| e-texts navigator |
| Wylie |
206b1 བྱས་པ་དང་། ཐོགས་པ་མྱེད་པ་དང་། དབྱིགས་པ་མྱེད་པ་དང་། ཞི་བ་དང་། འཇིགས་པ་མྱེད་པ་དང་། མྱི་འཕྲོགས་པ་དང་། ཟད་པ་མྱེད་པ་དང་། རྣམ་པར་ཞི་བ་མ་ཡིན་པའི་རང་བཞིན་ཏུ་མཐོང་བ་དང་། མྱེད་པ་དང་། གསོག་དང་།
206b2 གསོ་བ་དང་། སྙིང་པོ་མྱེད་པ་དང་། ནད་དང་། འབྲས་དང་། ཟུག་རྔུ་དང་། སྡིག་པ་དང་། མྲྀ་རྟག་པ་དང་། སྡུག་བསྔལ་བ་དང་། སྟོང་པ་དང་། བདག་མྱེད་པར་ཡང་དག་པར་རྗེས་སུ་མངོན་པ་དེ་ནི། ཅི་བདག་འདས་པའི་རྒྱས་ན
206b3 བྱུང་བ་ཞིག་ག་མ། འོན་ཏེ་བདག་འདས་པའི་དུས་ན་མ་བྱུང་བ་ཞིག། བདག་འདས་པའི་དུས་ན་ཅིར་གྱུར་ད་པ་ཞིག། བདག་འདས་པའི་དུས་ན་ཇི་ལྟ་བུར་གྱུར་པ་ཞིག་སྙམ་ཅུ། སྔོན་གི་མཐའ་ཡང་མྱི་རྟོག་གོ།། ཙ་མེ་འོངས་པོའོ།།
206b4 དུས་ན་འབྱུང་བར་འགྱུར་རམ། འོན་ཏེ་མ་འོངས་པའི་དུས་ན་འབྱུང་བཱ་མྱི་འགྱུར་རམ། མ་འོངས་པའི་དུས་ན་ཅིར་འགྱུར། མ་འོངས་པའི་དུས་ན་ཇི་ལྟ་བུ་ཞིག་ཏུ་འགྱུར་སྙམ་དུ་ཕྱི་མའི་མཐའ་ལ་མྱི་རྟོག་གོ།།
206b5 འདི་ཅི་ཞིག། འདི་ཅི་ལྟ་བུ་ཞིག། ཅི་ཞིག་ཡོད། ཅིར་འགྱུར། སེཾས།། ཅན་འདི་དག་གང་ནས་འོངས། འདི་ནས་ཤི་འཕོས་ནས་གང་དུ་འགྲོ། བར་འགྱུར།། ཞེས་ད་ལྟར་བྱུང་བ་ལ་ཡང་མྱི་རྟོག་གོ།། འཇིག་རྟེན
206b6 ན་དགེ་སྦྱོང་དང་བྲམ་ཟེ་དག་གི་ལྟ་བར་སོང་བ་ཐ་དད་པ་གང་དག་ཡོད་པ་འདི་ལྟ་སྟེ། བདག་ཏུ་སྨྲ་བ་དང་ལྡན་པ་འམ། སེམས་ཅན་དུ་སྨྲ་དང་ལྡན་པ་འམ། སྲོག་ཏུ་སྨྲ་བ་དང་ལྡན་པ་འམ། གང་ཟག་ཏུ
206b7 སྨྲ་བ་དང་ལྡན་པ་འམ། དགེ་མཚན་དང་བཀྲ་ཤིས་སུ་སྨྲ་བ་དང་ལྡན་པ་དག་ཀྱང་རུང་སྟེ། ལྷག་པར་གཡོ་བ་དང་། བྲལ་བར་གཡོ་བ་དེ་དག་དེའི་ཆེན། དེས་སྤངས་པར་འགྱུར་ཏེ། ཡོངས་སུ་ཤེས་ནས་རྩ་བ་ནས་བཅད་དེ།
206b8 ཏ་ལའི་མགོ་བཞིན་མྱི་སྣང་བའི་རང་བཞིན་དུ། ཕྱིས་ཀྱི་སྐྱེ་མྱི་འགག་པའི་ཆོས་ཅན་དུ་འགྱུར་རོ།། བཙུན་པ་ཤ་རའི་བུ་ལ་ལ་ཆོས་ལ་བཟོད་པ་འདི་ལྟ་བུ་དང་ལྡན་ཏེ། རྟེན་ཅིང་འབྲེལྡ་པར་འབྱུང་བ་འདི་ཡང་དག་པར་ཁོ།
206b9 དུ་ཆུད་ན། དེ་ལ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིན་རྟེན་མཁྱེནད་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མྱེད
iiif viewer powered by OpenSeadragon
