཁས་པ་གང་།། སོམ་ཉི་ཟ་ཞིང་མི་དགའ་སུ་ཞིག་ཡོད།། མདོ་སྡེ་དམ་པ་དེ་རིང་ངས་བཤད་པའི
233b4 ཆོས་མཆོག་འདི་ཡིས་དེ་ལ་ཕན་འདོགས་འགྱུར།། གཞན་དུ་གང་གིས་སྔོན་གྱི་རྒྱལ་རྣམས་ཀྱི།། ཆོས་སྤངས་གྱུར་པས་བདུད་ཀྱིས་ཟིན་པ་འམ།། སེམས་ཅན་སྙིང་པོ་རྒྱལ་བ་མཆོག་དག་ནི།། སྔོན་སྤྱད
233b5 སྤྱོད་ཚེ་ཁྱད་དུ་བསད་མ་གཏོགས།། གཞོན་ནུ་གང་ཞིག་རྒྱལ་པོའི་ཕོ་བྲང་དང་།། ལི་ཚའི་བཀོད་པ་དཀའ་བ་འདི་དག་དང་།། ཤཱཀྱ་སེང་གེ་ང་ནི་མ་མཐོང་བ།། དེ་དག་སངས་རྒྱས་མཚན་ཐོས་སོམ་ཉི་ཟ།། གཞོན་ནུ་བྱང་ཕྱོགས
233b6 ལོགས་ན་སངས་རྒྱས་ཀྱི་ཞིང་འདི་ནས་གཞོན་ནུ་དཔེ་སྔ་མ་ལྟ་བུ་དེ་ལས་སུ་མ་འགྱུར་གྱིས། སངས་རྒྱས་ཀྱི་ཞིང་དྲུག་བཅུ་འདས་པ་ན། འཇིག་རྟེན་གྱི་ཁམས་རིན་ཆེན་དྲ་བས་གཡོགས་ཤེས་བྱ་བ་ཡོད་དེ། དེ་ན་དེ་བཞིན་གཤེགས
233b7 པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཟླ་བའི་དཀྱིལ་འཁོར་རྣམ་དག་ཅེས་བྱ་བ་བཞུགས་ཏེ། མཆི་ཞིང་བཞེས་ལ་ཆོས་ཀྱང་སྟོན་ཏོ།། གཞོན་ནུ་ཐེག་པ་ཆེན་པོ་ལ་ཡང་དག་པར་གནས་པའི་རིགས་ཀྱི་བུ་འམ་རིགས
iiif viewer powered by OpenSeadragon
