| e-texts navigator |
| Wylie |
312a1 དང་། ནམ་མཁའ་མཐའ་ཡས་སྐྱེ་མཆེད་དང་། ཅི་ཡང་མྱེད་པའི་སྐྱེ་མཆེད་དང་། འདུ་ཤེས་མྱེད་འདུ་ཤེས་མྱེད་མྱིན་སྐྱེ་མཆེད་ཀྱི་ཕུན་སུམ་ཚོགས་པ་དང་། གཞན་ཡང་སྤྱོད་པ་སུམ་བཅུ་རྩ་བདུན་པོ་འདི་ལྟ་སྟེ།
312a2 བྱང་ཆུབ་ཀྱི་ཕྱོགས་ཀྱི་ཆོས་སུམ་བཅུ་རྩ་བདུན་ཕུན་སུམ་ཚོགས་ཤིང་། ཆོས་དེ་དག་གསལ་བར་རྣམ་པར་འབྱེད་པ་དང་། བདག་ཉིད་ལུས་ཀྱི་ལུས་ཀྱིས་མངོན་སུམ་དུ་བྱས་པ། སྒྲའི་རྗེས་སུ་འབྲང་བ་དང་། ཆོས་རོ
312a3 དག་བདག་ཉིད་རྣམ་པར་ཆེ་བ་དང་། སྟོང་པ་དང་། མཚན་མ་མྱེད་པ་དང་། སྨོནད་པ་མྱེད་པ་དང་། རྣམ་པར་ཐ་རད་པའི་སྒོར་འཇུག་པ་ལ་རང་དབང་དུ་གྱུར་ད་ཅིང་། རྒ་བ་མྱེད་པ་གང་ཡིན་པ་དེ་ནི་འཕགས་པ་ཞེས་བྱ་སྟེ།
312a4 ནང་ཡོན་ཏན་དེ་ལྟ་བུ་དང་ལྡན་པས་ཕྱི་རོལ་ཁར་སིལ་འཛིནད་པ་ཡིན་ཏེ། འདིས་ནི་གང་དེ་གདོན་མྱི་ཟ་བར་འཕགས་པའི་ཡོན་ཏན་ཚུལ་ཁྲིམས་དང་། བཟོད་པ་དང་། བསམ་གཏན་དང་།
312a5 ཤེས་རབ་དང་རིག་པ་གསུམ་དངམངོན་པར་ཤེས་པ་དྲུ་ག་དང་། རྣམ་པར་ཤེས་པ་བརྒྱད་པོ་དེ་དག་ཕུན་གསུམ་ཚོགས། པར་མཚོན་པ་ཡིན་ཏེ། གང་ཟག་དེ་འཕགས་པ་ཡིན་མཚོན
312a6 པ་ཉིད་ཀྱིས་གུས་པ་བསྐྱེད་པར་འགྱུར་བའི་ཕྱིར་འཕགས་པའི་གང་ཟག་གི་རྟགས་ཤེས་བྱའོ།། སྐྱེས་བུ་དམ་པར་མཚོན་པ་ཞེས་བྱ་བ་ནི་ནང་ན་ཡེ་ཤེས་ཀྱི་ངོ་བོ་ཉིད་དང་ལྡན་པས་དམ་པ་ཞེས་བྱ་སྟེ།
312a7 གང་ཟག་དེ་ནང་ན་ཡེ་ཤེས་ཀྱི་ངོ་བོ་ཉིད་ལྡན་པས་ཡོན་ཏན་གྱི་གཞི་བསྒྲུབ་པ་དང་།། ཆོས་གོང་ནས་གོང་དུ་རྩོལ་ཞིང་ལེགས་པར་བསྒྲུབ་པར་བྱེད་དོ།། ཞེས་སྟོནད་པར་བྱེད་པའི་ཕྱིར། སྐྱེས་བུ་དམ་པར་མཚོན་པ་ཞེས་བྱའོ།། གང
312a8 ཟག་གསལ་བར་དེ་རིང་པོར་མྱི་ཐོགས་པར་ཤེས་རབ་ཀྱིས་མངོན་པར་གྲུབ་ནས། འདུས་མ་བྱས་ཀྱི་གནས་རབ་ཏུ་ཞི་ཞིང་། བདེན་པ་མྱ་ངན་ལས་འདས་པའི་བདེ་བ་དོན་དམ་པའི་གནས་ཀྱི་ལམ་དུ་འཇུག་པར་འགྱུར་རོ།།
312a9 ཞེས་ཤེས་པར་བྱེད་པའི་ཕྱིརལམ་ག་ཆོས་ཕྱོགས་པའི་རྒྱལ་མཚན་ཞེས་བྱའོ།། རྗེས་སུ་དྲན་པོའི་རྣམ་པར་གཞག་པའི་དོན་སྤྱོད་པ་ཞེས་བྱ་བ་ནི། ཁར་བ་འདི་རིམ་པ་གསུམ་དང་ལྡན་པར་དུམ་བུ་གསུམ་གི
iiif viewer powered by OpenSeadragon
