| e-texts navigator |
| Wylie |
46b1 དེས།། བཟོད་པའི་ཕ་རོལྡ་པར་འགྱུར།། ཕན་པ་འདོད་ཅིང་ཡོན་ཏན་ལྡན།། གང་དག་བྱང་ཆུབ་མངོན་ཞུགས་པ།། འཇིག་རྟེན་ཀུན་ན་དེ་རིན་ཆེན།། དེ་དག་འབྱུང་བཞི་ནང་ཏུ་དཀོན།། སྨད་པ་མྱེད་པའི་སྦྱིན་གནས
46b2 འགྱུར།། ས་འདི་དག་ནི་རིམ་གྱིས་སུ།། བགྲང་བར་བྱ་ཞིང་དཔག་པར་ནུས།། དེ་དག་རྣམས་ཀྱི་ཡོན་ཏན་མཐའ།། ཚིག་གིས་བཅད་པར་མྱི་ནུསོ།། སེམས་ཅན་དག་ནི་ཐམས་ཅད་ཀྱི།། དུས་གསུམ་སེམས་ནི
46b3 ཤེས་པར་ནུས།། དེ་དག་རྣམས་ཀྱི་ཡོན་ཏན་མཐལ།། ཚིག་ཀྱིས་བསྟནད་པར་མྱི་ནུས་སོ།། རྒྱ་མཚོ་ཆེན་པོ་བཞི་པོ་དག། སྒྲ་ནི་བྱེ་བ་སྟོང་གཤེགས་པའི།། སྐྲའིས་ཟད་པར་བྱ་བར་ནུས།། དེ་དག་ཡོན་ཏན་ཟད
46b4 མྱི་ནུས།། ས་རྣམས་ཐམས་ཅད་ཕྱེར་བླགས་པ།། རབ་ཏུ་ཕྲ་རྡུལ་གེས་པར་ནུས།། སངས་རྒྱས་སྲས་པོ་དེ་དག་གི།། ཡོན་ཏན་མཐའ་ནི་བརྗོད་མྱི་ནུས།། ཆུ་ཀླུང་ཐམས་ཅད་རབ་འབབ་པ།།
46b5 རྒྱུན་ལས་ཟློག་སྟེ་འགྲོ་ཡང་སྲིད།། སངས་རྒྱས་སྲས་པོ་དེ་དག་གི།། ཡོན་ཏན་མཐའ་བརྗོད་དེ་ལྟ་མྱིན།། སེམས་ཅན། དག་ནི་ཐམས་ཅད་ཀྱི།། སྔོན་གྱི་ལུས་རྣམས་ཇི་སྙེད་པ།
46b6 བགྲང་བར་བྱ་ཞིང་དཔག་པར་ནུས།། དེ་དག་ཡོན་ཏན་ཟད་མྱི་འགྱུར།། སྔོན་གི་ལུས་རྣམས་ཐམས་ཅད་ལ།། སྤུ་འཕྲེང་ཇི་སྙེད་ཡོད་པ་རྣམས།། བགྲང་བར་བྱ་ཞིང་དཔག་པར་ནུས།
46b7 དེ་དག་ཡོན་ཏན་ཟད་མྱི་འགྱུར།། འགྲོ་བ་ལྔ་པོར་འཁོར་བའི།། སེམས་ཅན་ཀུན་གྱི་སྤུ་རྣམས་ནི།། བགྲང་བར་བྱ་ཞིང་དཔག་པར་ནུས།། དེ་དག་ཡོན་ཏན་ཟད་མྱི་འགྱུར།། ས་འདི་ཇི་སྙེད་ཐམས་ཅད་པ།། ཆུའི་ཕུང་པོར
46b8 གནས་གྱུར་ཀྱང་།། དེ་ནི་བགྲང་ཞིང་དཔག་པར་ནུས།། དེ་དག་ཡོན་ཏན་བརྗོད་མྱི་ནུས།། མར་མེ་མཛད་ནས་བཟུང་ནས་ནི།། མ་འོངས་བསྐལ་པ་ཇི་སྙེད་པ།། དེའི་བར་དུ་ཤིང་ལྗོན་རྣམས།། ཇི་སྙེད་མ་འོངས་འབྱུང་།
46b9 འགྱུར་བ།། དེ་དག་འབྲས་བུ་མེ་ཏོག་རྣམས།། དེ་དག་ཟད་པར་ཤེས་པར་ནུས།། བསྐལ་པ་བྱེ་བ་སྟོང་རྣམས་དང་།། ཁྲག་ཁྲིག་དག་ནི་བརྒྱ་འགྲངས་པར།། བརྩོན་པ་ཞིག་གིས་དེ་དག་གི།། བསྔགས་འཕྲེང་ཡིད
iiif viewer powered by OpenSeadragon
