| e-texts navigator |
| Wylie |
121a1 འཕགས་པ་རྒྱལ་བུ་དོན་གྲུབ་ཀྱི་མདོའོ།། ། བམ་པོ་དང་པོའོ།། །། འོདི་སྐད་བདག་གིས་ཟོས་པ་དུས་ཅིག་ན། བཅོམ་ལྡན་འདས་ཀ་ཉན་ཏུ་ཡོད་པ་ན། རྒྱལ་བུ་རྒྱལ་བྱེད་ཀྱི
121a2 ལ་མགོན་མྱེད་ཟས་སྦྱིན་ཀྱི་ཀུན་དཀའ་ར་བ་ན། དགེ་སློང་དང་དགེ་སློང་མ་དང་། དགེ་སྙེན་དང་། དགེ་སྙེན་མ་གྲངས་མྱེད་པ་དང་། ཐབས་ཅིག་ཏུ་བཞུགས་སོ།། དེའི་ཚེ་བཅོམ་ལྡན་འདས་འཛུམ་པ་མཛད་ནས། ཞལ་གྱི་སྒོ
121a3 ནས་འོད་གཟེར་ཁ་དོག་སྔ་ལྔ་དང་ལྡན་པ་བཀྱེ་བ་དང་། ཚེ་དང་ལྡན་པ་ཀུན་དགའ་བོ་སྟནད་ལས་ལངས་ཏེ། ཀོས་ཚགས་བཅོས་ནས་ཐལ་མོ་སྦྱར་ཏེ་བཅོམ་ལྡན་འདས་ལ་འདི་སྐད་ཅེས་གསོལ་ཏོ།། བདག་གྱིས་སངས་རྒྱས
121a4 ཀྱི་ཞམ་འབྲིབ་ལོ་ཉི་གུ་བགྱིས་ཀྱི་བར་དུ། དེ་འདྲ་བར་བཞད་པ་མ་མཐོ་བྲན། བཅོམ་ལྡན་འདས་ཀྱིས་སངས་རྒྱས་སྔོན་འདས་པ་འམ་མ་བྱོན་པ་འམ། ད་ལྟར་བཞུགས་པོའི་སངས་རྒྱས་ལ་དགོངས་སམ།། དེ་མ་ལགས
121a5 པ་ཅི་ལ་དགོངས་པ་བསྟནང་དུ་གསོལ་།། བཅོམ་ལྡན་འདས་ཀྱི།། ། ཀུན་དགའ་བོ་ལ་བཀའ་སྩལ་པ།། སངས་རྒྱས་འདས་པའམ། མ་འོངས་པ་འམ་ད་ལྟར་བཞུགས་པ་ལ་དགོངས་པ་མ་ཡིན་གྱི་མངོན
121a6 པར་དྲན་པ། ང་སྔོན་བསྐལ་པ་གྲངས་མྱེད་པའི་འདས་པོའི་ཕ་རོལ་ད་ན་སྦྱིན་པ་སྦྱིན་པོའི་དངོས་པོ་ལ་དགོངས་ཏེ། དེའི་ཚེ་དེའི་དུས་ན་ཡུལ་ཡ་ཏ་ཞེས་བྱ་བ་རྒྱལ་པོ་དགེ་བ་ཞེས་བྱ་བ་དྲང་པོའི་ཆོས་ཀྱིས་ཡུལ་གྱི་སྲིད
121a7 འཛིན་ད་ཏེ། འགྲོ་བ་མང་པོ་སྐྱོང་བ་ཞིག་བྱུང་ངོ་།། རྒྱལ་པོ་དེ་ལ་བློན་པོ་བཞི་སྟོང་ཞིག་ཡོད་དེ།། རྒྱལ་ཕྲན་དྲུག་བཅུ་ལ་དབང་སྐུར་རོ།། གྲོང་ཁྱེར་ཆེན་པོ་བརྒྱད་བརྒྱ་དང་། བལ་གྱི་གླང་པོ་ཆེ་ལྔ་བརྒྱ་ཡོད་དེ།། རྒྱལ་པོ་ལ་བཙུན
121a8 མོ་ཉི་ཁྲི་ཡོད་ཀྱང་། སྲས་མྱི་མངའ་བས་རི་དང་ཀླུང་གྱི་ལྷ་གཉན་པོ་ལ་མཆོད་བྲན་བྱས་ནས། བཙུམ་མོའི་དམ་པ་ལ་སྲས་མངའ་བར་གྱུར་ད་ཏེ། བཙུན་མོའི་མལ་ཆ་དང་། ཟས་སྐོམ་ལ་སྩོགས་པ་འདབ་ཞིང་བཟང་པོར་སྦྱར་ནས།
121a9 རྒྱལ་པོ་ཉིད་ཀྱིས་རིམ་འགྲོ་བྱས་ཏེ། ཟླ་བ་བཅུར་ཚར་ནས། རྒྱལ་བུ་གཅིག་བཙས་སོ།། ཕོ་བྲང་ཀྱི་བཙུན་མོ་ཉི་ཕྲ་རྙེད་ཀྱང་རྒྱལ་བུ་ཞིག་བཙས་ཤེས་ཐོས་ནས།། ཐམས་ཅད་དཀའ་མཀུར་རངས་ཏེ། ནུ་ཞོ་ཡང་རང་བྱུང་བས་རྒྱལ་བུ
iiif viewer powered by OpenSeadragon
