| e-texts navigator |
| Wylie |
125b1 བཞིན་མ་བྱས་ན་ནི། བདག་གི་དགེའ་བའི་སེམས་འཁྲུགས་པར་གྱུར་པས། འགྲོ་བའི་མྱི་རིགས་སོ།། མན་ཏེས་སྨྲས་པ། རྒྱལ་བུས་སྦྱིན་པ་མཛད་པ་ནི། འཇིག་རྟེན་གང་ན་ཡང་འདི་འདྲ་བ་མྱེད་པས། ཡིད་བཞིན་དུ་སྦྱིན་པ།
125b2 མཛད་དུ་གསོལ། རྒྱལ་བུས་སྨྲས་པ། ཁྱོད་དེ་ལྟར་ནུས་ན་ཤིན་ཏུ་ལེགས་སོ།། ཞེས་རྒྱལ་བུ་དང་། བཙུན་མོས་སྲས་གཉིས་དང་། བཅས་སུ་འགྲོགས་ཏེ། ཡུམ་གང་ན་བ་དེར་སོང་ནས། ད་བདག་ཅག་མཚོའོ།། ཞེས
125b3 ཕྱག་བྱས་ནས། ཡུམ་ལ་འདི་སྐད་ཅེས་གསོལ་ངོ་ཏོ།། ཡུམ་སྐབས་སྐབས་སུ་རྒྱལ་པོ་ཆེན་པོ་ལ། ཅི་ནས་ཀྱང་དྲང་པོའི་ཆོས་ཀྱིས་ཡུལ་གྱི་སྲིང་བདེ་ཞིང་འབངས་མང་པོ་སྟབས་ལས་ཀྱི་འཆད་པར་གྲོས་བདབ་པར་གསོལ་ལོ།།
125b4 ཡུམ་གྱིས་རྒྱལ་པོ་ལ་འགྲོའོ་ཞེས་འཆི་ཕྱག་བྱས་པ་མཐོང་ནས། ལྷག་པར་མྱ་ངན་གྱིས་གདུངས་ཏེ། དྲུང་དུ་འདུག་པ་ལ་འདི་སྐད་ཅེས་སྨྲས་སོ།། ཁོ་མོའི་ལུས་འདི་ན་རྡོ་བ་ཡིན་པ་ལྟ། སྙིང་ནི་རྡོ་རྗེ་ཡིན་པར་བལྟ་སྟེ། བདག
125b5 གྱིས་རྒྱལ་པོ་ཆེན་པོ་ཡི་འགྲོ་བྱ་བ་ལ་སྐྱོན་མ་བྱུང་ན། ད་བེ་མོ་ཀ་ཅིག། པུ་འདི་དང་བྱེ་བྲལ་ཏེ། འགྲོ་ན་ཅིའི་ཕྱིར་ཁོ་མོ་སྙིང་འདིགས་ཏེ། ཤི་བར་མ་གྱུ་རད། བུ་འདི་ཁོ་མོའི་ཁོང་པ་ན་འདུག་པ་ན། སྐྱེད་ཤིང་ཀི
125b6 འདབ་མ་ལྟར་ཉིན་མཚན་ཆེར་སྐྱེས་ཏེ། ངསྐྱེད་རྫོགས་ནས། ཁོ་མོ་བོར་ཏེ་སོང་བས་ན། བཙུན་ཐམས་ཅད་ཀྱང་བདག་ལ་སྙིང་ཚིམ་མོ་ཞེས་བརྗོད་ལ། རྒྱལ་པོས་ཀྱང་ང་བཀུར་བར་མྱི་འགྱུར་ན། ཀལ་ཏེ་ལྔ
125b7 རྣམས་ཀྱིས། བདག་གི་སྨོན་ལམ་བཞིན་མྱི་འགལ་བར་མཛད་ན། བདག་ཀཽ་བུ་ཕྱིར་ཡུལ་དུ་འཁོར་བར་ཤོག་ཤིག། ཅེས་སྨོན་ལས་བཏབ་པོ།། དེ་ནས་རྒྱལ་བུ་བཙུན་མོ་དང་། སྲས་གཉིས་དང་བཅས་ཏེ་ཡབ་དང་ཡུམ་དཔའ་ཚོ་ཕྱག
125b8 བྱས་ཏེ་དོང་ངོ་།། དེའི་ཚེ་བཙུན་མོ་ཉི་ཁྲིས་ནི་སོ་སོ་ནས་མུ་ཏིག་ཆུན་པོ་རེ་རེ་བརྫངས་སོ།། བློན་པོ་ཆེན་པོ་བཞི་སྟོང་ཀྱིས་ནི། རིན་པོ་ཆེ་སྣ་བདུན་ལས་བྱས་པའི་མེ་ཏོག་པད་མོ་རེ་རེ་རྒྱལ་བུ་ལ་བརྫངས་སོ།། དེ་ནས་རྒྱལ་བུ་ཕོ་བྲང
125b9 ནས་བྱུང་སྟེ། གྲོང་ཁྱེར་གྱི་བྱང་སྤོར་བྱི་ནང་ནས་རིན་པོ་ཆེ་སྣ་བདུན་མེ་ཏོག་དང་། དོ་ཤལ་ཡང་རིལ་གྱིས་ཕྱོགས་བཞི་ནས་འདུས་པ་ལ་མ་ལུས་པར་བྱིན་ནོ།། ཡུལ་དེ་ན་གནས་པའི་མྱི་ཞི་ཕྲག་དུ་མས། རྒྱལ་བུས་བསྐུལ།
iiif viewer powered by OpenSeadragon
