| e-texts navigator |
| Wylie |
196a1 ཡིན་པ་དང་། སེམས་ཅན་ཡོངས་སུ་སྨིན་པར་བྱ་བ་ཤེས་པའི་མངོན་པར་ཤེས་པ་གང་ཡིན་པ་དང་། མངོན་པར་འབྱུང་བ་ཡང་དག་པར་ཤེས་པ་སྤྱོད་པ་དག་མངོན་པར་ཤེས་པ་གང་ཡིན་པ་དང་།
196a2 ཐབས་མཁས་པ་མངོན་པར་ཤེས་པ་གང་ཡིན་པ་དང་། སེམས་ཅན་ཡོངས་སུ་སྨྱིན་པ་བྱ་བ་ཤེས་པའི་མངོན་པར་ཤེས་པ་གང་ཡིན་པ་དང་། མངོན་པར་འབྱུང་བ་ཡང་དག་པར་འདུ་ཤེས་པ་སྤྱོད་པ་དག་མངོན་པར་ཤེས
196a3 པ་གང་ཡིན་པ་དང་། ཐབས་མཁས་པ་མངོན་པར་ཤེས་པ་གང་ཡིན་པ་དང་། སྦྱིན་པ་ཡོངས་སུ་སྔོ་བའི་མངོན་པར་ཤེས་པ་གང་ཡིན་པ་དང་། ཚུལ་ཁྲིམས་དང་བཟོད་པ་དང་། བརྩོན་འགྲུས་དང་། བསམ་གཏན་དང་།
196a4 ཤེས་རབ་ཡོངས་སུ་སྔོ་བ་དང་། བདུད་ཚར་བཅད་པ་དང་། དགེ་བོའི་རྩ་བ་ལ་སྦྱོར་བ་མངོན་པར་ཤེ་པ་གང་ཡིན་པ་དེ་ནི་མངོན་པར་ཤེས་པ་ཞེ་སུ་བྱའོ།། རྣམ་པར་འཕྲུལ་བའི་རྒྱལ་པོ་གཞན་ཡང་བྱང་ཆུབ་སེཾས
196a5 དཔའ་མངོན་པར་ཤེས་པ་ཐོབ་པོ་ནི། གཟུགས་དང་། ཁ་དོག། དང་། གཟི་བརྗིད་དང་། སྙན་པ་དང་། གྲགས་པ་དང་། སྟོབས། དང་། རིགས་དང་། རུས་དང་། ནོར་དང་། གཡོག་འཁོར་རྣམས
196a6 ཀྱིས་མངོན་པར་ཤེས་པར་གྱུར་ད་ཏེ།། དེའི་ཕྱིར་མངོན་པར་ཤེས་པ་ཞེས་བྱའོ།། རྣམ་པར་འཕྲུལ་བའི་རྒྱལ་པོ་གཞན་ཡང་མངོན་པ་ར་ཤེས་པ་ཐོབ་པའི་བྱང་ཆུབ་སེམས་དཔའ་ལྷ་དང་། ཀླུ་དང་། གནོད།
196a7 སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མྱི་འམ་ཅི་དང་། ལྟོ་འཕྱེ་ཆེན་པོ་དང་། མྱི་དང་མྱི་མ་ཡིན་པ་རྣམས་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་པ་རྣམས་དང་། དེ་བཞིན
196a8 གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ཀྱིས་མངོན་པར་ཤེས་པར་གྱུར་ད་ཏེ། དེ་བས་ན་མངོན་པར་ཤེས་པ་ཞེས་བྱའོ།། རྣམ་པར་འཕྲུལ་པའི་རྒྱལ་པོ་དེ་ནི་མངོན་པར་ཤེས་པ
196a9 ཞེས་བྱ་སྟེ། མངོན་པར་ཤེས་པ་དེས་བྱང་ཆུབ་སེམས་དཔའ་སྔོན་དམ་བཅས་པ་ལས་ཀྱང་མྱི་འགྱུར་ལ། བྱ་བ་ཐམས་ཅད་ཀྱང་སྟོན་ཏོ།། རྣམ་པར་འཕྲུལ་པའི་རྒྱལ་པོ་དེ་ལ་ཤེས་པའི་རྣམ་པར་འཕྲུལ་པ་གང་ཞེན
iiif viewer powered by OpenSeadragon
