| e-texts navigator |
| Wylie |
233a1 མོ་གང་ལ་ལ་ཞིག་དེ་བཞིན་གཤེགས་པ་མེ་ཏོག་རྒྱས་པ་ས་ལའི་རྒྱལ་པོ་ཞེས་བྱ་བ་དེའི་མཚན་ཐོས་ནས་སོམ་ཉི་མི་ཟ་ལ། ངས་མཐོང་བ་ལ་ཡང་ཡིད་ཆེས་ནས། དེའི་ཚེ་འདས་པའི་འོག་ཏུ་ཆོས་ལྔ།
233a2 འཛིན་པར་འགྱུར་ཏེ། ལྔ་གང་ཞེ་ན། ལུས་ཞིག་ནས་སངས་རྒྱས་འབྱུང་བ་དང་། དེར་འཁོར་ལོས་བསྒྱུར་བའི་རྒྱལ་པོ་ཉིད་དང་། མངོན་པར་ཤེས་པ་ལྔ་དང་། ཆོས་ཀྱི་རྣམ་གྲངས་ཀྱི་གཟུངས་ཏེ།། དེ་ཡང་སྟོང་འཁྱིལ་པའི
233a3 གཟུངས་དང་། བྱང་ཆུབ་ཐོབ་ཀྱི་བར་དུ་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་པོ་འདི་དག་འཐོབ་པ་སྟེ། ཆོས་ལྔ་པོ་དེ་དག་འཐོབ་པར་འགྱུར་རོ།། དེ་ནས་བཅོམ་ལྡན་འདས་ཀྱིས་དོན་འདི་ཉིད་ཚིགས་སུ
233a4 གཅད་པས་བཀའ་བསྩལ་པ།། གང་ཞིག་མིའི་ཁྱུ་མཆོག་སྐྱོབ། པའི་མཚན་ཐོས་ནས་སོམ་ཉི་མེད་ཅིང་དད་བསྐྱེད་ནས།། དེ་ཡིས། ཆོས་ལྔ་དེ་དག་འཛིན་འགྱུར་ཞིང་།། བྱང་ཆུབ་ཐོབ་ཀྱི་བར་དུ་འཇིག
233a5 མི་འགྱུར།། གསེར་གྱི་མདོག་འདྲ་གཟུགས་དང་ལྡན་འགྱུར་ཞིང་།། འཁོར་ལོས་བསྒྱུར་བའི་རྒྱལ་པོ་དམ་མཆོག་མཁས།། བསོད་ནམས་ལྡན་པ་སྲེད་མེད་བུ་འདྲ་ཞིང་།། དམ་ཆོས་འཁོར་ལོ་བར་ཆད་མེད་པར
233a6 སྐོར། བསོད་ནམས་ལྡན་པ་བུ་སྟོང་ཡོད་འགྱུར་ཏེ། དཔའ་ཞིང་རྟུལ་ཕོད་ཕ་རོལ་ཚོགས་འཇོམས་ལ།། ཡན་ལག་མཆོག་གི་གཟུགས་ལྡན་མཚན་གྱིས་བརྒྱན།། མཐུ་སྟོབས་ཆེ་བ་རྒྱལ་པོ་གཙོ་ཉིད་འདྲ།
233a7 རྒྱལ་པོའི་ཆུང་མ་ས་བཟང་གཟུགས་མཛེས་པ།། གསེར་གྱི་མདོག་འདྲ་མང་པོ་སྟོང་ཡོད་འགྱུར།། ཕྱི་ནས་ཉལ་ཞིང་སྔར་ནི་ལྡང་བྱེད་དེ།། རྒྱལ་པོ་གཙོ་ལ་ནམས་ཀྱང་སྐྱོ་མི་བྱེད།། རྒྱལ་ཕྲན་གང་དག་དེ་ཡི
iiif viewer powered by OpenSeadragon
