| e-texts navigator |
| Wylie |
232b1 སྟེན་ཏེ། སེམས་ཅན་གཞན་ཡང་སངས་རྒྱས་ཀྱི།། མཚན་བསྟན་ནས་ནི་བཟློག་པར་བྱེད།། གང་ཞིག་སངས་རྒྱས་མཚན་ཐོས་ནས།། སྲོག་ཆགས་ཀུན་ལ་འདི་སྟོན་པ།། ནམས་ཀྱང་མི་ཁོམ་མི་འགྱུར་ཞིང་།། དེའི་དལ
232b2 བ་བརྙེད་མི་དཀའ།། ཤིན་ཏུ་བཟང་བ་སངས་རྒྱས་དག། འབྱུང་བ་མཉེས་པར་བྱས་པས་ནི།། ངའི་མི་ཁོམ་གང་བསྟན་པ།། དེ་དག་ཐམས་ཅད་སྤོང་བར་འགྱུར།། ཇི་ལྟར་འདྲེན་པ་མཁྱེན་པ་བཞིན།། གཞོན་ནུ
232b3 གལ་ཏེ་ཁྱོད་ཤེས་ན།། སྟོན་པའི་མཚན་ནི་གཟུང་ནས་སུ།། ཕྱོགས་ཀུན་ཏུ་ནི་རབ་ཏུ་སྒྲོགས།། དེ་བས་གཞོན་དུ་གཞན་དག་ལ།། མཚན་འདི་རབ་ཏུ་སྟན་བྱས་ནས།། ཡང་དག་བྱང་ཆུབ་འདི་བཟུང་ཞིང་།།
232b4 འཇིག་རྟེན་གྱི་ནི་མགོན་དུ་འགྱུར།། གང་ཞིག་སངས་རྒྱས་མཚན་ཐོས། ནས།། གཡེལ་བ་མེད་པར་འདི་བཟུང་སྟེ།། སོང་ནས་གཞན་དག་ལ་སྟོན་ན།། དེ་ནི་བྱང་ཆུབ་མངོན་དུ་སྲུང་།། གང་ཞིག་མདོ་སྡེ
232b5 འདི་ཐོས་ནས།། གཞན་དག་ལ་ནི་རབ་སྟོན་ན།། ལེགས་པར་གསུངས་པའི་ཆོས་ཀྱི་ཚུལ།། བསྟན་པ་འདི་དག་སྲུང་བར་བྱེད།། གཞོན་ནུ་ནུབ་ཕྱོགས་ལོགས་ན།། གཞོན་དཔེ་སྔ་མ་ལྟ་བུ་དེ་ལས་སུམ་འགྱུར་གྱིས།།
232b6 རྡུལ་ཕྲ་མོའི་རྡུལ་བགྲངས་པའི་ཚུལ་གྱིས། དེ་སྙེད་ཀྱི་འཇིག་རྟེན་གྱི་ཁམས་དག་འདས་པ་ན། འཇིག་རྟེན་གྱི་ཁམས་རིན་ཆེན་བཀྲ་བ་ཞེས་བྱ་བ་ཞིག་ཡོད་དེ། དེ་ན་དེ་བཞིནི་གཤེགས་པ་དགྲ་བཅོམ་པ་ཡང་དག་པར
232b7 རྫོགས་པའི་སངས་རྒྱས་མེ་ཏོག་རྒྱས་པ་ས་ལའི་རྒྱལ་པོ་ཞེས་བྱ་བ་ཞིག་བཞུགས་ཏེ། འཚོ་ཞིང་གཞེས་ལ་ཆོས་ཀྱང་སྟོན་ཏོ།། གཞོན་ནུ་ཐེག་པ་ཆེན་པོ་ལ་ཡང་དག་པར་གནས་པའི་རིགས་ཀྱི་བུ་འམ་རིགས་ཀྱི་བུ
iiif viewer powered by OpenSeadragon
