| e-texts navigator |
| Wylie |
185a1 པར་རྫོགས་པའི་བྱང་ཆུབ་ཀྱི་བར་དུ་རྒྱུན་མྱི་འཆད་པའི་དྲན་པ་དང་ལྡན་པར་འགྱུར་རོ།། བཞི་གང་ཞེ་ན། གཟུངས་ཀྱི་སྒོ་ཐོབ་པ་དང་མ་སྐྱེས་པའི་ཡེ་ཤེས་བསྒོམ་པ་དང་། ཟད་པའི་ཡེ་ཤེས་ལ་འཇུག་པ་དང་། འགོག་པའི།
185a2 ཡེ་ཤེས་རྟོགས་པར་བྱ་བའི་དང་བཞིའོ།། འཇིག་རྟེན་འཛིན་གཞན་ཡང་ཆོས་རྣམ་པ་བཞི་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས། ལུས་འདི་བོར་ནས་ནམ་ཐ་མ་མྱེད་པ་ཡང་དག་པར་རྫོགས་པའི་བྱང་ཆུབ་ཀྱི་བར
185a3 ཏུ་རྒྱུར་མྱི་འཆད་པའི་དྲན་པ་དང་ལྡན་པར་འགྱུར་རོ།། བཞི་གང་ཞེ་ན། བྱམས་སྡང་མྱེད་པར་བྱ་བ་དང་། འདུས་བྱས་ཀྱི་ཆོས་ཐམས་ཅད་ལ་མྱི་ཆགས་པ་དང་། འདུས་མ་བྱས་པའི་ཡེ་ཤེས་རྟོགས་པ་དང་། དེ་བཞིན་གཤེགས་པའི་སྤྱོད
185a4 ཡུལ་ཏུ་ཕྱིནད་པར་བྱེད་པའོ།། འཇིག་རྟེན་འཛིན་འདི་དག་གི་ཆོས་རྣམ་པ་བཞི་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ལུས་འདི་བོར་ནས་ནམ་བླ་ན་མྱེད་པ་ཡང་དག་པར་རྫོགས་པའི་བྱང་ཆུབ
185a5 ཀྱི་བར་དུ་རྒྱུན་མྱི་འཆད་པའི་དྲན་པ་དང་ལྡན་པ་ཡིན་ནོ།། འཇིག་ཏེ། མ་འཛིན་གཞན་ཡང་རྣམ་པར་དག་པའི་ཡེ་ཤེས་ཀྱི་སྟོབས་རྣམ་པ་ལྔ་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས
185a6 ཡོན་ཏན་གོང་མ་རྣམས་རྫོགས་པར་འགྱུར་རོ།། ལྔ་གང་ཞེ་ན། ཤིན་ཏུ་ལྷག་པའི་བསམ་པ་རྣམ་པར་དག་པའི་ཡེ་ཤེས་ཀྱི་སྟོབས་དང་། སྨོན་ལམ་རྣམ་པར་དག་པའི་ཡེ་ཤེས་ཀྱི་སྟོབས་དང་། དགེ་བའི་རྩབ
185a7 རྣམ་པར་དག་པའི་ཡེ་ཤེས་ཀྱི་སྟོབས་དང་། བསྔོ་བ་རྣམ་པར་དག་པའི་ཡེ་ཤེས་ཀྱི་སྟོབས་དང་། ལུས་ཀྱི་སྒྲིབ་པ་རྣམ་པར་དག་པའི་ཡེ་ཤེས་ཀྱི་སྟོབས་དང་ལྔའོ།། འཇིག་རྟེན་འཛིན་གཞན་ཡང་རྣམ་པར་དག་པའི་ཡེ
185a8 ཤེས་ཀྱི་སྟོབས་རྣམ་པ་ལྔ་དང་ལྡན་པའི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས། ཡོན་ཏན་གོང་མའི་རྣམས་རྫོགས་པར་འགྱུར་རོ།། ལྔ་གང་ཞེ་ན། སྤྱོད་ལམ་གི་གནས་རྣམ་པར་དག་པའི་ཡེ་ཤེས་ཀྱི་སྟོབས
185a9 དང་། དྲན་པ་དང་ལྡན་པ་རྣམ་པར་དག་པའི་ཡེ་ཤེས་ཀྱི་སྟོབས་དང་། སྦྱོར་བའི་རྣམ་པར་དག་པའི་ཡེ་ཤེས་ཀྱི་སྟོབས་དང་། སེམས་ཅན་ལ་དམྱིགས་པ་རྣམ་པར་དག་པའི་ཡེ་ཤེས་ཀྱི་སྟོབས་དང་། མཚན་ཉིད་ལ
iiif viewer powered by OpenSeadragon
