| e-texts navigator |
| Wylie |
129b1 བཏང་ནས། སྔར་མ་རྟོགས་ཏེ། རྒྱུས་མ་ཤེས་སོ་ཞེས་བཟོད་པ་གསོལ་ནས། རྒྱལ་བུ་ཀར་ན་འདུག་པའི་གནས་བསྟནད་ཏོ།། དེ་ནས་བྲམ་ཟེ་དེ་རྒྱལ་བུའི་ཟད་དུ་ཕྱིནད་པ་དང་། རྒྱལ་བུས་ཀྱང་རྐྱང་མ་ནས
129b2 བྲམ་ཟེ་འོངས་པ་མཐོང་ནས། རབ་ཏུ་དགའ་བའི་སེམས་སྐྱེས་ཏེ། བསུས་ནས་གུས་པར་ཕྱག་བྱས་ཏེ། ཁྱོད་ཀ་ལས་འོངས་ལམ་དུ་ཉོན་མོངས་ཤིང་ངལ་བར་མ་གྱུརྡ་ཏམ། ཅི་འདོད་ཅེས་སྤྲོ་བའི་ཀཏམ་བྱས་སོ།། བྲམ་ཟེས
129b3 སྨྲས་པ། བདག་ལམ་རིང་པོ་ནས་འོངས་ཏེ། ལུས་ཐམས་ཅད་རྩེ་ཞིང་རལ་ཏེ། བཀྲེས་སྐོམ་མོ་ཞེས་སྨྲས་པ་དང་། རྒྱལ་བུ་ནང་དུ་ཁྲིད་ནས་སྟན་ལ་འདུག་ཏུ་བཅུཀ་སྟེ། ཤིང་ཐོག་དང་། ཤིད་ཀྱི་འབྲས་བུ་དང་། བཏུ
129b4 བའི་སྐོམ་མདུན་དུ་ཕབ་ནས། བྲམ་ཟེས་ཀྱང་སྐོམ་འཐུངས་ཤིང་ཐོག་ཟོས་ཏེ། ཐལ་བྱུང་རྒྱལ་བུ་ལ་འདི་སྐད་ཅེས་སོ།། བདག་ནི་ཡུལ་ཀེའུ་ལེའུ་ཞེས་བྱ་བའི་ཡུལ་མྱི་ཡིན་ཏེ། སྔ་ཞིག་ནས་རྒྱས
129b5 བུ་སྦྱིན་པ་ལ་དཀའོ་ཞེས་ཕྱོགས་བཅུར་གྲགས་ཤིང་ཐོས་པས། བདག་ནི་དབུལ་འཕོངས་ཏེ། རྒྱལ་བུ་ལ་སློང་དུ་འོངས་སོ།། རྒྱལ་བུས་སྨྲས་པ། བདག་ལ་ཡོད་པ་ལས་ཁྱོད་ལ་མ་བྱིན་ན་ནི།
129b6 ཆགས་ཤིས་སེར་སྣ་བྱེད་པར་གྱུར་ན། བདག་ལ་ཅི་བདོག་པ་སྔར་བཏང་བས། ད་ནི་ཅི་ཡང་སྦྱིན་དུ་མྱེད་དོ།། བྲམ་ཟེས་སྨྲས་པ། དེ་ལྟར་ནོར་རྫས་ཀྱི་སྦྱིན་དུ་མྱེད་ན། ཁྱོད་ཀྱི་བུ་གཉིས་བདག་རྒན
129b7 པོའི་འཁོལ་བ་འམ། བྲན་དུ་བྱིན་ཅིག་ཅེས་དེ་བཞིན་དུ་ལན་གཉིས་ལན་གསུམ་གྱི་བར་དུ་སྨྲས་ནས།། རྒྱལ་བུས་ཀྱང་ཁྱོད་ལ་རིང་པོ་ལས་འོངས་ལ་བདག་གི་བུ་གཉིས་འདོད་པར་རབ་ཏུ་ལེགས་ཀྱིས། སྦྱིན
129b8 དོ་ཞེས་སྨྲས་སོ།། དེའི་ཚེ་ན་མྱིང་སྲིང་གཉིས་མེར་སོང་སོང་བ་ལས། རྒྱལ་བུས་བོས་ནས། བུ་ལ་འདི་སྐད་ཅེས་བསྒོའོ།། བྲམ་ཟེ་འདི་ལམ་རིང་པོ་ནས། བུ་ཁྱོད་གཉིས་སྤོང་ངོ་ཞེས་ཟེར་ནས། ཞོ་བོས་ཀྱང
129b9 སྦྱིན་པར་བྱས་ཀྱིས། བྱེད་གཉིས་འདིའི་ཕྱི་བཞིན་སོང་ཤིག་སྒོ་བ་དང་། བུ་གཉིས་རྒྱལ་པོའི་མཚན་དུ་བྲོས་ནས། ངུ་སྟེ་འདི་སྐད་ཅེས་སྨྲས་སོ།། བདག་ཅག་གྱིས་བྲམ་ཟེ་མ་ཡང་མཐོང་སྟེ། འདི་ནི་བྲམ་ཟེ་མ་ལ
iiif viewer powered by OpenSeadragon
